Yemesi 3:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Kokulumaluguti keheliya ise'na limilina yauba hapi fito komopati gulu gulu linogo minoto agoya bonako minototi fulunamofihi hapa'a lilata nohune. To fato bona'i bu enogoloto ginaga fise'na epiloto enele'mo lamana huto yamofihi legeya'a babu luto li huto hu leto'ehina ya huloto ligitagahi huto kenetufati loe lae hinogo faga faga luto meliluta'mu yabe.

Yemesi 3:17 ပူးပေါင်းရင်းမြစ်များ

Matiu 23:28

Lenali ya'ma suhi lite nehabe. Bona'magi fegutoga lenugufa be gelete lenebebe sana bona'i nehabe lite lilata nehabe. Ya hana komopatinigu faga faga lusemofihi to kaga li gofa hosemofihi fato fato'i bai toto ni'ibe.

Matiu 5:8

Bona'i enali komopa'ani gulu gulu ligo neminana bona'i enali enegelo bilo. Enali Hu'mamofihi bu galana'mu yabe.

Matiu 5:9

Bona'i enali luba hilune'mu nehinogomo ana luba folagaha'anigu bite kofa hu epelelata nehana bona'i enali enegelo bilo. Hu'mau ai panana'ni yabe lilina'mu yabe.

Luku 21:15

Nani'ni kaga hetofa'a lenabagalo mololoto'ni to ka kehelise'na hetofa'a lepiluna'mu yabe. To asaga fatehatinimagi nani lepilina kaga li gofa mehila to lisi'ani luga mebilana'mu yabe.

Luku 6:36

To lenali ana hite Hu'mau lenele'mo bati nohina'a hite lenalalutinigihi enele'mo bati hilo.

Yoni 1:14

Kagauba ai bo huto huloto lali folagahatigu mino'ehina. Lali ai fana meha'a abu go'ohune. Ai ya'ma moneko pana'mofihi fana meha'a afotifu ho lifigo o'ehina aitoga fuluna'a hiti ka lamana'a hiti bai toto mino'ehibe. Ai fana meha'aya pana'a yege'a aigo afo'afitogati li'ehina.

Yoni 1:47

Natanieliu Yesu nohinalo nobigo bu goloto ai kumu ma luto lu'ehina: Bu galo. Ma bo lusi Isilaeli meto bo faga faga menina bo nohinagihe.

Aposolo 11:24

Banabasiu ai hetofa bo minoto komopa'a Hu'mamofitogago emito minago Sikalafu'uba aitoga bai tago mino'ehina. Ya higo babu boana'i komopa'ani i gelehe hite Sipi Bomofihi naga'a hiti ikelete moneka mine'ahana yabe.

Aposolo 9:36

Yopa hepato Hu'mamofitoga komopa'a moloto nominana a'i mone mino'ehina. Ai gi'a Tabita ana gi'amofihi hapa'a Giliki kaguti Tokasi. Ai asaga yupahi enumuhi meni'ina bona'i enehe'moto enele'mo bati hulata nohina a'i yabe.

Romu 12:18

Lenali asaga yupahi yege yege bona'i hiti fulu hite minalo. Lenali luba ka genaga le'mo huto mehilo.

Romu 12:9

Lenali leniginaga fise'namu fato bona'mofihi leniginaga fi emite lusiga lite komopatini emilo. Foipa faipa huse'namofihi hapa'a lagati melebesibe lite lenemegesa hu emilo. Ya hite, asaga lamana huse'namofihi li pili kete mineme bite minalo.

Romu 15:14

Nalalu'nigitabe, lenali lamana bona'i nehite to mono ka keheli fe lite to mono kaga ai lu emigo ai lu emigo hilana bati hite ya nehago yamofihi keheli ule'ale nohube.

1 Koliti 12:8

Mone'mofihi ya'ma Sikalafu'uba le'mo babahi higo mono ka keheliya ito lulata nohibe. Moneuba ana huto Sikalafu'ubago le'mo babahi higo fato fato hapa'a lu bati huto lulata nohibe.

2 Koliti 10:1

Poluita nani ya'ma Kilisitohi fuluna'a hiti lehe'mose nasana'a hiti kumu luto lenegekesa lito lu lepilugi kehelilo. Kehelite nani kumu ya'ma lite lilata nehabe. Lalitoga oto minoto ai'a amuya'a hiti bo menohinaya kaga'a nagami'a hiti lu lepilata hu'ehina. Ya huloto buto minoto golagaguti kaga lu lepilata nohibe. Lenali ya nelabe.

2 Koliti 6:6

Ya huto nominotaya komopati besa lago nohuto kehelise'na minoto komopati fulu higo minoto lalalutigihi noenehe'motogo Sikalafu'i hiti minoto komopati bati huto epilata nohune.

2 Koliti 7:11

Bu galo. Ginaga fise'na ya'ma lapa mebi'ehibe. Yamofihi lenalitoga legeya'a nesi'a huto mehu'ehibe. Legeya'a sipi'a ahuto hu'ehibe. Hu'mamofihi kagalugu lenele'mo babahi huse'na to hapatini bati huto le'mo huto huse'na to foipa nasana fitu fose he'milata huse'na sipi'a to Hu'mamofihi ita bise'na lenelesa luse'na to nani kumu keheliya ite amuya molose'na, to foipanamofihi mone kegi'a epilata'na ya'ma nasana ya hina'a li huto hu'ehina ya'ma lenalitoga nona'a huto hulago lenali foipana memino'ehinamofihi hapa'a huto nohibe.

2 Koliti 9:10

Hu'mamofihi ai'a biha'a nasana li huto hu limigo hekolo'ohuta anamofihi legeya'a silaga'i huto higo lito minoto ho tito nohune. Ai'a lenali hiti minoto bigaha'a li huto hu lepi su holoto lusa gito le'mo napa hulenogo enehe'mose'natini yamofihi legeya'a mino bai toloto i futili huto minalube'mu hibe.

Efeso 5:9

Fana mehenamofihi legeya lamana'a ya huto hulata nohibe. Komopatini lamana'a hiti minose'na to fotogo huto minolatana to ka lamana'a lulatana yabe.

Filipai 1:11

To ana kanagu Yesu Kilisitou lenehe'menogo komopatini bati bati hite minelenogo bona'magi bu lenegete yege nofune lite Hu'mamofihi fokeha'a lilana'mu yabe.

Filipai 4:8

To nalalu'nigita, kaga mone'ya ma luto lu su hoto nolube. Lamana'amofihi yege fise'na hiti agoya hu emilata nasana hiti to ana'ina hetofana'a to fotogo huto minolata nasana hiti to babahi huto nominana nasana hiti to bu golatanamofihi laga'a to keheli lamana hulatanamofihi ya'ma bati hina nasana hiti to komopatinigu bebe sose'namofihi hapa'a silaga'i enegekesa kehelite minete minalo.

Kolose 1:10

To yalo lenali asaga yupahi aitoga minete hetofana hite neminenogomo Sipi Boti ai lenofokehi lilina'mu yabe. Ya'ma le'ali loka noho'ibe. To lenali asaga yupahi Hu'mamofihi lagamo keheliba keheliba hite minete, to bona'i enehe'malata ya'ma hetofa lili'natini fato fato'i yamofihi legeya'a babu luto hilina ya hinogomo Hu'mamofihi hapa'a keheli bati hilete hetofana suhi hite minete ya hilabe luto loka noho'ibe.

1 Tesalonika 2:7

Lali Kilisitohi aposolo'a nohutagi ya'ma ana'ina mone kumu linogo limilina bati hilina ya huto meni'ibe. To a'i moneuba yagapana'a laga hina'a hulata kaba nohina suhi huto lali ya'ma lenalitoga minoto lenele'mo bati hulata nohune.

1 Timoti 5:21

Nani Hu'mamofihi to Yesu Kilisitohi etogobisalo to Hu'mau enele'mo eto hulago ai maha'aluga hetofa agelomagihi enogobisalo ya'ma luto lu molo noketobe. Lu laga huto lipoti nokimito kaga lu nokumuna keheliya ito kaba hitogo limito mekeno. Bona'i luga'a enali kumu kehelitogo tila limila nehinogo ya suhi ma suhi mehu epolobo. Asaga bona'i moneko kemehi epibo.

2 Timoti 2:24

To Sipi Bomofihi foya'alo bo enali hapa'ani hetofana ni'igo leli'ali hite luba kenasabo mebise asaga bonatoga amuya ka lite melise fulu kaguti mono ka enele'mo bebe sete enelepilata nehabe.

Taitasi 1:15

Komopa'ani fana tago nehanamagi enali ana'ina'mu keheligo gulu gulu ligo neminabe. To luga'amagi ka lamana'a keheli meemi'ahana foipa nasana'mu enegekesa'anigu hiti komopa'anigu sifolohi gito kolota kolota hu'ehinamo yana'mu enali ana'ina'mu keheligo ana suhi huto sifolohi gito kolota kolota higo nehabe.

Taitasi 3:2

To bonakamagi fato bona'i mone'mofihi kaga li sibina mehise to luba sabo mehise minalabe luto lu epibo. Enali legeso hite minete asaga bona'magitoga komopa'anigu keheli bati hite enele'mo babahi hilabe.

Hibulu 12:11

Osahi limito lele'mo bati hulata nasana ya'ma huto hulenogomo kana'a kehelinogo laga menohigo keke'i luse'na'a hiti lolo hulata nohibe. To aliha'aga ya'ma mino bati hulata'nagu minolata nohutamofihi legeya'a ya'ma i tili tele huto lalitoga fulunamofihi nasana huto hilina'mu yagi to hapati lamana'a lolo hulata nohibe.

Hibulu 12:14

Lenali bona'i asaga'i enali hiti koguna ite minalune lite nelite to komopatini hepinogo mino eto hite minalune litemo amuya malalo. Komopa'ani kolo tago nehilana'amagi enali Sipi Bomofihi be megalana'mu yabe.

Yemesi 1:17

Asaga nasana bati huto lele'mo lamana hulata nasana lamana'a yamofihi Hu'mamofitogati ni'ibe. Afotifu Hu'mau ai kokulumagu fi fana tolata nasana asaga'i sonofi'i hiti ikahi hiti yege hiti enele'mo huto hu'ehina bouba hetofa nasana limilata nohina yabe. Ana huto ana'ina li gelehe galaha hilata nehanaya Hu'mau anamofihi suhi menohibe.

Yemesi 1:5

Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.

Yemesi 2:13

Bo mone'maka kai kiginaga mefinogo bona'i enele'mo bati mehilata ya'ma Hu'mau ana huto ginaga mefinogo enele'mo bati mehinogo ana bomofihi ka foya li etalune'mu nehabe. Kiginaga finogo keke'i luto enele'mo bati hilata bona'i ya'ma Hu'mau ana suhi huto ginaga finogo enele'mo bati hilube'mu nohibe. To ginaga fise nasanauba ka foya lilatanamofihi be ligilina'mu yabe.

Yemesi 2:4

Lenali ya hite bona'magita guna melete enele'mo fato fato nehite lenegekesa foipa'a kehelite bona'i enele'mo sibina hilata nehabe.

Yemesi 3:15

Ana kehelise nasana kokulumaluguti melimi'ehibe. Noto noto bona'magitogati huto nohigo mega lugufatu lilata nohune. Foipa feleuba ya'ma ana huto hite ana'ina lilo luto lohoka nohigo tafa lemehatitu lilata nohune.

Yemesi 4:8

To Hu'mamofihi gobisalo lenifita i'ehite bilana yamofihi ai'a ana huto lenogobisalo alina'mu yabe. Foipa nasanatini ya'ma li kele li he'milo. Kenetufatiniuba li gelehe hite loe lae nehana bona'ise, li hetele he'mite komopatini nokala hilo.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

1 Pita 2:1

To ya huto ni'igo lenali foipanatini asaga'i li he'milo. To faga lilatana, kenetufatini loemo minolatana, to komopatinigu siko hilatana, huli ka ai lu emigo ai lu emigo hilatana yamofihi he'mi su halo.

1 Pita 2:18

To lenali bona'magihi koko panana'ani nehanamagita, lenali kaba botini kumu keheli bati hite minete ka'ani keheli epilo. To fuluna'a lepilana komopa'ani bati higo mine'ahana bona'i enalisigo meni'ibe. Enali kele'na ka lu lepilana bona'magihi ka'ani ana hite kehelilo.

1 Yoni 3:18

Palala'ni pana'nimagitabe. Lali komopati Hu'mamofi hiti lalalutigi hiti noepito ya'ma kagatuko to labagagutiko melilune. Komopatiguti layatuko to labagatuko luto moloto hilune.

1 Yoni 3:3

To ya huto ni'igo lali asaga'i yamofihi fifa ito minaluta ya'ma Kilisitou ai komopa'agu bati huse'na'a ni'ina ya suhi huto minalune luto komopati li keheli keheli hiluta'mu yabe.