Yoni 8:2 - Ka Lamana'a Monoꞌi Lu Mu Tifiꞌehina Ka Yabe

² Ya hu'ehinagati etehi folugu'i sipi mono nonuga aku'i neheti'ehina. Ya nohigo babu boana'magi ete le'mo bego hago ai melugu minoto kaga hapi fito lu enelepi'ehina yabe.

Yoni 8:2 ပူးပေါင်းရင်းမြစ်များ

Matiu 26:55

Ana kana'asilo Yesu fateha'amagi ma luto lu epi'ehina: Lenali baukalo bo helata nehana suhi lite nani'i nahalune lite yatama emita'i hiti yatama hoso hiti kefefa hite neafihe? Henabe lutobe? Asaga yupahi nani babu boana'i hiti sipi mono nonugu ka enelepito minolata huna lenali bite nayato meli'ahana yabe.

Luku 21:37

To asaga yupahi Yesu sipi mono nonugu boana'i mono kaga lu enelepi'ehina. Ya huloto folugu'a Oliba kosagu tito kolata hu'ehina yabe.

Luku 21:38

To asaga etehi folugu'i asaga boana'i Yesuhi ai ka'a kehelilune lite sipi mono nonugu elata hi'ahana yabe.

Luku 4:20

Yesu ana buku aku'i li kefigito kaba bomofihi emiloto melugu mino'ehina. Asaga bona'i mono nonugu mine'ahana Yesunogo bulu'i he'ahana.

Luku 5:3

Yesu mone botigu ti'ehina. Ya'mana boti Simonihi boti ni'igo loka hago nagami folagaha'agu nesi'asi fitu fo molo'ehina. Ya hulago Yesu botigu nohuto bona'i kaga lu enelepi'ehina.

Yoni 4:34

Ya nehago Yesu lu epi'ehina: Noho lifi'ehina bouba lili'na malalina agoya hu emito lili'na'a li baga iluna ya'ma nose'na'ni legi huto ni'ibe.

Yoni 8:20

Asaga ya'mana kaga sipi mono nonugu efapo melelata nehana lape'i nina hasagu minoto enelepi'ehina yabe. To bona'magi anagati ete yato lite naga'i meemi'ahana ya hena'mugope ai kana'a meo'ehina'mu yabe.

Yoni 8:3

Ya nohigo kaga enelepilata nehana bo yagi to Felosi bo yagi hite enali a'i moneuba fato bo hiti ko'ehina le'mete nehetite ete asaga bona'magi enubu folagato le'mo ho ti'ahana yabe.

Aposolo 5:21

Aposolo bona'magi ka'a liyafa hilete folugu'i go'i yuhufa noligo sipi mono nonugu tilete hapi fite ka enelepite mine'ahana. To sipi mono noto kaba bo yagi lalu'agihi kehe i nupa huloto kanisole bona'i hiti Yuta bona'magi olopa bo'ani hiti ete li gehesa hi'ahana. Ya hilete aposolo bona'i naga nonugati enele'mete alabe lite enoho lifi'ahana yabe.