Yemesi 4:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya hu'ehinaya libita hulata nohinana laga mehinana'mu keheli meemilabe luto lele'mo hetofa hulata nohibe. Mono bukugu kaga ma luto lu'ehinamo ni'ibe: Hu'mau ai'a enugufa limo titi bona'magihi enele'mo fitu fo he'milata nohinagi agoya hu neemina'amagihi enele'mo hetofa huto enehe'molata nohibe, luto lu'ehina.

Yemesi 4:6 ပူးပေါင်းရင်းမြစ်များ

Matiu 13:12

Bo moneuba ana'ina li'ehilinaya Hu'mau mone'a hiti molo eminogo li babu luto lilata hilina'mu yabe. To bo moneuba ana'ina yanuga meli'ehilina koyapa'i li'ehilinana minigilina'mu yabe.

Matiu 23:12

To bo moneuba gi'a li saga huloto hutu hata hilina ai gi'a alihi melugu limo ilina'mu yabe. Bo moneuba gi'a li saga mehuse legeso huto minalina alihi sipi gihiti bo minalina'mu yabe.

Luku 1:52

Ai gihiti bomagi amuya'ani nehago kefa hisaloti enele'mo manuga nomoloto to enali enigi'ani menina bona'i enigi liyafa hu'ehina.

Luku 14:11

To bo moneuba ti saga huto nohuto gi'a li saga hilina Hu'mau le'mo laba huto le'mo lagaso bo lolo nohuto to, bo mone laba huto minoto agoya bo minalina Hu'mau sipi bo le'mo lolo hilina'mu yabe luto Yesu lu'ehina yabe.

Luku 18:14

Yesu lu'ehina: Nani lu nolepube, takisi lilata bo ai Hu'mamofihi ipa'a emi'ehinamofihi ai ya'ma lamana bo yabe luto ligo noha'aga nobibe. Ya hu'ehina to ya'ma fato bo ai bati mehu'ehibe. To bo moneuba gi'a li saga hilube'mu lilina Hu'mau le'mo melugu nomoloto ni'ibe. To bo moneuba agoya huse to gi'a laba hilina Hu'mau fokehi hoto gi'a li saga hilina'mu yabe, luto Yesu lu'ehina yabe.

Yemesi 4:10

Sipi Bomofihi bulo limite neminana'a ya'ma ai'a lenele'mo saga hilube'mu nohibe.

1 Pita 5:5

To neheya kola bo lenali ana hite olopa bomagihi agoya hu epite limite minalabe luto lu nolepube. Ya nehite lenali asaga'i lili'namofihi kibi bite ai agoya hu eminogo ai agoya hu eminogo hite minalana nasana lite kele kele pana'a suhi hite minalabe. Yamofihi mono bukugu kaga mone fayahi keye'ahanamo ma huto ni'ibe: Hu'mamofihi ai enugufa'ani lelite tilata nehana bona'i enali lukesa'ani sigilata nohibe. To bona'i limite minana'amagihi ya'ma enele'mo hetofa huto enehe'molata nohibe.