Yemesi 3:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Bona'i ya'ma baba i epolose bonako minoto fuluna'amofihi legeya'a yege yege'i li huto hilube'mu nohibe. To ya'ma fuluna'amofihi legeya'a ya'ma bebe sose hapa'a ni'inagu ni'ibe.

Yemesi 3:18 ပူးပေါင်းရင်းမြစ်များ

Matiu 5:9

Bona'i enali luba hilune'mu nehinogomo ana luba folagaha'anigu bite kofa hu epelelata nehana bona'i enali enegelo bilo. Hu'mau ai panana'ni yabe lilina'mu yabe.

Yoni 4:36

Bo mone ai nose'na legeya'a ligi nupa nohinalo mina'a lito minoba minoba husemofihi nose'na'a li nupa nohibe. Nose'na he kololata nohina bo hiti ligi nupa hulata nohina bo hiti etali moneko suhi lite etegelo bila'ibe.

Galesia 6:8

Mone'a enali tafa komopa'anilo kehelite tafa komopa'animofihi foya ya'ma fililatana li huto hilana'mu yabe. To mone'amagi enali Sikalafu'mofihi foya lilana enali minete Sikalafu'mofihi legeya'a enemehi mefilise mino kosaba huse nasana lamana'a lilana'mu yabe.

Filipai 1:11

To ana kanagu Yesu Kilisitou lenehe'menogo komopatini bati bati hite minelenogo bona'magi bu lenegete yege nofune lite Hu'mamofihi fokeha'a lilana'mu yabe.

Hibulu 12:11

Osahi limito lele'mo bati hulata nasana ya'ma huto hulenogomo kana'a kehelinogo laga menohigo keke'i luse'na'a hiti lolo hulata nohibe. To aliha'aga ya'ma mino bati hulata'nagu minolata nohutamofihi legeya'a ya'ma i tili tele huto lalitoga fulunamofihi nasana huto hilina'mu yagi to hapati lamana'a lolo hulata nohibe.

Yemesi 1:20

Lenita bise'na yauba Hu'mamofihi gobisalo mino lamana hilune luto ana'ina lolo huto moloto nohiluta nasanauba mone li huto mehilina'mu yabe.