ƁI NGI HIN GAR MUDUMBUŊ NAŊ 11:2 - Bible en langue guiziga

² Diga ti Sawul misi ar buy vuna kwana, mabi ti mizli Israyeleye, yo mamo taŋ i ka vuna si. Na zle Bumbulvuŋ Buymisemuŋ ɗik a ɓuw di le zleˀe si: Masa jigina Israyel mizli ɗuwoy i ka, yo masa cifi buy taŋ i ka»

ƁI NGI HIN GAR MUDUMBUŊ NAŊ 11:2 ပူးပေါင်းရင်းမြစ်များ

SAMUYEL MUCUW NAŊ 5:2

Zlezle zleˀe, ti di Sawul misi i buy ndra na, mabi ti soje Israyeley ng'ar vurumo i ka, yo mamo ti taŋ i ka. Dambalaka Buymisemuŋ a ɓuw le zleˀe si: ‹Masa jigina Israyel, mizli ɗuwoy i kaha, yo masa tiri buy ngi Israyeley i ka.›»

SAMUYEL MUCUW NAŊ 7:7

Yi kisa Israyeleye le ko amaka gar. Yo yi cica sukwi ngi Israyeleye, ɓa a jiginaka Israyel, mizli ɗuwoyo. Ti hin nah gar na, ɓa yi ɓi sukwi purla asi taŋ: Ki ɗiyikiy hay ti dumo ta vur mike na, ko yi ɓi ta.›

BUYOY MUDUMBUŊ NAŊ 14:7

Mi, ara ɓa Zeroboˀama na: Bumbulvuŋ, Buymisemuŋ ngi Israyel a ɓuw ani: ‹Ka mbur ngatara zleˀe lambaˀ, amma yi muɗuw le ceɗ a wuzla mizli, joˀ yi cifi ti ka buy ngi sukwi Israyel, mizli ɗuwoy.

BUYOY MUDUMBUŊ NAŊ 3:9

Ambuh! Bumbulvuŋ, vuliy lesl mezle da ya gawla ɗike, ɓa ngi zumabuy ar mizli ɗikey, yo ɓa ngi sla wala ngi mezle ati malambaˀa. Da kanah ta na, i wa mazum buy gu ar mizli ɗikey mupuɗaw hanayna ka?»

DIMISEY 78:71

A zuɓo di ti naŋ miɓaˀ asi tumuŋ naŋhay, ɓa a tiri di mijigina sukwi ngi Zakop, mizli naŋhay, yo Israyel zlili naŋ.

EZAYI 40:11

Naŋ kaɓa mijigin maru ti ginewey ng'ar li zum, a ska haŋ sik na, a kuso taŋ arleˀe. A hila ziri tumuŋhoyo jup a didak, yo tumuŋ misi ziri asi taŋ na, aru taŋ ti sekvu.»

EZAYI 55:4

Yi cifaŋ naŋ le i sedewo ngi biga gidaŋ ɗu da sukwi ngi mizli, i buy, yo i madiɗa ngi mizli ma.

ZEREMI 3:15

I sa vulukum mijiginey masa jiginukum kaɓa ya mawuɗo, a sa jiginukum ti lesl waɗ ti sinmijileŋ. I ya Bumbulvuŋ maɓi.

MISE 5:2

Vurˀe, Buymisemuŋ a sa pula Israyeleye mbak asi haŋ ngi mesene taŋhaya, hã ngwas misi zuŋ a kwacay na, a yi ɗagay. Akẽh na, sukum naŋhay mindiram na, a sa jumom ng'avi Israyeley.

MISE 5:4

Masa so ti zuy asi ruwuyo i naŋ vuna. Da mizli Asirihey misa coko le asi hirwuy ndra, ara zumaka hay ndraˀahaya na, i sa cicam mijiginey tarnaˀ, waɗ buy ngi mizli dangafaɗa, ɓa a zliram dibiɗ ati taŋ.

SLUFA VU 27:17

Anja i mbur mindila le ngi jigina taŋ ko ar ɓi wanaka gar, ɓa mizli ɗikey a ndiram kaɓa tumuŋ manja mijiginey ta.»

Matiye 2:6

«Ka Beteleyem, hirwuy Yude, ki prok miwãˀ ngi wuzla walahay madiɗa ngi si ruwuy Yudeheye ta, asi buy masa jigina Israyel, mizli ɗuwoy na, a sa bo tivi ka.»

Ɓimezle ngi Yesu Kristu ZAŊ mitil di mi 10:4

Da a bi taŋ le gar ng'avra na, a ki ɓaˀ a mbuŋ, joˀ tumuŋhoy a sipakaŋ, asi a sinaka ˀay naŋ le.

SAMUYEL MUDUMBUŊ NAŊ 16:1

Akẽh na, Buymisemuŋ a ɓa Samuyele na, «kisa kiɗa mi ngi lika Sawulo hã ti vunaka? Mihiziga avra na i ya vuna, yo naŋ anta i buy ngi Israyel mata. Naha durum ɗike ti mal ngi pi a hirnga, a ru. I slinuw ngi hay Zese a Betelyem, asi a wuzla ziri naŋhay na, yi wini mbur ngisi mevel ɗu le.»

SAMUYEL MUDUMBUŊ NAŊ 16:13

Akẽh na, Samuyel a zuɓa durum ngi mala, a paŋ mala a wuzla sukum naŋhaya. Zle tapasa, ˀUf ngi Buymisemuŋ a so angi Davite, naŋ da angi naŋ. Joˀ Samuyel a zuɓa jiviɗ a mi nga Rama.

SAMUYEL MUDUMBUŊ NAŊ 18:13

Vurˀe, Sawul a kiraha Davite baɗ a cikeˀe, a caŋ i madiɗa a hirnga sojehey durmuku. Davite, i naŋ maka mbuŋ da mizli angi vurumo.