Yute 1:20 - Ka Lamana'a Monoꞌi Lu Mu Tifiꞌehina Ka Yabe

²⁰ Ya hite nehanaya, komopa'ni lepi'ohuna bona'ise, lenali monotini legeya'a yanauba komopatini lolo hilenogo amuya melete mineme bite minalabe. Hu'mamofihi fana meha'a hiti Sikalafu'i limi'ehinamofihi amuya'alo minete Hu'mamofitoga lite minalo.

Yute 1:20 ပူးပေါင်းရင်းမြစ်များ

Aposolo 15:9

Ai lali'i fato suhi nohu letoto enali'i mone fato suhi mehu epolo'ehibe. Enali komopa'ani aitoga emigo ya hanalo nona'a foipana'ani li he'mi epolo'ehibe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Aposolo 6:7

To Hu'mamofihi kaga fato fato hepato leli'ali hago bu baga i'ehina. Ya higo babu boana'i luga'a hiti Yelusale hepatogati komopa'ani i gelehe hite Hu'ma kaga'a liyafa hi'ahana. To enali sipi mono noto kaba bona'i luga'a babu lite ana hite komopa'ani i gelehe hite ka lamana'a mege'i mele'ahana yabe.

Aposolo 9:31

Ya hulago Yutia kegi'afi Galili kegi'afi Samalia kegi'afi Yesutoga komopa'ani mele'ahana bona'magi fuluna agoyanaguti bati hite mine'ahana. Ya hago bona'i luga'a babu lite huto hilete enalitoga ete ikele'ahana. Ya hilete enali Sipi Bomofihi mege'i melete minago Sikalafu'uba enele'mo amuya molo'ehina yabe.

Romu 15:2

To bona'i keheliya meina'a keta epesilina nasana yamofihi lenali enele'mo bati hilo. Bonatinimagihi lenogotinifihi suhi huto nohigo Kilisitotoga enele'mo hetofa hite amuya melenogo ya bati huto huto hilina'mu yabe.

Romu 8:15

To ya'ma Hu'mau lepi'ehina Sikalafu'uba koko pana'a lenele'mo lolo huto lenelesa melu'ehibe. Lenali Hu'mamofihi lusi pana'amagita li tifito logogose'namagi neminete ai kumu: Apaobe, Apaobe, lite kehe neibe.

1 Koliti 1:8

Ai ya'ma Sipi Boti Yesu Kilisito henetilina kanalo foipanatini meminenogo to lufusatini amuya malago minalabe luto kaba hu lepoloba lepoloba nohinogo kanatini su halibe.

1 Koliti 10:23

Lenali ya'ma nasanalo asaga'i lilutamo ni'ibe lite lilata nehanaya silaga nasana lilenogoti ya nasanauba lele'mo bati mehilube'mu hibe. Ana'ina silaga'i liluta'a ni'ibe lilata nehanaya ya'ma nasana silaga'i lelito nobuto mono ka le'mo hetofa hiluta'a meni'ibe.

1 Koliti 14:15

Ya hu'ehina ya'ma hena hena hilube? Ya suhi hinogo bati hilube'mu hibe. Sikalafu'uba komopa'nigu babahi higo nani Hu'mamofitoga loka nohago negekesauba keheli fe nolinogo nabagatu lu huto hilube. Sikalafu'uba komopa'nigu mono nama hiti noligo ana huto negekesauba keheli fe nolinogo nabagaloti lilube.

1 Koliti 14:26

Nalalu'nigita, ya hu'ehina'mu hena hilune? Lenali mono kamu'i li gehesa hilune lite nehitemo ya'ma Hu'mamofihi kagagu lenele'mo moneko moneko'i hite hofa talanamofihi hapa'a ya'ma hilata nehabe. Moneuba mono nama lelito olata nohibe. To moneuba kaga giyaka lito lu epise kaga lelito olata nohibe. Moneuba Hu'mamofihi bagaguti kaga'a fato fato'mofihi lelito olata nohibe. Moneuba fato enonogoguti lulatamofihi lelito olata nohibe. Moneuba fato enonogoguti lu'ehina kagamofihi hapa'a lu hokolo hilinamofihi lelito olata nohibe. Ana suhi asaga lilana Yesuhi naga'a enehe'moto amuya molo epalalibe lite ya suhi hilo.

Galesia 4:6

To lenali Hu'mamofihi pana'i lolo hite nehana yabe luto Hu'mau pana'amofihi Sikalafu'uba komopatigu ho lifigo limi'ehina. Limito nohigo lali Hu'mamofi kumu: Oho, Apaobe lulata huto nominone.

Efeso 4:16

Lali ya huto aitoga hepito minenogo ai kaba hu noletabe. To lali gumita'a fato fato nekisa'a moneko moneko nominenogo, ai fato fato nagatu lele'mo hepilago moneko gufa'a lolo huto nominone. To lali ya huto nohutogo fato fato nekisa'a lili'na'a li bati bati hulata nohigo ai ginaga fi emigo ai ginaga fi emigo huto nohigo gufa'a asaga'i moneko huto amuya moloto hofa notabe.

Efeso 4:29

Huli ka mone lenabagaguti mone melilo. Kaga lamana'a lite ai he'menogo ai he'menogo hilana kapomo sa hi lepalalana ka linogo enali katini kehelilana bona'i luga'a keheli bati hinogo enele'mo bati hilanagihe.

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.

Kolose 2:7

Lenali yaga legi hite minete aitoga lufusatini limite bati hite tiba tiba hite amuya yafa lolo hilo. To Hu'mamofihi kaga yata'a lu lenelepi'ohunana amuya melete keheli emiba emiba hite minalo. To Hu'mamofitoga lenegelo bite komopatinigu sabiyana bai tenogo minalo.

1 Tesalonika 5:11

To ya huto ni'igo lenali komopatini ai eminogo ai eminogo hite minete to ai he'menogo ai he'menogo hite minete amuya melenogo yanauba lenemehatini hofa toto tinogo bati hite lilata nehana ya suhi hinogo lelite bite minalabe.

1 Timoti 1:4

Moneuba kilihe kaga to enigiko enagako bona'magihi mineme bite mine'ahana kaga yamofihi hapa'a lilago ya'mu tila limila higo li muyalo li umalo ya hago ya'ma kaga'ani kenasabo bilata ka ni'ibe. Ya hago Hu'mamofi kumu keheli ule'ale hite kele kele'i hi etalana kapo'a ya'ma meni'ibe. Ya kaga he'milo luto lu epibo.

2 Timoti 1:5

Kilisitotoga keheli amuya mololatanamofihi legeya'a ya'ma kaitoga kehelito nominobe. To kakalikafugo Loisi to itokafugo Yunisi etali kohe tete keheli ule'ale neha'igo kai ana huto keheli ule'ale nohane luto nani hiti keheliya i'ohube.

Taitasi 1:1

Poluita nani Hu'mamofihi koko pana'a Yesu Kilisitohi aposolo bo nele'mo ho ti'ehina. Ya hu'ehina Hu'mau enele'mo eto hu'ehina bona'i enali aimo agoya hu emilabe luto enehe'mobo luto to lali mono'mofihi ka lamana'a kapogu enele'mo keheli bati hino luto ya'ma foya'mu nele'mo ho tito noho lifi'ehina yabe.

Yemesi 2:22

Ya hu'ehina ai keheli amuya molo lito buto mono ka legeya'a lito buto mono ka lamana'a lu'ehina yamofihi kehelito mino amuya moloto keheli su ho'ehinamofihi keheli'ahabe.

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

1 Yoni 5:4

Hu'mamofitogati huto hu'ohuta ya'ma asaga'naloga lali me'i gupisa'alo ni'ina nasana i matele unogo bati nohune. Ya'ma matele unogo limilata nohina amuya'a ya'ma Hu'mamofihi lemehi emilatanati ya'ma ni'ibe.

Yute 1:3

Keke'i nolu lepolona bona'ise. Nani Hu'mau lenubuto bilata nasana silaga bona'magi hiti lilata nohuta yana'mu fayahi koyoto lepilube luto amuya molo'ohunaya, to bona'magi keheli ule'ale huse'namofihi kapo'a mino hetofa huto minalibe luto Hu'mau lu limi'ehina kaga ya'ma sibi hu lalibe luto asaga'naloga amuya melete foya'a ule'ale hite li etalana lenogo'na bito fayahi koyo lepilube luto kana'ni tupa nohibe.

Huto Hilina Ka 13:10

Luga'amagi enali naga nonugu minalabe luto lu'ehinamo ya'ma minalabe. Moneuba ai emita'i yatamatu bo mone ho fililenogomo ana hite yatama emitatu ana bo ho fililabe. Hu'mamofihi nona'a pa sose bona'magi ana yupahi ya'ma li hetofa hite keheli amuya meleteba minalafa.