Yemesi 5:6 - Ka Lamana'a Monoꞌi Lu Mu Tifiꞌehina Ka Yabe

⁶ Lenali bati hite nehana bona'i enifisa ite ka foya epilete neenahago enali nona'a lenahalana'a hiti lenifitu falana'a hiti meni'ibe. Lenali yogo fe'noho bona'magi ya'ma ka kehelilo.

Yemesi 5:6 ပူးပေါင်းရင်းမြစ်များ

Matiu 21:38

Ya higo enali foyagu lili'na nelina bomagi ana pana'a bu gelete ma lite musi musi ka li'ahana: Ya'ma bouba ai afo'afihi fe'noha'a li su halina'mu yabe. Lenali ho tilo, lali mana pana'a ho fililototi ya'mana foya'a laliti lilune.

Matiu 27:20

Enali sipi mono bo hiti to Yuta olopa bomagi hiti asaga boana'i sipi ka lite enekesa bilete li'ahana: Kai Balabasihi nohe'mi etoto Yesuhi limitogo ho fililune lite lilo li'ahana.

Matiu 5:39

Ya hu'ehina nani aku'i yatai lu nolepube. Lenali bo moneuba osahi lenehenogomo lenali ana bo nona'a mehalo. Lenabaga hapa'alo lamagatiniga inogomo mone kegi'a i gelehe hu emitogo ino.

Aposolo 22:14

To ai ma lu nimi'ehina: Hu'mau, tatatigihi kibinauba kaikamo kele'mo ho tibe. Kai ka'a kehelito mege'i malalane luto to ai'a hetofa agoya hu emi'ehina bo Yesuhi bu goloto to ai baga'aluguti nogo'a kehelilane luto kele'mo ho ti'ehina yabe.

Aposolo 7:52

Koyapa'i kaga lu yege hose bo minana mone kiyi'afihi le'mo sibina mehi'ahana ni'ibe? Lamana bo'a, Yesu yabe, alinamofihi kaga'a lu yege hete koyapa'i e'ahana bo enoho fili su he'ahabe. To yatai halune'mu hana bomagi enayanugu lenali malago ya'mana bo aho fili'ahabe.

Aposolo 8:32

Hu'mamofihi kaga'a hupamone'i ana bouba leka so'ehina ma luto ni'ina yabe: Ai sipisipi yaga suhi huto ho fililune'mu nehana'a hite le'mete e'ahana yabe. Ai sipisipi yaga nala'a supomofihi oka'a laga nehi etago legeso huto koyone ito nominana'a huto ai ya'mana bouba ana suhi lito kaga nesi'a mone melu'ehibe.

Hibulu 10:38

Bona'ni lamana hi'ahanamagi enali keheli ule'ale hite minete mino kosaba'i lilete minoba minoba hilabe. To luga'amagi enali he'mite i behe hite bilana'a ya'ma enali kumu kehelugo laga'ni menebesilina'mu negelo mebilube.

Yemesi 2:6

Lenali salafa'amagi bu enogo he'milata nehanagi. To hiya huse bona'magi lenele'mo sibina hite ka foyagu lenele'me melelata nehabe? Enali fe'noha'ani hiti bona'magi yabe.

Yemesi 4:2

Ya nehite laga lepesina nasana'mu bona'i enoho fililune'mu nehabe. Ana'ina'mu lenegekesa yigiba yigiba hite lepesina nasana lilune'mu nehago to melepinogo kenasabo bite luba sipi hilata nehabe. Ana'ina'mu lenebesilinana melise fa'mene neminabe. To hena'mube? Lenali Hu'mamofitoga kehe meise neminabe.

1 Pita 4:18

Yana'mu mono bukugu kaga mone fayahi keye'ahanamo ma luto ni'ibe: Bo lamana'a enali foipana lilata nehana kanagu enele'mo bati hite enubuto binogo minalana'a keta higo ni'inaya, ya hu'ehina mono ka keheli he'mite minete foipana lolo hilata nehana enali hena hilana ni'ibe?