Yemesi 4:8 - Ka Lamana'a Monoꞌi Lu Mu Tifiꞌehina Ka Yabe

⁸ To Hu'mamofihi gobisalo lenifita i'ehite bilana yamofihi ai'a ana huto lenogobisalo alina'mu yabe. Foipa nasanatini ya'ma li kele li he'milo. Kenetufatiniuba li gelehe hite loe lae nehana bona'ise, li hetele he'mite komopatini nokala hilo.

Yemesi 4:8 ပူးပေါင်းရင်းမြစ်များ

Matiu 12:33

To yafa moneuba bati huto mesebe lele tele huto tiloto legeya'a bati huto sipina holata nohibe. To numutopa loto tilata nohina yafauba legeya'a ana huto ho foipa lolata nohibe. To bona'magi yafa legeya'alo belelete be gelete ya yafaya bati huto notinagi lila to numutopa loto notinagi lila hite li kehelilata nehabe.

Matiu 15:2

Kai koko panakamagi hena hibe lite tatatigi limi'ahana ka'ani mege'i menemalabe? Enali nose'na nalune'mu nehitemo enayahi sese mehise fa'mene nelata nehabe.

Matiu 27:24

Pailatihi kaga'a asaga bona'magi ho fi telete luba li huto hilana suhi hago Pailatiu bu enogo'ehina. Ya hago ai silaga boana'i enubulo nagami'i liloto yaha'a sese nohuto ma luto lu epi'ehina: Ma bomofihi ho filise foipana kumu nani nugufalo metilibe. Ya asaga'na lenalitinilogagoko minalibe.

Aposolo 15:9

Ai lali'i fato suhi nohu letoto enali'i mone fato suhi mehu epolo'ehibe. Enali komopa'ani aitoga emigo ya hanalo nona'a foipana'ani li he'mi epolo'ehibe.

2 Koliti 7:1

Nemehi lepi'ohuna nalalu'nigitabe. Hu'mau ya'ma ka lali kumu lu molo'ehina yabe. Ya'mu lali komopati to lugufati le'mo sibina hulata nasana asaga'i li he'milototi komopati gulu gulu linogo Hu'mamofitoga koli'a hiti minalune.

1 Timoti 2:8

Ya higo noto noto bona'i enali enita bigo luba sabo mehise minete bona'i komopa'ani gulu gulu linogo minete enayahi li saga hite Hu'mamofitoga lite fokehi lilabe luto nolube.

Hibulu 10:22

Ya hu'ehina'mu komopati lusiga luto emiloto keheli ule'ale hinogo komopatigu okala huto foipana nasana'mu lekesa yigi yigi mehuse ya'ma ai'a golaha'atu lali'i okala hu su hoto folo letago komopati babahi higo to lugufati ya'ma hetofa nagami'i bu okaba'a suhi huto lolo hu'ehinalo nagamitu ko letelenogo minoto Hu'mamofihi bulu nehetilune.

Hibulu 7:19

Moseu keya ka lu'ehina kauba buto li hetofa hinogo minaluta nasana li huto holito mebu'ehina. To yanamofihi be liginogo fifa ilatana kosabaluguti manuhi epilatanamofihi lamana'a li huto hu'ehina yauba manuhi limigo Hu'mamofihi okaba'aga lebato bulata nohune.

Yemesi 3:17

Kokulumaluguti keheliya ise'na limilina yauba hapi fito komopati gulu gulu linogo minoto agoya bonako minototi fulunamofihi hapa'a lilata nohune. To fato bona'i bu enogoloto ginaga fise'na epiloto enele'mo lamana huto yamofihi legeya'a babu luto li huto hu leto'ehina ya huloto ligitagahi huto kenetufati loe lae hinogo faga faga luto meliluta'mu yabe.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

1 Pita 3:21

Ya suhi hago luga'a ya'ma mono nagamilugu lenele'mo bati hulata bo nohibe. Mono nagami'uba mega lugufa'a kolo tanana nokala hilina meni'ibe. Lali mono nagami'i nofoloto komopati Hu'mamofitoga nomoloto ai komopatigu nokala hinogo gulu gulu lilibe luto nagami'i fololata nohune. To ya huto lubuto bilibe luto Yesu Kilisitou fili'ehinaguti aku'i ho ti'ehina yabe.

1 Yoni 3:3

To ya huto ni'igo lali asaga'i yamofihi fifa ito minaluta ya'ma Kilisitou ai komopa'agu bati huse'na'a ni'ina ya suhi huto minalune luto komopati li keheli keheli hiluta'mu yabe.