Yemesi 2:9 - Ka Lamana'a Monoꞌi Lu Mu Tifiꞌehina Ka Yabe

⁹ To lenali bona'a mone'amagihi enofokehi hete enele'mo bati nehite bona'i mone'amagihi bu enogo he'milana nehite yamofihi foipana'a lilana'a huto ni'inaya Hu'mau ya'ma keya ka lu'ehina ka'a akeheli he'mi'ahabe luto ka foyagu lenele'mo melalina'mu yabe.

Yemesi 2:9 ပူးပေါင်းရင်းမြစ်များ

Yoni 16:8

Limiloto metoga bona'magihi foipana'animofihi to li lamana hulatanamofihi hapa'amu to foipana lepilinamofihi hapa'amu ka foya lilatanamofihi hapa'amu keheli fe lilana'mu yabe.

Yoni 8:46

Lenali folagahatiniguti hiya bouba nani foipana'ni lu huto hilina ni'ibe? Ya hu'ehina nani ma'naka lu lepi'ohunamofihi lenali hena hibe lite keheli menimi'ahabe?

Yoni 8:9

Enali ya luto epi'ehina ka kehelilete moneko moneko bila bila hite bu su he'ahana. Yata'a olopa bomagi bilago ana mege'i bila bila hi'ahana. Ya hago Yesu ai'ago nohinalo ana a'i ho tiloto analo mino'ehina yabe.

Aposolo 10:34

Pitau hapi fito kaga lu'ehina: Yatai keheli fotogo nohuto ma'naka luto Hu'mau bona'i moneko legege hite nehabe luto kehelilata nohibe.

Romu 3:20

To bona'i moneuba keya kalo mege'i moloba moloba nohigo keya kauba ana bomo Hu'mamofihi bulo le'mo bati mehilina'mu yabe. Ya'ma keya kauba ana bomofihi foipana'a lepilube'mu nohigo kehelilibe.

1 Koliti 14:24

To Hu'mamofihi bagaguti ka'a bati huto lu huto huto nehinogo, Hu'mamofihi mekeheli'ehina bofi, fegutoga nehana bo moneuba lenalitoga tito ka kehelilube'mu hibe. Ya hilinauba ya'ma asagato foipana'amofihi hapa'a lu huto hi etete ka foyagu le'mo malalana'mu yabe.

Galesia 2:19

To ya'ma keya ka lu laga huto lu'ehina kamofihi nagalugu mone memino'ohunaya keya kamu'i fili'ehina bo tegi huto lolo huto ana kamofihi nagalugu menominobe. Hu'mamofi kumu yabe luto minalube luto ho ti'ohunamo ni'ibe. Nani anamofihi foipana lilata nohuna'mu Kilisito hiti malipu yafalo fili'ehina moneka le'ehe'ahana lolo hu'ehinaya.

1 Yoni 3:4

Foipa nasana lilata yanauba Hu'mau lu laga hu'ehina ka'a ligofa ho he'milata nasana ni'ina mone'amagi enali foipa nasana nelinogomo enali'i Hu'mau lu laga hu'ehina ka'a ya'ma ho hauta hi'ahabe.

Yute 1:15

Ya huloto asaga bonatoga hapa'ani lu huto nohuto kegeiyo bona'i Hu'mamofitoga meneminana'a enali kegeiyo'na'animofihi hapa'a nona'a foipana epilina'mu yabe. To kegeiyo bona'magihi Hu'mamofitoga meneminana'amagi enali Hu'mamofihi kaga li sibina sabana hite ka laga mehina'a lilana ananamofihi nona'a epilina'mu yabe.