Yemesi 2:25 - Ka Lamana'a Monoꞌi Lu Mu Tifiꞌehina Ka Yabe

²⁵ To ana suhi huto koyapa'i ya'ma kapolo a'i, Lehapu ai Hu'mamofi kumu yabe luto kaga mege'i molo'ehinalo Hu'mau nubulo bati a'i nohibe luto lu'ehina. Yosuagi to bona'amagi gelehe hite me'i kosaba'i bu galabe luto enoho lifinogo Lehapu nohinaga elago ai'a Hu'mamofihi naga'i nehabe luto enele'mo nonugu moloto bona'magi bu enegete enehe lalabe luto fato kapogu enoho lifi malago bi'ahana yabe.

Yemesi 2:25 ပူးပေါင်းရင်းမြစ်များ

Matiu 1:5

To Salamo ai liha'a Lehapu yagi etali pana'atiti Boasa yabe. To Boasahi ai liha'a Luti yagi etali pana'atiti Opeti yabe. To Opeti ai Yesehi afo'afu yabe.

Matiu 21:31

Yalo lenali lu nimilo luto Yesu lu'ehina: Ya'ma loe pana'male'i kuyu'afu afo'atitifu lu etimina kagalo mege'i molo'ehibe? Ya ligo enali Yesuhi lu emi'ahana: Yege pana'auba yabe lite, ya lago Yesu ma luto lu epi'ehina: Nani lusiga luto lu nolepube, takisi efahi nelina bo hiti to mokolo ana'i hiti enali kohe tete Hu'mamofihi kapo'agu nebabe.

Aposolo 17:7

To Yesoniu ya'mana bo noha'aluga enele'moto bu'ehinamagi Sisahi kaga'a ligofa helata nehite ma lite lilata nehana yabe: Kibina bo fato mone nohina gi'a Yesu yabe.

Hibulu 11:31

Kapogu mokolo a'i Lehapu ai keheli ule'ale hina'mu yabe lite bo loemale'i yata'a fateha'animofihi me'i be galu'ibe'mu fala kite bi'aha'ina. Lehapu ya'ma ana bole noha'agu etele'mo malago alihi Yeliko bona'i Hu'mamofihi ka'a pelesa ilata hi'ahanamagihi ya'ma Hu'mau enohoto Lehapuhi buto bi'ehina.

Yemesi 2:18

Bo moneuba noluna ka o'e a'e nolinogomo ma luto lu emilunamo ni'ibe: Kai ya'ma keheli amuya molo'ahataya nani ya'ma mono ka legeya'a lilata nohube. Mono legeya'a menelepise keheli amuya mololata hu'ahata'asigo nelepilata yamofihi nani mono ka legeya'a lilata nohuna ya'ma kelepinogo'ni keheli amuya nomolonamofihi hapa'a fa'mene kehelilane luto lilube'mu nohube.

Yemesi 2:22

Ya hu'ehina ai keheli amuya molo lito buto mono ka legeya'a lito buto mono ka lamana'a lu'ehina yamofihi kehelito mino amuya moloto keheli su ho'ehinamofihi keheli'ahabe.

Yemesi 2:24

Kehelito amuya molose'natimu'i ya'ma keheliloto Hu'ma ai'a bulo fotogo hite nehabe luto melilune. Keheli amuya molo'ohutoti mono ka legeya'a liluta'mu keheliloto ai bulo bati hite nehabe luto lilune'mu nohune. Yamofihi akeheli'ahabe.