Yute 1:3 - Ka Lamana'a Monoꞌi Lu Mu Tifiꞌehina Ka Yabe

³ Keke'i nolu lepolona bona'ise. Nani Hu'mau lenubuto bilata nasana silaga bona'magi hiti lilata nohuta yana'mu fayahi koyoto lepilube luto amuya molo'ohunaya, to bona'magi keheli ule'ale huse'namofihi kapo'a mino hetofa huto minalibe luto Hu'mau lu limi'ehina kaga ya'ma sibi hu lalibe luto asaga'naloga amuya melete foya'a ule'ale hite li etalana lenogo'na bito fayahi koyo lepilube luto kana'ni tupa nohibe.

Yute 1:3 ပူးပေါင်းရင်းမြစ်များ

Aposolo 17:3

Mesiau gabu foya liloto filito aku ho tilibe luto Hu'mau le'mo ho ti'ehina. Ya'ma Yesu kumu kaga lu nolepuna boya ai Mesiau nohibe luto lu yege hago enali enegekesa keheliya i'ahana.

Aposolo 18:28

To ai asaga boana'magi enubulo Yuta bona'magi kaga bati mehina'a lilata nehana ana ka'anilo nona'a lu epigo ai ka'auba enali ka melugu ho fi to'ehina. To ai Yesu kumu ma'naka luto Mesiau nohibe luto Hu'mau mono kagu go'ehinaloti leka soloto enelepito higo enegekesa keheli amuya mele'ahana yabe.

Aposolo 20:27

Ya'ma noluto hena'mube? Nani ya'ma Hu'mamofihi lu kehelise nasana asaga'i lu hokolo huto mone'a fala meki'ohuna yabe.

Aposolo 28:28

To Polu mone kaga hiti lu epi'ehina: Yatai nani Hu'mau enubuto bilata kaga'a lu nimi'ohuto fegutoga bona'i nehanalo noho lifi'ehinagi enali ana ka lamana'a kehelilune'mu nehabe.

Aposolo 4:12

Bo mone fato'i nohinauba melehe'malina'mu yabe. Yesu ai'asigoko lele'mo lubuto bilata bo nohibe. To asaga hepa'i ni'inalogati mone gihiti bo fato'i lubuto biloto lele'malibe luto Hu'mau le'mo huto mehu'ehina yabe.

Aposolo 6:7

To Hu'mamofihi kaga fato fato hepato leli'ali hago bu baga i'ehina. Ya higo babu boana'i luga'a hiti Yelusale hepatogati komopa'ani i gelehe hite Hu'ma kaga'a liyafa hi'ahana. To enali sipi mono noto kaba bona'i luga'a babu lite ana hite komopa'ani i gelehe hite ka lamana'a mege'i mele'ahana yabe.

Aposolo 9:13

Ya ligo Ananiasiu ka'alo nona'a lu emi'ehina: Sipi Bo, babu bona'magi ya'ma bomofihi kaga'a nelago nokeheluna bo nohibe. Kai boanaka Yelusale'i enegene mane ise bati mehina suhi babu luto ya'mana bouba li huto nohibe lago nokeheluna yabe.

Aposolo 9:22

Ya lite lana Soliu lu yege ho epina kagauba amuya molo'ehina. Ya higo Yuta bona'i luga'a Tamasiko hepalugu neminanamagi kaga'a lina kehelilete topa he'ahana. To Yesu bo mana'i Mesiau nohibe luto lu epina kagauba amuya molo'ehina'mu enali Solihi nona'a lu meemi'ahana yabe.

1 Koliti 15:3

Mono ka tito ni'ina ka'a lu nimi'ehina'asigo lenali'i lu lepito ma luto lu lepi'ohube: Kilisitou lali foipanati'mu fili'ehina ya'ma mono bukugu ai ana hilibe lite koyapa'i emasana keye'ahanamo ni'ibe.

Galesia 2:5

Enali ya bomagi lali'i lele'mo afetoga malalune lite nelago lali ka lamana'amofihi hapa'amu kaba hu lepolo'ohuta ya'ma ka lamana'auba lenalitoga buto le'mo amuya malalibe luto ka'ani he'mito kana'a mone'ya hiti mege'i memolo'ohutamo ni'ibe.

Galesia 3:28

To ya hu'ehina'mu Yuta bona'i nehana to fegutoga bona'i nehana, kele kele'i yagapana'i lolo hite tina'a limina'a hite mine'ahana, fa'menego minelata hi'ahana boana'i fato hite minelata hi'ahana. Yamofihi su ho'ehigo yatai lenali asaga'i Yesu Kilisitotoga bite hepite moneko koguna lolo hi'ahabe.

Galesia 6:11

Lenali fayahi napa'a ya'ma nani nayaha'niloti koyo'ohuna. Ya bu galo.

Efeso 1:1

Oho, Efeso bona'ise. Lenali Hu'mamofihi naga'ise. Lenali Sipi Boti Yesu Kilisitotoga ule'ale hite neminana bona'ise. Nehafihe? Nani Poluita Hu'mamofihi kaga'a lu molo'ehina'mu ya'ma Yesu Kilisitohi aposolo bo lolo hu'ohunamofita fayahi ya'ma koyoto nolepube.

Filipai 1:1

Nani Poluita to Timoti hiti moneka nohutoti'a Yesu Kilisitohi lili'na bona'a nohu'ibe. Lenali hepatoga bona'i Yesu Kilisitohi keheli emite mine'ahana bona'ise. Nehafihe? To Hu'mamofihi yagapana'i lolo hi'ahana bona'i to mono kaba bona'i to babafi bona'i lenalise. Nani fayahi ya'ma koyo nolepube.

Filipai 1:27

Moneko'i lenali Kilisitohi ka lamana'a mege'i melete hetofa suhi lite minenogo hepite komopatini moneko hinogo hetofa kagamofihi foya'a amuya amuya melete nelinogo nani lenalitoga bu nehetilufi mebilufi lenali kumu bati ka nelinogo kehelilube.

1 Tesalonika 2:2

To Filipai hepatoga lele'mo sibina to huli ka lu limite hilata hi'ahago yalo lenali Tesalonika bona'magita bu'ohuta akeheli'ahabe. Ya hi'ahanaya to bona'i luga'amagihi luba limilune'mu nehago Hu'mau lukesa fi hetofa hu leto'ehigo babahi huto nohuto lenalitoga Hu'mamofihi ka lamana'a lu huto huto lu lepi'ohuta.

1 Timoti 1:18

Oho pana'ni, Timotio, koyapa'i kohe toto kaga lu huto huto bomofihi ka'a kai kumu huto hu'ehina yamofihi keheliloto ma luto lu molo neketobe. Ana kaga keheliloto nohutoka luba hilata nehana ya suhi huto foya amuya moloto lilatagihe.

1 Timoti 6:12

Ya nohutoka kemehi emise'namofi kumu keheli ule'ale huto minoto, to mino kosaba'namofihi kapogu hololu luto bilata yamofihi mina'a lilane. Lelito buto amuya mololata yamofihi li pili koto lilane. To kaika ya hilube luto silaga bona'magihi enogobisalo mono ka ya suhi nohube luto lu molo'ehitogo Hu'mau ana huto kemehi emise'na ya suhi huto minalane luto elesa molo kimi'ehinamo ni'ibe.

2 Timoti 1:13

To kaga lamanamofihi legeya'a lu kelepi'ohunamo nani babeyafalo lolo hu'ohuna ya'ma analo li pili koto lito minoto Yesu Kilisitotoga buto komopaka molo emita'mu yabe luto keheligo bati hulata nohibe. To keheli ule'ale huse'na to mehi epise'na hiti yamofihi komopa'agu minobo.

Taitasi 1:4

Taitasio, lusi pana'ni kai hiti nani hiti moneko mono'i keheli emito mino'ohu'inamo ni'ibe. Kai ya'ma fayahiya koyoto nokumuna kehelibo. Afotifu, Hu'mau to Yesu Kilisitou lubuto bilata bomofitogati lehe'mose'na fuluna'a hiti kaitoga mineno.

Hibulu 13:22

Nigibo nalalu'nigita, nani kaga mone lu lepi'ohuna'a yatama meni'ibe. Lenali lenegekesa lito lufusatini li hetofa hilina ka'a ya'ma lu nolepugi lenekesa li hokolo hite kehelite minalo.

Hibulu 6:9

Nalalu'nigitabe, nani ka noluna ya'ma lenali le'mo tiligi salabe luto keheli'ohuto menolube. Lenubuto bise nasana yamofihi legeya'a lenalitoga huto holito buto minalibe luto keheli'ohuta nolube.

1 Pita 5:12

Nani kaga ya'ma Silibanuhi'ya ka lu emi emi nohugo fayahi ya'ma koyoto nolepibe. Nani ai kumu ya'ma nokehelugo nalalu'nifu lamana'a lolo nohibe. Naniya Hu'mamofihi lehe'mose'na'a kehelugo legeya'a lolo nohina ya'mu lusi kaga amuya'a hiti lu huto huto lu nolepuna'mu luto lenogo'na bito lu nolepube. Ana lehe'mose'namofihi komopa'agu ule'ale hite minalo.

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

2 Pita 2:21

Bona'i ya'amagi enali kapo lamana'a mekehelise minatita ya bati hatita'mu yabe. To kapo lamana'alo kehelilete yalo aku'i Hu'mau lu molo epolo'ehina kaga lamana'amofihi enemegesa hu emite i behe hite ete kosaba kapo he'mite tafa'a kapolo nebago ya'ma bati mehu'ehina sibina hulata nohibe.

Yute 1:1

Yuteita nani Yesu Kilisitohi kele kele'a to Yemesihi gona'amofita, afotifu Hu'mau elesa molo lepito komopa'a lepilata nohina'mu lenele'mo moloto Yesu Kilisitohi kabalo lenele'mo molo'ehinamo lenali fayahi ya'ma koyoto nolepube.

Yute 1:17

To nemehi lepi'ohuna bona'ise. Lenali ya'ma koyapa'i Sipi Boti Yesu Kilisitohi aposolo bona'magi enali kohe tete kaga'a lu lepi'ahanamo yana'mu kehelite minalo.

Yute 1:20

Ya hite nehanaya, komopa'ni lepi'ohuna bona'ise, lenali monotini legeya'a yanauba komopatini lolo hilenogo amuya melete mineme bite minalabe. Hu'mamofihi fana meha'a hiti Sikalafu'i limi'ehinamofihi amuya'alo minete Hu'mamofitoga lite minalo.

Huto Hilina Ka 12:11

Ligibo lalalutigihi sipisipi nala'amofihi golaha'amu keheli amuya mele'ahana'amagi ka lamana'a lu yege he'ahana'amu enali Satahi be ligi'ahana. Ya hite, filise'na'animu mekehelise to mino bati hise'na'animu mekeheli'ahanamo ni'ibe.

Huto Hilina Ka 2:10

Lenalitoga keta'a huse'na aku'i huto hu lepilube'mu higo lenelesa melino. Keheli'ahafiye? Satau ai enimi'i mololata nasana huto hu lepilibe luto lenalitogati luga'a ya'ma naga nonugu lenele'mo malalina'mu yabe. Ya hulenogo keke'i luse'na keta huse'namofihi kana'a 10 yupapogu huto hu epilina'mu yabe. Lenali ya'ma mono ka li pili kete lite fililafi fa'mene minalafi lite minete kehelilenogo sekele mamu'a hiti kakili tegi huto ule'ale huto minolata nohinamofihi lito bi lepalalube'mu hube.