ƁI NGI HIN GAR MUDUMBUŊ NAŊ 10:1 - Bible en langue guiziga

¹ Ti di numuŋ ada na, Filistihey a zlaka Israyeley ngi kiɗa vu a muwã Gilboˀa. Israyeley a kilam ti taŋ, joˀ Filistihey a kiɗam haɗi asi taŋ.

ƁI NGI HIN GAR MUDUMBUŊ NAŊ 10:1 ပူးပေါင်းရင်းမြစ်များ

SAMUYEL MUCUW NAŊ 1:21

Muwã Gilboˀahaya, anja wulngar malla vuŋ a gi ar kumo ta, anja guva migi gwat a sirtukum mata. Asi mbaray ngi bugawlahay a jupam le ti ndileɓ, mbaray ngi Sawul anta sa gakaŋ mala mata ndiɗaˀ wãˀ.

SAMUYEL MUCUW NAŊ 1:6

Gawla tuwa, a mbiɗaŋ di: «Ya a muwã Gilboˀa gurjik kine, keɗ na, Sawulo, naŋ dilak ti ziwit naŋ. Mesene naŋ misi mota ngi vurumoy ati misi pilisey ngasl ngasl gweˀ a cikeˀe.

SAMUYEL MUCUW NAŊ 21:12

Filistiheye, tapas taŋ mikiɗaka Sawul vagay a Gilboˀa na, a luwaka vagay naŋ ati mangal naŋ Zonataŋ law law ar li mizli makusom a Bet-Seyaŋ. Mizli madiɗa ngir walahay Yabes, angi hirwuy Galaˀat a soko, a huloko vagay ngi Sawul ati ngi Zonataŋ a Bet-Seyaŋ tuwa. Dar Davit ara tuɓo tesl taŋhay avu mizli tayna so.

ƁI NGI HIN GAR MUDUMBUŊ NAŊ 10:8

Li naŋ muwun na, Filistihey musoko nga cuko gwat ngi mizli mumucahaya na, a lumaka vagay ngi Sawul ati ngi ziri naŋhay a muwã Gilboˀa.

ƁI NGI HIN GAR MUDUMBUŊ NAŊ 9:44

Asel a yi ziri mizilehey merkeɗ, slimiɗ taŋhay ani: Azirikam, Bokru, Ismayel, Seyariya, Obadiya waɗ Hanaŋ.

SAMUYEL MUDUMBUŊ NAŊ 28:1

Ti di nah na, Filistihey a kusoko soje taŋhaya arleˀe, ɓa a gam vurum ati Israyeley. Akis a ɓa Davite: «Sey ki si na sin le, ka ati mizli ɗikeye, kisara gam vurum asi ya.»

SAMUYEL MUDUMBUŊ NAŊ 28:4

Filistihey a kusom, ara pam sar a Sunem. Sawul kwana, a kuso Israyeleye gar, a pam sar a Gilboˀa.