Yoni 10:2 - Ka Lamana'a Monoꞌi Lu Mu Tifiꞌehina Ka Yabe

² To bomo moneuba kasitogati tilinamo ana bona'i sipisipi yagamagihi kaba bo nohibe.

Yoni 10:2 ပူးပေါင်းရင်းမြစ်များ

Matiu 15:11

To bomofihi komopa'agu tilata nohinanauba ana bo le'mo kolo tolata menohibe. To bomofihi ai komopa'aguti fegutoga heleko limilata nohinanauba bo le'mo kolo tolata nohibe.

Yoni 10:14

Nani sipisipi yaga kaba bo'ani bati'a nohube. Afo'nifu nani kumu keheli'ehibe. To nani ana huto ai kumu keheli'ohube. Ya nohuto'ni sipisipi yaga'ni enali kumu ana huto akeheli'ohuna yabe. To enali ana hite nani kumu akeheli'ahana yabe. To nani enali kumu enubuto bito fililube'mu nohube luto lu molo'ohube.

Yoni 10:7

Yesu ka mone hiti aku'i lu epi'ehina: Ma'naka lu nolepube. Nani'ni sipisipi yagamofihi komoge'namofihi kafemo nohube.

Yoni 10:9

Nani kafe legi huto nohube. Bona'magi nele'mo felu mehese tite nehago Hu'mau enubuto bito kaba hu epalalina'mu yabe. Ana bona'magi fegutoga bilete nonugu tilete ya'ma bite ete hite'ani sipisipi yagamagihi suhi hite nose'na nelata nehabe.

Aposolo 20:28

To lenali Hetofa Sikalafu'uba kaba bona'i minalabe luto lenele'mo ho ti'ehina bona'i, lenali Hu'mamofihi naga'i kaba hi epalalo. Ai'a golaha'aloti mina fi'ehina bona'i to sipisipi kaba bo suhi huto kaba hi epalalo.

1 Timoti 4:14

Kohe toto ya'ma ka lu huto huto bona'i kaga'ani kai kumu li'ahanalo ya'ma mono olopa bona'i luga'a enali enayahi latahakalo melete lusa negi ketago hetofa Sikalafu'uba mono'mofihi amuya'a fi hele hu keto'ehinamofihi lamana'a sibi hu laligi mino hetofa huto kaba huto minobo.

Taitasi 1:5

Foya nekisa'a ni'inamofihi li bebe soto li baga ilane luto Kiliti metoga nohe'mi ketoto foyaga'ya ya luto lu keto'ohunamo ni'ibe. Kai asaga nohi hepalugu mono kaba bo olopa bona'i luga'a enele'mo bo tilane. To yata'a ka lu kimi'ohunamofihi beto hubo.

Hibulu 13:20

Fulu husemofihi afo'afu, Hu'mau ai Sipi Boti Yesu ai'a golaha'atu lele'mo bati huto ule'ale hu letoto minolatana ya'ma minoba minoba mu tifise'namofihi ka'a li huto hina'mu yabe luto sipisipi yagamagihi kaba bo'ani lolo hu'ehina bo fili'ehinaguti le'mo ho tito ho lifi'ehina bo nohigi,

1 Pita 2:25

Lenali sipisipi yaga suhi hite lopi fite mine'ahanamo yabe. Yatai ya'ma lenemehatinimofihi kaba bo'a ai lenele'mo behe higo aitoga huto hite neete mege'i nemalabe.

1 Pita 5:4

To minoto kaba bo Sipi Bouba nehetito sekele mamu'a hetofana ni'ilina yanamofihi fana tose'na'a sipi'a amuya moloto minolatamofihi yana'a ifi to lepelenogo minalabe.

Huto Hilina Ka 1:20

To nayahi lamaga'aga sonofi'i 7 ya'a hiti to libi'i 7 golitu lolo hi'ahana ya'ma bu go'ahata yamofihi suguna nasanamofihi hapa'a lu kimilugi kehelibo. Sonofi'i 7 ya'ma Hu'mamofihi yagapana'amagi li gehesa 7 enali'i kaba hi epalalana bona'i agelo bona'i ya suhi hite nehabe. To libi'i 7 ya'ma Hu'mamofihi ka keheli'ahana bona'magi li gehesa 7 nehana yabe.