Yoni 10:4 - Ka Lamana'a Monoꞌi Lu Mu Tifiꞌehina Ka Yabe

⁴ Bihuguti enele'mo fegu toto kohe toto nobigo sipisipi yagamagi nogo'a kehelilete kapogu fi hele tete mege'i lifite bilata nehabe.

Yoni 10:4 ပူးပေါင်းရင်းမြစ်များ

Matiu 16:24

Yalo Yesu koko pana'a ma luto lu epi'ehina: Bo moneuba nani'i hiti bilube lutomo ai'a gufa'amu ekesa meyigise malipu yafa'a lito kofiloto nemege'i meleno.

Yoni 10:16

To fato fato sipisipi yaga'ni mana bihugu menehana'a enali'i sa sa huloto enele'moto oto li nupa hu epalalube. Enali nogo'ni kehelite ete li nupa hite to kaba bo'ani moneko'isi nohigo moneko'na hite minalune'mu habe.

Yoni 10:27

To sipisipi yaga'nimagi nogo'ni kehelilata nehabe. Nani enali kumu keheliya igo nemege'i mele'ahana.

Yoni 10:3

Kasito nomina bouba kafe sigi etenogo sipisipi kaba bouba tiloto sipisipi yaga'amagihi enigi nohenogo moneko moneko'isi henogo enali nogo'a kehelite mege'i melete bilabe.

Yoni 10:5

Enali fato bona'mofihi mekeheli'ahana ai mege'i melete mebilana'mu koli hite aitogati he'mite bifa hilabe. Hena'mube? Enali fato bomofihi nogo'a mekeheli'ahana yabe, luto Yesu ya lu'ehina.

Yoni 10:8

Koyapa'i kohe te'ahanamagi faga lilata enali baukalo bo to lubalo bona'i huto hi'ahana. Ya hago sipisipi yagamagi ka'ani mekeheli'ahana yabe.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

Yoni 13:15

Nani babeyafa'a lenelepi'ohunagi lenali ya'ma hu lepolo'ohunamofihi kehelite ana hite agoya hu epite minalo.

Yoni 18:37

Ya ligo Pailatiu loka ho'ehina: Kai kigihiti bo nohane ya hifi? luto ligo Yesu lu'ehina: O'yo, kigihiti bo nohane luto lusiga nolane. To ito'nifu neketo'ehina'mu to huto hu'ohuna'mu ma melugu ka lamana'amu ya'ma lu yege haluta ya'ma nasana'muko o'ohunagi kehelilabe. To bona'i ka lamana'alo mege'i melete nehanamagi nani kaga'ni lu epise'namofihi akehelilata nehabe.

Yoni 3:29

To bo moneuba a'i mone lilagomo ana a'i ai'a liha'a minolata nohibe. To liha'a lina bomofihi lalu'afu ho tito bagaguti lina kaga keheliloto gelo sipi bito liha'a ma'asi li'ehina bomofihi bagaguti kaga kehelilata nohibe. Ya'ma suhi luto yatai nani komopa'nigu sipi negelo nobube.

1 Koliti 11:1

Nani Kilisitou ito bu'ehina giyakagu ito mege'i mololata nohube. Lenali ana suhi hite nani nigiyakagu ite nemege'i malalo.

Efeso 5:1

Lenali Hu'mamofihi yagapana'a laga besi'ehinana'a lolo hite nehanagi ai babeyafalo minalo.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

Hibulu 6:20

Lali kumu yabe luto le'mo kohe to leto'ehina bo, Yesu ai yamofihi analo lele'mo kohe to lito buto sipi mono nopofihi komopa'agu bu neheti'ehina ai Melekisitekihi naga'a suhi huto lali'i mamufa gi emilata bo lolo huloto mino lito buto asaga kana'amu kana'amu bigo minalube'mu nohibe.

1 Pita 2:21

Lenali ya suhi hilabe luto elesa molo lepi'ehinamo ni'ibe. Kilisitou ai'a ana suhi huto lenali kumu yabe luto keke'i luse'namofihi gupisalo tito minoto lenele'mo kohe to'ehinamo ni'ibe. Lenali ya hu'ehina'mu lite mege'i melete bilo.

1 Pita 4:1

Kilisito ai gufa'amo keke'i luse'namofihi gupisalo ti'ehina ni'inagi lenali ana suhi lolo hite lusa lite amuya lilo. Ya nehite ya'ma kehelilo. Moneubafi moneubafi ai gufa'amo keke'i luse'namofihi gupisalo tinogo nohilinauba foipa nasana li lalibe luto ekesa moloto minalibe luto lilune.

1 Pita 5:3

Ya nehite sipi bo'ani lolo hila ya hila mehilo. Ya'ma bonatini kaba hi epalana'amagihi lenali legeso hite enali hiti koguna ite minalo. Hu'mamofihi naga'i sipisipi yagamagihi enele'mo kohe tete ai'a kagu kehelite ineme limite minete ya hite minalabe.