Yemesi 5:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Hu'mau lele'mo ye kalibe lite nelitemo foipanatini ai he'mi etenogo ai he'mi etenogo lu hokolo hite Hu'mamofitoga lilo. Bati hite minalana bona'magi Hu'mamofitoga loka hete ya'ma ana'ina lamana'a lilana'mu yabe.

Yemesi 5:16 ပူးပေါင်းရင်းမြစ်များ

Matiu 21:22

Lenali komopatini Hu'mamofitoga melelete ana'ina mone kumu'i nunumu hilana ana nunumutinilo nona'a lilana'mu yabe, luto Yesu lu epi'ehina yabe.

Matiu 3:6

Ya hite foipana'ani aitoga pa sago Yotani nagamilugu nagami folo epolo'ehina yabe.

Maki 1:5

Ya ligo, Yutia melugu bona'magi to sipi hepato Yelusale ya'ma bona'magi hiti aitoga bite foipana'animofihi lu hokolo hilago, ai Yotani nagamilugu nagami folo epolo'ehina yabe.

Luku 9:6

Ya luto Yesu pana'alobo'a lu epololago enali asaga hepato hepato bula ola hite ka lamana'a lu yege hete lu epimofa'na nehite epesina bona'i enele'mo ye komofa'na hite asaga kapoga bula ola hi'ahana yabe.

Yoni 9:31

To Hu'mau foipa bona'magihi mekehelito megesa hu epilatana'mu akeheli'ohube. To mone'amagi aitoga agoya hu emi'ahana'a to mege'i melelata nehana'amagihi kehelilata nohibe.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 19:18

Babu bona'i Hu'mamofihi agoya hu emi'ahanamagi ete asaga boana'magihi enubulo lu sibina hila to foipa hapa'ani lu huto huto hi'ahana.

Aposolo 8:24

Ya ligo Simoniu ka'alo nona'a lu etimi'ehina: Letali Sipi Bomofitoga numuna hu nete'inogo ai nehe'malibe. Ya hi'inogo asaga'na nela'inamofihi huto mehu netalibe.

Romu 3:10

Mono bukugu ma kaga fayahi keye'ahanamo ni'ibe: Lamana bo melugu mone menohibe.

Romu 5:19

To mone bo Atau pelesa ito Hu'mamofitoga agoya hu meemigo foipa bona'magi babu lite huto hi'ahana to ana suhi huto mone bouba Yesu Hu'mamofitoga agoya hu emigo bebe sose bona'i babu lite huto hilanagihe.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

1 Tesalonika 5:17

Asaga yupahi Hu'mamofitoga kehelite lu emilata nehite mehe'mise minalo.

1 Tesalonika 5:23

To Hu'mau fulunamofihi afo'afu ai'a lusi bona'a lenele'mo lolo hu su holoto, to lenele'mo bati bati hulenogo komopatini lenemehatini lenugufatini bati hinogo minenogo Sipi Boti Yesu Kilisitou nehetilina kana'alo kolo tanana meminenogo minalabe.

1 Tesalonika 5:25

Lalalutigita, lali kumu yabe lite kehelite Hu'mamofitoga nunumu lite minalo.

Hibulu 11:4

Ebeliu keheli ule'ale huse'na'a hiti amuya moloto ni'inalo Hu'mamofihi kuguhi koyo emi'ehinamofihi Hu'mau bu gago bati hu'ehina. Kenihi mone'na ya'ma bu go sibina hu'ehina. Keheli ule'ale huse'na ya'ma Hu'mau Ebelihi bu gago foipana'a meminago minoto kuguhi koyo emilago li'ehina yamofihi hapa 'a analoti li huto hu'ehina. To keheli ule'ale huto minana'mu luto lali kehelutogo Ebeliu fili'ehinaya sibigopa ka'a lu limilata nohibe luto kehelilune.

Hibulu 11:7

To Noa ai keheli ule'ale huse'na'a hiti bo mino'ehina Hu'mau alihi lipoti molo emilago ekesa kehelito kohe toto ka'a ekesa lito lu emigo Noau ya'ma kagalo keheli amuya moloto yagapana'a hiti enubuto bito minalabe luto ya'ma luloto nagamilugu boti sipi'a lolo hu'ehina. Ya huloto Noau Hu'mamofitoga agoya hu emito keheli ule'ale hilata yana'mu Hu'mau lamana bo nohane luto lu molo'ehina yauba ya'ma melugu bona'i foipana li'ahana'amagihi enifisa i'ehina suhi huto mino'ehibe.

Hibulu 12:13

Mono'mofihi kapogu bilune'mu nehitemo lenigi sibina hu'ehina'a mine'ahana sibina hu su ho laligi aku'i molo emilenogo bati huto ye kolenogo Hu'mamofihi kapogu le'mo fotogo hilete humofa'na hilo.

Hibulu 13:18

Lenali lali kumu yabe lite Hu'mamofitoga kaga lite minalo. Lali eto huloto legekesa kehelise komopatigu bati higo keta huse'na meni'igo keheliya ito asaga yupahi eto huloto lito moloto hilune luto amuya mololata nohune.

1 Pita 2:24

Lali foipanati yauba ai gupisalo tigo ai'a he'mu kito malipu yafalo fili'ehinamo ni'ibe. Lali foipana lilutana'mu filise bona'i suhi huto mopo mehuse'na minoto bati bati huto minolatanamofihi minete lite hilabe luto fili'ehinamo ni'ibe. To ai fuhe'a li'ehinaloti'i komopatini le'mo kosaba hu'ehinamo ni'ibe.

1 Yoni 3:22

To ka'a kehelilototi ai bulo minoto moloto nohunogo bati hulata nohibe. Ya'mu ya'ma aitoga lutogo limilata nohibe.