Yoni 4:3 - Ka Lamana'a Monoꞌi Lu Mu Tifiꞌehina Ka Yabe

³ Yesu Felosi bomagi ai kumu li'ahana kaga akeheliloto Yutia meluguti he'mito Galili kegi'a bilube'mu nohuto,

Yoni 4:3 ပူးပေါင်းရင်းမြစ်များ

Matiu 10:23

To mone hepatoti lenehenogomo lenali ana hepa'i he'mite hololu lite fato hepatoga bilo. Nani ma'naka luto lu nolepube. Lenali asaga Isilaeli hepalugu bite lili'na li baga mei'ehinogo nani aku'i aluna'mu yabe, luto Yesu lu epi'ehina yabe.

Maki 3:7

To Yesu pana'alobomagi hiti anagati he'mite bite Galili nagami beletoga bi fa hi'ahago, yege yege boana'magi Galili kegi'ati Yutia kegi'ati Yelusale hepatogati, Itumia kapoguti, Yotani nagami muya beletogati ete to Taiya kegi'ati, Saitoni kegi'ati, babu lite yege yege bona'magi Yesu hu'ehinana kehelilete aitoga e'ahabe.

Luku 17:11

Yesu Yelusale hepatoga mege'i mololoto Samalia kapo'a hiti Galili kapo'a hiti folagaha'atitigu bu'ehina.

Yoni 1:43

Yago eteka'a Yesu Galili kapogu bilube'mu nohuto Filipi bu goloto: Nemege'i obo, luto kehe i'ehina.

Yoni 10:40

To Yesu buto Yotani nagamito leke hoto koyapa'i Yoniu ana nagami folo epolose hepato buto mino'ehina.

Yoni 11:54

Yana'mu Yesu Yutia metoga folaganugu kapo memoloto anagati he'mito mone hepa'i gi'a Efelemu ka metoga lebato'i ana hepato buto minoto pana'alobo hiti mine'ahana yabe.

Yoni 2:11

Galili kegi'a Kena hepato Yesu amuya lili'na'a ya'ma yata'a yupahi li huto hu'ehina. To ai hetofa hapa'a enelepilago pana'alobomagi Yesuhi komopa'ani emite keheli bati hi ete'ahana yabe.

Yoni 3:22

Alihi Yesu to pana'alobomagi Yutia kegi'a henetilete analo kana loemo minete ana moneka nehite boana'i nagami'i folo epolo'ehina.

Yoni 3:32

Ai asaga'na abu go'ehinamofi hiti to asaga kaga akeheli'ehinamofi hiti lu yege holata nohibe. Ya hulata nohinaya bo moneuba ana kaga'a keheli bati huto mege'i memololata nohibe.

Yoni 4:47

Yesu Yutia meluguti he'mito Galili kegi'a noabe lana'a ana bouba keheliloto pana'a Kapaneami hepato filise'na ma'asi nohina kehe inogo'ni oto le'mo ye kalibe, luto Yesu nohinalo bu'ehina.

Yoni 7:1

Ana kaga su holago Yesu Galili kegi'a kapo moloto bu'ehina. To Yuta bona'i Yutia melugu nehanamagi kofohi legete ho fililune li'ahana'mu luto ana kegi'a mebu'ehina yabe.