ƁI NGI HIN GAR MUDUMBUŊ NAŊ 10:4 - Bible en langue guiziga

⁴ A ɓa mbur majijiraŋ gwat ngi vurumoyo: «Zuɓa maslalam ɗike, kiɗiy vagay, vur Filisti manja ci mizaw tayna masa kiɗikiy, a sa singiram ar ya» Amma mbur mijijira gwat ngi vurum naŋhay a ngum ta, asi zluwun ara gaŋ haɗi. Dar Sawul a zuɓa maslalam naŋ, a diɗ kuɓ ng'araŋ.

ƁI NGI HIN GAR MUDUMBUŊ NAŊ 10:4 ပူးပေါင်းရင်းမြစ်များ

SAMUYEL MUCUW NAŊ 1:20

Ki tilam di mi ar walahay Gata ta, ki ɓaka haɗa haɗa a jiviɗ ngi Askaloŋhoyo ta. Vur ngwas Filistihey mamulom, anja ngwas ngi manja ci mizaway, a jiɗam mececẽleŋ ta.

SAMUYEL MUCUW NAŊ 1:6

Gawla tuwa, a mbiɗaŋ di: «Ya a muwã Gilboˀa gurjik kine, keɗ na, Sawulo, naŋ dilak ti ziwit naŋ. Mesene naŋ misi mota ngi vurumoy ati misi pilisey ngasl ngasl gweˀ a cikeˀe.

SAMUYEL MUCUW NAŊ 17:23

Ahitofele, ti naŋ mupura, anta gam slra ti ngilawuy nga naŋ na ta na, a juwa zungu naŋ, a zuɓa jiviɗ, a cuh ngi hay, ar walahay naŋ. A ɓa ɓiheye ɗaˀ ɗaˀ le da mizli ngi hay naŋhaya, ara luwa vu naŋ. Naŋ mumuc na, a dikaka ar zivi ngi cine.

BUYOY MUDUMBUŊ NAŊ 16:18

Zimri, ti naŋ mupura sojehey a zuɓaka walahaya le na, a ci ng'ar mugum ngi buyo a ɗuva vu da haya, joˀ hay a wur ar naŋ vuna si.

ƁI NGI HIN GAR MUDUMBUŊ NAŊ 10:3

Zle ti nah na, gidaŋ ngi vurum a slikiɗ ng'ar Sawul. Misi luvutoy, a purakaŋ, Sawul a zla zluwun kirkir.

ƁI NGI HIN GAR MUDUMBUŊ NAŊ 10:5

Mijijira gwat ngi vurumoy mupura buy naŋ a muc le na, naŋ kwana, a diɗ kuɓ ng'ar maslalam nga naŋ, a muca ya.

SLRA 1:18

Yo mbur nah na, a hiɗik guva ti dala muwurkakaŋ di slra malambaˀ tuwa, dar a diɗ hirnga jik nga ruwuy, kwacay a nduz bav, tanday curɗoɗ avra.

SLRA 16:27

Mijigina dangay a puɗuk, keɗ na, miviŋ ngi dangayaya gar baŋ baŋ, a wa na, kaɓa dangayay a kilam le, a zuɓa maslalam naŋ, ɓa a kiɗa vu naŋ.

MIGI KIITAHAY 15:18

Yam a wuɗ a kiɗa Samsoŋ. A zila Bumbulvuŋ, a ɓaŋ: «Muvula bugawla madiɗa hana da gawla ɗik i ka. Na wurenna mbak i muc ti madalyam, ɓa i ci ng'asi haŋ ngi mizli manja ci mizaw tayna sukwa?»

MIGI KIITAHAY 16:21

Dar Filistihey a jaka, a nduzokoŋ hiriheye, a ram di nga Gaza, yo a juwaka ti celelu ngi ɓiri gaza, vah vah makaw cuw. A tikakaŋ ˀay ngi yaˀa daw ar dangaya.

MIGI KIITAHAY 9:54

Abimelek a zilo gawla mijijira gwat ngi vurum naŋhay, a ɓaŋ: «Muɗo maslalam, tikiy hutuŋ, vur taŋ masa kiɗaka slir ɗo: ‹i ngwas mikiɗa na› mesem.» Dar gawla naŋ a zligaŋ ti maslalama gor njoŋ, a mucu.

SAMUYEL MUDUMBUŊ NAŊ 14:6

Zonataŋ a ɓa gawla naŋ majijiraŋ gwat ngi vurumoyo, sawa akum sesẽŋ ng'avu Filistihey, manja ci mizaw tayna. Asinta Buymisemuŋ a sa jina ndra kwani. Naŋ kine, ko da ndra haɗa malla haɗa ta gar na, da Buymisemuŋ a ɓi le ɓa a jina ndra, i lumam bugawla na, ko gwat matikaŋ anta.

SAMUYEL MUDUMBUŊ NAŊ 17:26

Davit tuwa, a cufuɗa soje ngi cikeˀeheye: «Mbur misa kiɗa mbur Filisti hana le, yo misa kiraha mesem ngi Israyel le avra na, a sa vulakaŋ mike? Filisti manja ci mizaw hana maza soje ngi Bumbulvuŋ misi ti siifa na, naŋ vuna i waka?»

SAMUYEL MUDUMBUŊ NAŊ 17:36

Ya gawla ɗike, yi kiɗa mobor ati luˀuf le takwa! Mbur Filisti manja ci mizaw hana, yi sa gaŋ di i gwat misi purlakanah ya. Asi mike, sojehey ngi Bumbulvuŋ misi ti siifa na, a za taŋ le.

SAMUYEL MUDUMBUŊ NAŊ 31:4

Sawul a ɓa gawla naŋ majijiraŋ gwat ngi vurumoyo: «Muɗa maslalam ɗike, kiɗiy vagay, asi y'anta i wuɗ ɓa i Filistihey, manja ci mizaw tayna makiɗikiy, ɓa a singiram ar ya ta.» Amma gawla naŋ majijiraŋ gwat ngi vurumo a ngum ta, asi ara zluwun haɗa teˀe. Akẽh na, Sawul a muɗa maslalam naŋ waɗ a diɗ kuɓ angaŋ.