Yoni 17:3 - Ka Lamana'a Monoꞌi Lu Mu Tifiꞌehina Ka Yabe

³ Mino kosaba huse'namofihi hapa'a ma huto ni'ibe, Hu'mau lamana'a moneko'i kai hapaka to noho lifi'ahata panaka Yesu Kilisito nani hapa'ni keheli'ehinogo mino kosaba huse'naka yamofihi huto hu epilibe.

Yoni 17:3 ပူးပေါင်းရင်းမြစ်များ

Maki 9:37

Bo moneuba nani kumu luto ya'ma yagapana'magihi mone'a be tigito le'moto gulu hilina bouba ai ana huto nebe notigibe. To nani nebe tigilina bouba ai ana huto noho lifi'ehina bo Hu'mau ana huto be notigibe. Yesu ya luto lu epi'ehibe.

Luku 9:48

ma luto lu epi'ehina: Bo moneuba ma lagaso yagapana'i nani kumu he'malina ai nani'i nehe'malina'mu yabe. To bo moneuba nani'i nehe'malina ai nani'i noho lifigo limi'ohuna bo he'malina'mu yabe. Bo mone folagahatiniguti nesi bo laba huto nohilina ai sipi bo nohibe.

Yoni 10:36

To nanimoya Afo'nifu nele'mo ho tito melugu noho lifi'ehina. Nani Hu'mamofihi pana'a nohube luto'ni ya'ma lenali henabe luto lube sibina huto lu'ahatabe lite nelabe?

Yoni 11:42

Nani kumu kehelilata nohatana keheliya i'ohube. Yalo'i nani aku ya nolugo hena'mube? Ma bona'magi kai melugu noho lifi'ahata'mu ya'ma keheli ule'ale hilabe.

Yoni 14:26

Afo'nifu nigi'nilo lenehe'malina ya'ma Sikalafu'i lenalitoga ho lifilina'mu yabe. Ai nehetito asaga nasana'mu lenelepiloto to asaga kaga'ni lu lepi'ohuna'a beto hu lepilina'mu yabe.

Yoni 17:18

Kaika ya'ma metoga lili'na ka lu netoto noho lifitogo ana huto metoga enali lili'na ka lu epito enoho lifito li epi su ho'ohube.

Yoni 17:21

Komopa'ani hepito minela minela hite minalabe luto lu nokumube. Ke, Afo'niga. Kai to nani hiti minetogo nani to kai hiti mino mone huto minalu'ibe. To enali ana hite le'alitoga mine melenogo mino mone huto minalune. Ya hilenogo melugu bona'i kaika noho lifitogo limi'ohuna yamofihi keheli ule'ale hilabe.

Yoni 17:23

Nani nemehi epugo to enali enemehi nimilago enali komopa'anitu mu tifite moneko lolo hite minalabe. Ya hilete nehinogo melugu bona'magi enali noho lifitogo limi'ohunamofihi keheliya ilabe. To komopaka nanitoga mololata nohata nasanauba pana'alobo'ni enalitoga ana huto komopaka mololata yanamofihi melugu bona'magi be gelete keheliya ilabe.

Yoni 17:25

Ke, hetofa Afo'niga. Melugu bona'magi enali kai hapakamofihi keheliya mei'ahana. Nani'nisigo ya'ma akeheli'ohube. To pana'alobo'nimagi enali kaika noho lifitogo limi'ohunamofihi akeheli'ahabe.

Yoni 17:8

To kaga lu moloto nimi'ahata ya'ma lu epugo yalo'i akeheli su he'ahabe. To kaika noho lifitogo kaitogati limi'ohuna'a ya'ma keheli ule'ale hi'ahabe.

Yoni 3:17

To Hu'mau ma melugu pana'a ho lifigo limi'ehina ai mana melugu bona'i loko hilibe lutogope enele'mo enubuto bilibe luto ho lifi'ehina yabe.

Yoni 3:34

Hu'mau ho lifigo o'ehina bouba Hu'mamofihi kaga'ago lu yege holata nohinaya hena'mugope Hu'mamofihi Sikalafu'auba aitoga bai to'ehigo yabe.

Yoni 5:44

Mone lenalalutinigitogati sipi lenigi lilata nehana lenigi Hu'mamofihi aitogatiko olata nohina lenali melilata nehabe. Ya hi'ahana hiya'a keheli ule'ale hite komopatini emilabe?

Yoni 6:57

Mino kosaba huse Afo'nifu noho lifi'ehina'mu nani ai kehelito minoba minoba nohube. Ya'mana suhi huto nani'i nalina bouba nani keheli minomo tubuto minalina'mu yabe.

Yoni 7:29

Ya hi'ahana nani ai'i akeheli eto'ohube. Hena'mugo ai'a noho lifigo aitogati nani o'ohuna'mu yabe.

Yoni 8:19

Ya ligo enali loka he'ahana: Afo'kafu hiya'a nohibe? Ya lago Yesu lu epi'ehina: Nani'i hiti nani afo'nifi hiti lenali mekeheli'ahabe. Nanimo keheli'ahatita nani afo'nifihi ana hite akehelitita'mu yabe.

1 Koliti 15:34

Lenali ya'ma komopatini hokolo hinogo eto hite nehite foipa nasana lenemegesa hi emilo. Lenalitogati bona'i luga'amagi Hu'ma kumu menekehelibe. Yamofihi fa'mene kehelinogo lenubuya hilibe luto nolube.

1 Koliti 8:4

Ya hu'ehina faga lugefamofihi seba'amu ya'ma luto kehelilata nohune: Faga lugefa ai ya'ma nasana lamana'a meni'ibe. Hu'mau ai moneko lamana'a nohibe.

2 Koliti 4:6

Hu'mau ai koyapa'i metepuhi ni'inagu fi besa lobo luto ligo go'i lu besa lo'ehina. To ai'asigo ya'ma lulago komopatigu ai'a kamofihi fana meha'auba mino kikipa hago Kilisitohi gobisalo Hu'mamofihi silikeha fayaha'a huto hu lamana nohigo bu golata nohune.

Filipai 3:10

To nani yatai Kilisitohi hapa'a keheliya ilube luto to ai fili'ehinaguti ho tise'namofihi amuy'a nanitoga huto hilibe luto to ai keta hinana gupisalo mele ete'ahanamo molo emito kehelilube luto to ai'a fili'ehina hapa'a mege'i moloto fililube luto nipagu nohibe.

Filipai 3:8

To ananasigo meni'ibe. Nani'ni Sipi Bo'ni Yesu Kilisitohi ai hapa hapa'a bu goto keheli'ohuna yamofihi mina'a tilago ana'ina luga'a silaga'i yamofihi lamana'a kehelugo fa'menena lolo hu'ehibe. Nani Kilisito hiti moneko'na hilu'ibe luto ai kumu yabe luto nigi'ni hiti to nipagu hu'ehinana hiti to nanitoga huto hu'ehinana asaga'i heletuya'a lolo higo he'mi'ohuna yabe.

1 Tesalonika 1:9

Ana bona'magi asaga'i lenalitoga buto nohutogo lele'mo lamana hi'ahana kaga'a lelite ete limilata nehabe. To ana hite, lenali ya'ma bona'mofihi meha'a nasana lolo hite mine'ahana lenemegesa hi neemite Hu'mamofihi amuya bo'a lamana'a lolo hite aitoga i ke'mete agoya hu emi'ahana ka lalitoga beto nehana yabe. Ai Hu'mau minoba minoba hulata bologa lenemehi emilata nehana keheli'ohune.

2 Tesalonika 1:8

logo guluya meha'a sipi'a hiti limiloto Hu'mamofihi mekeheli'ahana bona'i to Sipi Bomo Yesuhi ka lamana'a keheli meemi'ahana bona'i nona'a foya epilina'mu yabe.

Hibulu 3:1

Ya hu'ehina'mu mono bo nalalu'nigita, kokulumagu naga'i lolo hilabe luto Hu'mau elesa molo lepi'ehina. Lenali keheli emilata nohutamofihi mono ka leli'ali bo to mamufa gi emilata bo sipi'a Hu'mau ho lifi'ehina bo, Yesuhi bu go bati hite bu ge'ehilo.

2 Pita 1:2

Hu'mamofihi to Sipi Boti Yesuhi keheli emilenogo lenalitoga lenehe'mose'na yanauba to fuluna'auba molo emito huto holito buto mineno.

2 Pita 1:3

To lenali Yesuhi keheli bati hilenogo ai hetofa amuya'a guna molo lepoloto lenehe'menogo lamana hite mino lite bite minalabe. To ai'a fana mehena'a hiti bebe sose'na'a hiti lenalitoga guna moloto lepilube'mu elesa molo lepi'ehina yabe.

2 Pita 1:8

Yanauba asaga bonatoga minoto fi tili tele nohinogomo Sipi Boti Yesu Kilisitohi hapa'a kehelilata nohune keheliya ite foya'a linogo futu'a lolo mehinogo minete legeya'a heno.

1 Yoni 1:2

Minoba minoba huse'namofihi legeya'a huto hu lamana hulago lali bu goloto minoba minoba huto mino lito buto minose'namofihi ka'a ya'ma lu huto huto lu lepilata nohune. Minoba minoba huto mino lito buto minolatana ya'ma miyagu afotifitoga mino lito buto minoto aliha'a lalitoga huto hu'ehina.

1 Yoni 1:3

Yamofihi ya'ma bu goto lito hu'ohutamo ana huto lenalitoga lu lepilata nohutamo ya'ma lu lepilenogo ai kumu komopati monekotoga bati huto hepito minalune luto hulata nohune. To ana huto lenali hiti lali hiti komopati hepi lamana higo nominoto afotifitoga to pana'a Yesu Kilisito aitoga hepito minalune luto yabe.

1 Yoni 2:23

Enali Hu'mamofihi pana'amu enemegesa hi emilana ya'ma ana suhi huto afo'afi kumu hiti enemegesa hi emilabe. To enali pana'aloga hepito minete ai Hu'mau ho lifi'ehina bo, Kilisito nohibe lite lu huto hilana enali afo'afitoga ana huto neminabe.

1 Yoni 4:6

Lali ya'ma Hu'mamofitogati huto hu'ohutamo ni'inaya enali Hu'mamofihi bona'a nehana'amagi ya'ma lali kaga kehelilata nehabe. Hu'mamofitogati huto mehi'ahana ya'amagi lali kaga menekehelibe. Yamu'i lali ka lamana'amofihi hapa'a to le'mo sibi hulata'na ka legeya'amofihi hapa'a yaguya bu go bati huto hulata nohune.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.