Yoni 1:9 - Ka Lamana'a Monoꞌi Lu Mu Tifiꞌehina Ka Yabe

⁹ Ya'mana fana mehi lamana'auba asaga melugu noto noto bona'i enele'mo besa lo baga ilina'mu yabe.

Yoni 1:9 ပူးပေါင်းရင်းမြစ်များ

Matiu 6:23

To kubuka sibina hu'ehigomo asaga kugufakalo metepu i baga noibe. To kailugu fana mehena ninauba aku'i metepu hapi fito gilotomo analo sipi metepu i baga noibe.

Luku 11:36

To asaga kugufaka fana mehi huto bai toto mone metepuna nila ya hula mehu'ehinogomo ai besa asaga kapoga bilina'mu yabe. To libi'uba fana meha'a kaitoga besa besa nolana'a hilina'mu hapakamofihi hetofana'a ahuto hilibe.

Yoni 1:4

Mino kosaba husemofihi kaga ailugu ni'igo ya'mana kagauba asaga bona'i enele'mo fana tolata nohibe.

Yoni 1:7

Yoniu kohe toto fana mepofi kumu ya'ma kaga'a boanatoga lu yege henogo asaga bona'magi kehelilete ana kaga komopa'anigu li malalabe luto huto hu'ehina yabe.

Yoni 12:46

To nani ya'ma melugu oto minoto libi'i mone suhi huto nominobe. Ya nohugo bona'magi nanitoga keheli ule'ale hite metepuna monelugu meminalana'mu.

Yoni 14:6

Ya ligo Yesu lu emi'ehina: Ya'ma kapomo nani'ni nohube. To ka lamana'a hiti nohuna to mino kosaba huse'na hiti nani'ni nohube. Ya nohunagi bona'i mone'amagi Afo'nifitoga bilune'mu nohune lite aku i pebisa ho netete aitoga bi menehetilabe.

Yoni 15:1

Yesu molo emito ma luto lu epi'ehina: Nani ya'ma bai naga'i hapa'a lamana'a nohube. To Afo'nifu bai naga'i foya afo'afu nohibe.

Yoni 6:32

Ya lite lago Yesu ka'anilo nona'a lu epi'ehina: Nani ma'naka lu nolepube. Moseu kokulumalugu beleti melepi'ehina, nani Afo'nifu kokulumalugu lusi beleti lepilata hu'ehina yabe.

Yoni 7:12

Ya lago enali li gehesa hite nehana boana'magi sumi sami kaga ai kumu li'ahana: Ai hetofa bomo nohibe, lite luga'a bona'magi nelago to luga'a bona'magi ma lite li'ahana: Ai bona'i faga faga lu epilata nohina bo yabe.

1 Yoni 1:8

Lali foipanati meni'ibe luto liluta ya'ma komopati faga noluta'mu yabe. To ka lamana'amo komopatigu meminolata nohibe.

1 Yoni 2:8

To ka fayahi nokoyona ya'ma lu molo'ehina ka'a kosaba'i lolo nohibe. To ana kaga Yesutoga to lalitoga lamana'a huto legeya'a lolo hulata nohigo melugu bona'magi bu negana yabe. Ya higo metepuna su halube'mu nohigo fanato lamana huto besa nolana yabe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.