Yoni 2:2 - Ka Lamana'a Monoꞌi Lu Mu Tifiꞌehina Ka Yabe

² Bo alobole etayanugu lila'ina ete bu galube lite Yesu hiti pana'alobo'a hiti kehe ite elesana mele'ahago anaga bite neheti'ahana.

Yoni 2:2 ပူးပေါင်းရင်းမြစ်များ

Matiu 12:19

Ai bona'i ka epekito enubunepa ito mehilina'mu yabe. To sipi kapoguti kehe kehe ito kaga nolinogo nogo'a mekehelilana'mu yabe.

Matiu 25:40

Ya lite noloka henogo nani sipi gihiti bomofita ma luto lu epilube: Nani ma'naka luto lu nolepube. Musufalo bo mone nalalu'nifihi ma melugu ya'mana suhi hi ete'ehilana ya'ma nani'i nele'mo bati hi'ahabe.

Matiu 25:45

Ya lite loka henogo gihiti bouba ma luto lu epilube: Nani ma'naka luto lu nolepube. Musufalo bo nalalu'nigihi ma melugu enele'mo bati mehi'ahanaya nani'i nele'mo bati hite menehe'me'ahabe.

Yoni 2:12

Ya'manana su holago Yesuhi ito'afu yagi gona'a hiti to pana'alobo'a hiti Kapaneami hepato limite lugufa kana mine'ahana yabe.

Yoni 2:17

Ya ligo enali koko pana'amagi koyapa'i mono bukugu ka mone ma luto ni'inauba enekesa i hokolo hu'ehina: Oho, Hu'mao, kai nohaka sipina nebesinana ni'igo bona'magi li sibina hilana komopa'nigu golo nobibe.

Yoni 2:22

Alihi Yesu mala mala hepaga limito yege loegi monegi minoto'a aku'i fili'ehinaguti ho tina yupahi pana'alobomagi koyapa'i ya'mana ka lu'ehina'a enekesa i hokolo hu'ehina. Ya higo ya'ma mono bukugu fayahi go'ehina ka'a hiti to Yesu ya'mana lu'ehina ka'a hiti beto hite keheliya ite komopa'anigu mele'ahana yabe.

Yoni 2:3

To bai nagami'i a'ne su helago Yesuhi ito'afu lu emi'ehina: Enali bai nagami'ani asu ho'ehibe.

Yoni 3:22

Alihi Yesu to pana'alobomagi Yutia kegi'a henetilete analo kana loemo minete ana moneka nehite boana'i nagami'i folo epolo'ehina.

Yoni 4:2

Ya hu'ehinaya Yesu boana'i nagami'i mefolo epolo'ehina ai aposolo pana'amagi nagami'i fele epele'ahana yabe.

Yoni 4:33

Ya ligo koko pana'amagi ai loka hago ai loka hago hete ma li'ahana: Nose'na mone bouba ito oto emi'ehifi lite lu keheli'ahana.

Yoni 4:8

To enali aposolo pana'amagi hepatogati nose'na mina fite lite alune'mu abi'ahana yabe.

Yoni 6:12

Asaga bona'i ana nose'na nete enumu hulago Yesu pana'alobo'a lu epi'ehina: Nose'na letuha'a nelete nehe'mina yakalesa mehilutagi lenali li nupa hilo.

Yoni 6:16

Utehe kana nohigo pana'alobo'a hefuhu nagami beletoga limi'ahana.

Yoni 6:60

Yesuhi koko pana'amagi kehelilete ma lite li'ahana: Ai enebe ligi'ehina ka amuya kaga nolelepibe. Kiyi'afu ana kaga kehelilina ni'ibe?

Yoni 6:66

Yesu ya luto lina ka'amu lite pana'alobo'a mege'i lefelili hana enali luga'amagi he'mi etete tili tele hite bila ela hi'ahana yabe. To aku aku'i i behe hite ai hiti minomofa'na mehilune'mu hi'ahana.

Yoni 6:67

Ya hago 12 koko pana'amagihi Yesu enoloka ho'ehina: Lenalibe, lenali ana hite he'mi netete bilafi?

Yoni 6:70

Ya luto lina ka'alo Yesu nona'a lu epi'ehina: Nani 12 koko panana'i lenele'mo'ohunamo ni'ifihe? Lenali folagahatiniguti mone kene'i foipa fele nohibe.

Yoni 6:71

Simoni Isikelioti yabe lite gi helata nehana bomofihi pana'a ai aposolo bo mone nohina'a gi'a Yutasi ai Yesu kumu fateha'amagi enelepilina yanana'mu Yesu lu'ehina yabe.

Yoni 6:8

Ya ligo aposolo pana'a mone Simoni Pitahi gona'a Atulu ma luto lu'ehina:

Yoni 7:3

Ya higo Yesuhi gonamu tamu'amagi ma lite lu emi'ahana: Kai ma hepa'i he'mito Yutia kegi'a bitogo pana'alobokamagi yatai nolita foya bu galabe.

Aposolo 11:26

Ya huto Solihi bu goloto Atioki aku'i le'moto o'ehina. Ya hilete ana hepato kufu mone'a mino baga ite Yesuhi naga'a enele'mo nupa hite sipi luga'a ka mana'a enelepi'aha'ina yabe. Aposolo bomagi Atioki hepato yata'a yupahi Kilisiteni enigi li'ahana yabe.

Aposolo 11:29

Ya hago aposolo bomagi Yesutoga komopa'ani emite minana enalalu'anigi Yutia kegi'a nehanamagihi enehe'malune lite kaga lu keheli'ahana. Ya hilete Yesutoga komopa'ani emite minanamagi efahi ga'i legete li nupa hilete guna ite luga'a enali'ani nemelete luga kegi'a enalitoga mele'ahana.

1 Koliti 10:31

Nani lenali kalo nona'a ma luto nolube. Lenali nose'na nalune'mu nehitemo to yafi nagami'i nalune'mu to silaga'na hilune'mu Hu'mamofihi gi'a huto huto hilibe lite ya suhi lolo hilabe.

1 Koliti 7:39

A'i moneubafi moneuba baha'auba moloto hilina, hilina'a huto mino lito buto minalinagihe. Baha'a fililenogo ya'ma bo moneto bilube lutomo bilibe. Ya hu'ehinaya sibi saba huto mino lito bilina'a meni'ibe. Sipi Bomofitoga komopa'a emilina bolo bilina'mu yabe.

Kolose 3:17

To asaga'na hilana'a to kaga lilana'a Sipi Boti Yesuhi gi'a liyafa nehite minalo. To ai kumu Hu'mamofihi fokehi lilo.

Hibulu 13:4

Bo alobole nemina'ina asaga'i ya'ma legeya'amofihi nasana'mu keheli emilabe. Bo alobolemale'i lolo neha'ina suhi lite li sibi mehilo. Mokolo'na to ate ate lite humofa'na nehana bona'i enali'i Hu'mau foipana'animofihi nona'a molo epalalina'mu yabe.

Huto Hilina Ka 3:20

Kehelilo. Nani kafega nohuto begele begele tito ilata nohube. Luga'amagi enali kaga'ni ya'ma kehelilete kafe sigi netenogo enali nonugu tilube'mu hube. Tito nose'na lamana'a noto epito hinogo enali hiti nani hiti noto minalune'mu hune.