Yoni 16:3 - Ka Lamana'a Monoꞌi Lu Mu Tifiꞌehina Ka Yabe

³ Enali ya'ma Afo'nifi hiti nani hiti bu le'ego bati mehise ya suhi lolo hilana'mu yabe.

Yoni 16:3 ပူးပေါင်းရင်းမြစ်များ

Luku 10:22

Nani Afo'nifu asaga'na nani nayanuguko molo'ehibe. Bo moneuba Hu'mamofihi Pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehinagi Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.

Yoni 15:21

Noho lifi'ehina bomu'i keheli fe meli'ahana ya'mu nani nigi'ni lenalitoga ni'ina'mu yabe lite ya hi lepalalune'mu habe.

Yoni 15:23

Moneuba nani'i luba ka lu nimilata nohilina Afo'nifi hiti ananago huto luba ka lu noemibe.

Yoni 17:25

Ke, hetofa Afo'niga. Melugu bona'magi enali kai hapakamofihi keheliya mei'ahana. Nani'nisigo ya'ma akeheli'ohube. To pana'alobo'nimagi enali kaika noho lifitogo limi'ohunamofihi akeheli'ahabe.

Yoni 17:3

Mino kosaba huse'namofihi hapa'a ma huto ni'ibe, Hu'mau lamana'a moneko'i kai hapaka to noho lifi'ahata panaka Yesu Kilisito nani hapa'ni keheli'ehinogo mino kosaba huse'naka yamofihi huto hu epilibe.

Yoni 8:19

Ya ligo enali loka he'ahana: Afo'kafu hiya'a nohibe? Ya lago Yesu lu epi'ehina: Nani'i hiti nani afo'nifi hiti lenali mekeheli'ahabe. Nanimo keheli'ahatita nani afo'nifihi ana hite akehelitita'mu yabe.

Yoni 8:55

Lenali ai'i mekeheli'ahana, nani keheli eto'ohube. Ai'i nani mekeheli'ohube lutita suhi huto faga lutine. Ya hutitamo ninaya ai'i keheli eto'ohuto ka'a liyafa nohube.

Aposolo 3:17

Nalalu'nigita ma'naka lite lenali hiti to kaba botinimagi hiti lenali ka keheli bati huse'natini meni'igo ya'ma suhi li huto hi'ahabe.

1 Koliti 2:8

Metoga enigihiti bona'magi enali anamofihi keheli molo'ehina kagamofihi hapa'a mekeheli'ahabe. Kehelitita yamofihi lali Sipi Bomofihi fana mehenamofihi afo'afihi ya'ma malipu yafalo mehatita'mu yabe.

2 Tesalonika 1:8

logo guluya meha'a sipi'a hiti limiloto Hu'mamofihi mekeheli'ahana bona'i to Sipi Bomo Yesuhi ka lamana'a keheli meemi'ahana bona'i nona'a foya epilina'mu yabe.

1 Timoti 1:13

Kohe toto yamofihi le'mo sibi saba huto kalana'i molo etoto kaga'a le'mo mumusopa i'ohunamo ni'inaya nani ya'ma mono ka'a mekeheli'ohutaya to katiya'i mino'ohuna, ya huna'mu Hu'mau osahi nimilube'mu nohuto ginaga fi nimi'ehina.

1 Yoni 2:23

Enali Hu'mamofihi pana'amu enemegesa hi emilana ya'ma ana suhi huto afo'afi kumu hiti enemegesa hi emilabe. To enali pana'aloga hepito minete ai Hu'mau ho lifi'ehina bo, Kilisito nohibe lite lu huto hilana enali afo'afitoga ana huto neminabe.

1 Yoni 3:1

Bu galo. Afotifu ya'ma komopa'a sipi huto limiloto pa'nibe, pana'nibe luto lu leto'ehina. Komopa'a limilata'na hofa toto minago lali ai yagapana'a bati huto nominone. Yana'mu melugu bona'magi Hu'mamofitoga meneminana enali laliti hapati menekehelibe. Hena'mube? Hu'mamofihi hapa'a mekeheli'ahanamo ni'ibe.

1 Yoni 4:8

Hu'mamofihi hapa'a ya'ma komopa'a limilata'na ni'inagihe. Ya higo luga'amagi enali komopa'anitu keke'i li epalalana meni'inogomo Hu'mamofihi hapa'a bu mege'ahabe luto keheli'ohune.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.