Yemesi 2:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Lenali ya'ma afotifu, Hu'ma moneko'isi nohibe lite lilata nehanafiye? Bati huto ya'ma ka legeya'a nelanaya foipa felemagi ana hite kehelilete sipi enelesa ligo topa hete nehabe.

Yemesi 2:19 ပူးပေါင်းရင်းမြစ်များ

Matiu 8:29

Yesu olenogo etali sipi kehe ilete: Hu'mamofihi pana'ise. Hena suhi hu le'etalube'mu nohane? Alihi asaga bona'i halata yupahi yatai aku le'ahalapiye? li'aha'ina yabe.

Maki 1:24

Ahi. Yesuo. Nasalete naga'ise. Lalitoga hena'mu noane? Lali lahalube'mu nohuto noapiye? Nani kaimo keheli'ohube. Kai Hu'mamofihi pana'a, foipa mehuse bo nohane.

Maki 12:29

Ya ligo, Yesu ma luto lu emi'ehina: Yata'a ya'ma hofa to'ehina ka ma ni'ibe. Isilaeli naga'i kehelilo. Kibina bo Hu'mau moneko'na nohuto ai'asigo kibina bo nohibe.

Maki 7:9

To ya luloto ka mone hiti ma lu epi'ehina: Lenali ma suhi hite Hu'mamofihi kaga'a nehe'mibe. Ma suhi hite Hu'mamofihi lenemegesa hi emite lenali hapatinimofihi liyafa nehana yabe.

Luku 4:34

Oho, Yesuo, Nasalete bo. Kai hena hu letalube'mu noane? Nekesa noyuguna kai lali'i lele'mo sibina hilube'mu noapiye? Kai nani akeheli'ohuna bomo nohane. Kai Hu'mamofihi fana mehe bo'amo nohane.

Yoni 17:3

Mino kosaba huse'namofihi hapa'a ma huto ni'ibe, Hu'mau lamana'a moneko'i kai hapaka to noho lifi'ahata panaka Yesu Kilisito nani hapa'ni keheli'ehinogo mino kosaba huse'naka yamofihi huto hu epilibe.

Aposolo 16:17

Ai Polu hiti lali hiti lemege'i lifito nobuto ma luto sipi kehe i'ehina: Ya'ma bo enali ifo muyagu Hu'mamofihi koko pana'a nehabe. Lenali lenugufatini li lenubuto bilabe lite lu yege nehabe.

Aposolo 19:15

Ya nehago foipa feleuba ma luto lu epi'ehina: Nani Yesuhi kehelito to Poluhi hapa'a hiti akeheli'ohube. To kaibe kiyi'agabe?

Aposolo 24:25

Ya hu'ehina Poluhi kagauba bati huto minosemofihi hapa'afi to bona'i enali'ani enugufa'ani kaba hu bati husemofi to alihi Hu'mau ka foya li letalinamofihi kana'amu lu emi'ehina. Ya ligo Felikihi lesa'a ligo Poluhi lu emi'ehina: Kai bufa hubo. Nani aku'i mone yupahi kehe ilunagi buto nohubo.

Romu 3:30

Hu'mau loe lae nohina bo menohibe. Yuta bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo ai enali hiti enele'mo bati hilina'mu yabe.

1 Koliti 8:4

Ya hu'ehina faga lugefamofihi seba'amu ya'ma luto kehelilata nohune: Faga lugefa ai ya'ma nasana lamana'a meni'ibe. Hu'mau ai moneko lamana'a nohibe.

1 Koliti 8:6

Lali ya'ma Hu'ma afotifu moneko'i nohibe luto keheli'ohutamo ni'inagi aitogati ana'ina silaga'i huto hu su ho'ehina. To laliya ai kumu ni'ibe luto hilune luto nohune. To Sipi Bo moneko'i Yesu Kilisitohi ai yanagu ana'ina silaga'i huto hu'ehina to lali ai yanuguko nohune.

Galesia 3:20

To Hu'mau Abalahatoga ya'ma lusamofihi kaga molo'ehina'mu ai'asigo molo emi'ehina. Agelo bona'magihi ya'ma epilago enali lite epi'ahanamo ya'ma meni'ibe. To folaganugu minana bo meni'ibe. Hu'mau ai'a moneko'i nohina bo ai'ago ya'ma lusamofihi kaga lubuto bise'na'a limi'ehina yabe.

1 Timoti 2:5

Hu'ma ai moneko'i nohibe. To Hu'mau hiti lali hiti nekisaga luga luga nohunogo bo moneko'i Yesu Kilisito folagahatigu bo lolo nohibe. Ai lele'mo moneko nohibe.

Yemesi 2:8

To ya'mu mono bukugu Hu'mau keya ka lu'ehina kaguti amuya ka mone ma luto ni'ibe: Kaika'mu kehelilata nohata ya suhi huto kalalukagi kumu kehelito kaba hu epoloto komopaka epibo, luto lu'ehinamo ni'ibe. Lenali ana keya ka lu'ehina ka'a keheliya ilana ya'ma ana'ina lamana'a lilana ni'inaya.

Yute 1:4

Hena'mube? Bona'i luga'a Hu'mamofihi keheli'ahana'a enali folagahatigu fenene hite ti'ahana. To enali moko foya lilata nehanalo Hu'mau ka melemekilina'mu yabe lite ai hetofa bo nohinagihe lite nelana enali ya lite Hu'mamofihi lehe'mose kaga'a li sibi hite to lali moneko kaba boti, Yesu Kilisitohi enemegesa hu emite ibe fitebe hi etelata nehabe. Enali ya'ma bite li he'mila ete li he'mila nehanamofihi hapa'anilo Hu'mau osahi epilina ka koyapa'i mono bukugu fayahi keye'ahanamo ni'ibe.

Yute 1:6

To agelo mone'amagi enali kaba foya'ani he'mite nohi hepa'aniloti he'mite hi'ahana'a enali'i Hu'mau ule'ale seni nagatu li sipi tuto sa gi epoloto afeha'alo ema metepunagu enele'mo he'mi'ehigo enali kana sipilo ka foya lilina kanamofihi geba hite neminana'a yamofihi beto hite kehelilo.

Huto Hilina Ka 20:10

Ya nehinogo Satahi ya'ma afetoga bona'i enimi'i molo'ehina bo ai hiti fela logomofihi hefuha'agu kala efahi logogu loto ni'inagu fi felu ho he'minogo limi'ehina yabe. Koyapa'i akafu yagakafa ai hiti to faga faga mono ka leli'ali bo ai hiti anagu fi felu ho he'minogo limi'aha'inagu ya'ma Sata hiti limi'ehina. Enali ya'ma ufeha'a hiti nasana kofi epelelenogo kana'amu kana'amu utehi etehi enagabu kumu kalafa hite minalune'mu habe.