Yemesi 3:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ana kehelise nasana kokulumaluguti melimi'ehibe. Noto noto bona'magitogati huto nohigo mega lugufatu lilata nohune. Foipa feleuba ya'ma ana huto hite ana'ina lilo luto lohoka nohigo tafa lemehatitu lilata nohune.

Yemesi 3:15 ပူးပေါင်းရင်းမြစ်များ

Luku 16:8

To alihi sipi bouba ana kaba bomofihi bu goloto yege fi'ehina yabe. Hena'mugope ai lataha'anigu bebe sana bona'magihi suhi li'ehina. Ma melugu bona'magi enali ya huse bona'i hiti lili'na moneka lilana, enali Hu'ma ka mege'i nemalana bona'i enahalana'mu yabe. Guminalo hapa'a ya'ma keheli bati nehabe, luto Yesu lu'ehina.

Yoni 3:17

To Hu'mau ma melugu pana'a ho lifigo limi'ehina ai mana melugu bona'i loko hilibe lutogope enele'mo enubuto bilibe luto ho lifi'ehina yabe.

Yoni 8:44

Lenali foipa bo Sataha yagapana'mo nehanago ai mege'i malalune'mu nehabe. Yata'a kanagu bona'i enoho fili'ehina yabe. Ai bati suhi mege'i moloto memino'ehina hena'mugope aitoga bati hapa'a meni'igo yabe. Ai faga lusemofihi afo'afu nohinago faga luse'namoya aitoga bai toto ni'ibe. To faga fagauba kaga'a lamana'a lolo hulata nohina bo nohibe.

Aposolo 13:10

Kai Satahi pana'a. Bati'na asaga'i ni'inamagihi kai fateha'ani yabe. Asaga faga faga hiti bati mehina suhiti kailugu babu lito bai toto ni'ibe. Kai asaga yupahi Sipi Bomofihi ka mana'a faga fagagu li mololata nohane.

Romu 1:22

Enali keheli baga i'ohune lilata nehanaya faga faga lite negi nagi nete mine'ahana yabe.

1 Koliti 1:27

Ya nehanaya bona'magihi enubulo kehelise'na'ani bati mehina'a lali Hu'mau lele'mo'ehina yabe. To bona'magihi enubulo amuyati menina'a lali Hu'mau lele'mo'ehina yabe. Hena'mube? Enali kehelise'nati bati hu'ehibe lite to amuya hiti nohune lite lilata nehanamagi enubuya'ani hulata hilabe luto yabe.

1 Koliti 2:14

Bona'i luga'a Hu'mamofihi Sikalafu'a hiti menehilana bona'i enali ya'ma Hu'mamofihi Sikalafu'mofihi kaga'a mone mekehelilana'mu yabe. Enali hena hite kehelilabe? Meni'ibe. Sikalafu'i hiti nehilana bona'magi kehelilana'a huto ni'inaya, Sikalafu'i hiti menehilana bona'magi kehelinogo fa'mene kaga legi lolo hilube'mu hibe.

1 Koliti 3:19

Metoga bona'magi kehelise'na'ani yamofihi Hu'mau kehelinogo legeya'a lolo mehilina'mu yabe. Ya hu'ehina mono bukugu Hu'mau kumu kaga mone ma lite fayahi keye'ahanamo ni'ibe: Hu'mau ai enali keheli fe lu'ohune lite ana'ina neligo kofohi nemele epalago kofohi molo'ehinagu ananamofihi bagagu enele'mo buto nohibe.

1 Koliti 3:3

Lenali koyapa'i mine'ahana legegeto fa'mene nehabe. Lenali ai siko higo ai siko higo nehite luba sabo hite fa'mene bona tegi hite mine'ahana suhi hite ya'ma hapa'amofihi huto huto ni'igo koyapa lenemehiti minelata nehabe.

2 Koliti 1:12

Laliti'mu kehelutogo nesi'a tilata nohina. Ya'ma ya hu'ohuto'mu komopati lusiga noluto to lama'nakagu ya'ma metoga nohutogo komopatiuba nasana mone kumu li fitu falina'a meni'ibe. Lali Hu'mamofihi ka mekeheli'ahana bona'i enali enubulo ya suhi huto minoto mono ka kehelilata nehana bona'i lenali lenubulo bati huto minolata nohune. To lali metoga bona'magi kehelilata nehanalo amuya moloto bati huto mino'ohuta meni'ibe. Hu'mau lele'mago ai amuya'alo bati huto minolata nohune.

2 Koliti 11:3

Yamofihi ya'ma osifa'uba mi'i mololata nohinamofihi hapa'a keheli fe lite minete Ebahi ya'ma faga kagaloti mi'i molo eto'ehina, ana kagaloti lenalitoga bona'i luga'amagi enimi'i molo lepalalana'mu kehelilata nehana golo golo gilenogo babahi Kilisito kumuko kehelilata nehanamofihi he'mi lalabe luto nekehelugo keta nohigo nolube.

Filipai 3:19

Bona'i yanamagi enugufa'ani enibita hulata nohinamofihi hofa to'ehinana yanauba enogo'anifu lolo hulata nohibe. To fato fato'nauba enubuya hilina'mu golemehi kelata nehabe. To ma melugu nasana'muko keheli keheli hulata nehabe. Ya nehana'mu lite logo hepalugu bilune'mu nehabe.

2 Tesalonika 2:9

Ya'ma foipa bouba Satahi amuya'a hiti nehetito fato fato'mofihi amuya nasana hiti topa hose nasana hiti silaga'i fi taga hu epoloto li huto hilibe.

1 Timoti 4:1

Hu'mamofihi Sikalafu'uba ya nasana ka'a lu hokolo huto ma luto lulata nohibe. Kana minomo tito aliha'a bona'i lug'a enali mono kamofihi li pili ke'ahanamo ya'ma he'milete keheli negi nagi nete laga mehina felemagihi enali kaga'ani mege'i malalabe. To ana foipa felemagihi faga faga kagagu bite i hepite kehelilana'mu yabe.

Yemesi 1:17

Asaga nasana bati huto lele'mo lamana hulata nasana lamana'a yamofihi Hu'mamofitogati ni'ibe. Afotifu Hu'mau ai kokulumagu fi fana tolata nasana asaga'i sonofi'i hiti ikahi hiti yege hiti enele'mo huto hu'ehina bouba hetofa nasana limilata nohina yabe. Ana huto ana'ina li gelehe galaha hilata nehanaya Hu'mau anamofihi suhi menohibe.

Yemesi 1:5

Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.

Yemesi 3:17

Kokulumaluguti keheliya ise'na limilina yauba hapi fito komopati gulu gulu linogo minoto agoya bonako minototi fulunamofihi hapa'a lilata nohune. To fato bona'i bu enogoloto ginaga fise'na epiloto enele'mo lamana huto yamofihi legeya'a babu luto li huto hu leto'ehina ya huloto ligitagahi huto kenetufati loe lae hinogo faga faga luto meliluta'mu yabe.

Yute 1:19

Bona'i ya hana'amagi ya'ma Hu'mamofihi naga'a loko huse'na li huto hilata nehabe. Hu'mamofihi Sikalafu'a hiti menehana enali enugufa'aniuba kaba hu epololago laga'ani epesise'nalo melelata nehana.

Huto Hilina Ka 12:9

To hagulu osifa'i napa'auba ai koyapa'i ema afeha'aga mino'ehina bo mone gi'amofihi Sata to fato gi'a enifisa ito noto noto bona'i enimi'i moloto enogolaga bilata bo le'mo fitu fe he'migo melugu limi'ehina. Ai'a hiti to yagapana'a hiti kokulumaguti fitu fo he'milago limite melugu mine'ahana.

Huto Hilina Ka 2:24

To Taitaila hepatoga bona'i luga'amagi ana faga ka'a keheli he'milata nehabe. Ya hite, bona'i luga'amagi Satahi hapa hapa'a keheli fotogo huto keheli'ohune lite lilete nehana bona'magihi ka'ani lenali ya'ma kehelise mehabe. Lenali kumu lilugi kehelilo. Nani keta'a hiti nasana luga'a ya'ma lenugupisalo memalalube'mu hube.

Huto Hilina Ka 9:11

To agelo moneuba keli yatamalo kaba hulata nohina ai enikibina bo'ani minolata hu'ehina gi'a Yuta bona'magihi kaguti Apatoni, to Kiliki bona'magihi kaguti Apolioni, to lali katiguti ya'ma gi'a enoholata bo yabe.