Yute 1:9 - Ka Lamana'a Monoꞌi Lu Mu Tifiꞌehina Ka Yabe

⁹ Agelomagihi bo enogo'anifu Mikaeliu ya'ma faga mono'i lilata nehana bona'i hi'ahana suhi huto mehu'ehibe. Ai Mosehi sekuya'a ki'afu lilibe lite Satahi kenasabo bilete ihega ahega helete Satahi ka'a foipa hilibe luto keheli'ehina, ya'ma keta higo ai Satahi megeka meluse ma luto luloto lu emi'ehina: Sipi Bo aliha'a ka kemekilina'mu yabe luto lu emi'ehina.

Yute 1:9 ပူးပေါင်းရင်းမြစ်များ

Maki 15:29

To anaga kapo melete bi'ahana bona'magi enali bu gete, enayahi koke ite Yesuhi kiya hi etete ma li'ahabe: Ahe. Kubuyaka hino. Kai sipi mono nohi tele biloto aku'i loeyagi moneyagi yegegu gilube lu'ahata bo yale.

1 Tesalonika 4:16

Sipi Bouba ai'a kokulumaguti limilube'mu nohibe luto yamofihi kaga'a kehe ito kanipo fite agelo bona'magihi kaba bo'aniuba nogo nemelenogo to Hu'mamofihi ufeha'a nefinogo limilina'mu yabe. Limilenogo Kilisitohi bona'i fili'ahana'amagi enali kohe tete ho tilana'mu yabe.

1 Pita 3:9

Ana'ina foipana lelite tinogomo lenalitinigo fililata nasana foipana lelite metilo. Lenali lube laga hibe nehinogo lenaliya nona'a meepise bebe sose ka lu epilo. To lenali ana hite lusa gise ka lilabe luto Hu'mamofihi elesa molo'ehinamo ni'ibe.

2 Pita 2:11

Ya nehago agelomagi enali'ya amuya'ani enebe ligi'ehina ni'ina enali Hu'mamofihi gobisalo ana faga mono'i lilata babafi bo le'mobe hokobe hi etalana'a meni'ibe.

Huto Hilina Ka 12:7

Ya hulago kokulumaga luba sipi huto hu'ehina. Agelomagihi kaba bo'ani Mikaeli to yagapana'a hiti gonamu tamu'a hiti enali hagulu osifa'i hoto li he'milune lilete ete li nupa hi'ahana. To mone kegi'a ya'ma hagulu osifa'mofihi yagapana'a gonamu tamu'a ana hite ete luba hite melete mine'ahana.