Yoni 7:1 - Ka Lamana'a Monoꞌi Lu Mu Tifiꞌehina Ka Yabe

¹ Ana kaga su holago Yesu Galili kegi'a kapo moloto bu'ehina. To Yuta bona'i Yutia melugu nehanamagi kofohi legete ho fililune li'ahana'mu luto ana kegi'a mebu'ehina yabe.

Yoni 7:1 ပူးပေါင်းရင်းမြစ်များ

Matiu 10:23

To mone hepatoti lenehenogomo lenali ana hepa'i he'mite hololu lite fato hepatoga bilo. Nani ma'naka luto lu nolepube. Lenali asaga Isilaeli hepalugu bite lili'na li baga mei'ehinogo nani aku'i aluna'mu yabe, luto Yesu lu epi'ehina yabe.

Matiu 21:38

Ya higo enali foyagu lili'na nelina bomagi ana pana'a bu gelete ma lite musi musi ka li'ahana: Ya'ma bouba ai afo'afihi fe'noha'a li su halina'mu yabe. Lenali ho tilo, lali mana pana'a ho fililototi ya'mana foya'a laliti lilune.

Maki 11:18

To ya higo, olopa mono bomagi to mono ka negana enali ya hu'ehina'mu'i kehelite yalo Yesuhi he fililana kapo'a sa sa hi'ahabe. To silaga bona'magi Yesuhi kaga'amu fokehi lite nehago yamofihi enali ai kumu koli hite ho mefilise fa'mene mine'ahana.

Yoni 1:19

Yuta bona'magi mone yupahi mono noto bona'i luga'a hiti to Libai naga'amofihi bona'i luga'a Yelusale hepatogati enoho lifigo Yoni nohinalo henetite loka halune'mu hi'ahana: Kaibe, kiyi'aga nohane?

Yoni 4:3

Yesu Felosi bomagi ai kumu li'ahana kaga akeheliloto Yutia meluguti he'mito Galili kegi'a bilube'mu nohuto,

Yoni 4:54

Alihi Yesu Yuti'a metogati he'mito Galili kegi'a oloto ya'ma loe yupahi sipi lili'na babeyafana li huto hu'ehina yabe.

Yoni 6:1

Yesu ya luto kaga alu epi su holoto alihi Galili nagami hefuhi Taibiliasi yabe lite gi helata nehanaga i gofa hoto bu'ehina.

Yoni 7:11

Enali Yuta bona'magi ai'i sa sa hite enoloka he'ahana: Ya'ma bomoba hiyaga nohibe?

Yoni 7:13

Enali Yuta bona'magi koli hite Yesu kumu kaga huto'i meli'ahana sugunako lilata hi'ahana yabe.

Yoni 7:19

Moseu keya ka melepi'ehina ni'ifihe? Lenali ya'mana keya ka li pili kete mege'i memele'ahabe. Lenali hena hibe lite noho fililune'mu nehabe?

Yoni 7:25

Yelusale bona'i luga'amagi ma lite li'ahana: Enali ho fililune'mu nehana bomo ya'ma nohifi?

Yoni 7:35

Ya ligo Yuta bomagi ai loka hago ai loka hago hite ma lite li'ahana: Ai hiya'aga bu'ehinogo lali sa sa hilutaga'mu nolibe? Giliki nogo nehana metoga Yuta bo nehite Giliki bona'magihi hepato buto mono kaga enelepito bilube'mu nolifihe?

Yoni 8:37

Lenali Abalahahi tata'agita nehanaya nani akeheli'ohube. Ya hi'ahanamo ninaya nani lenelepi'ohuna ka'ni lenalilugu memino'ehina'mu lite nani noho fililune'mu nehabe.

Yoni 8:40

To nani Hu'mamofitogati ma ka keheli'ohunamofinogo lu epi'ohube. Ya nohunamo lenali keheli menimise noho fililune'mu nehabe. Abalahau ya'ma huse'na li huto mehu'ehina yabe.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.