Yemesi 2:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Bo moneuba noluna ka o'e a'e nolinogomo ma luto lu emilunamo ni'ibe: Kai ya'ma keheli amuya molo'ahataya nani ya'ma mono ka legeya'a lilata nohube. Mono legeya'a menelepise keheli amuya mololata hu'ahata'asigo nelepilata yamofihi nani mono ka legeya'a lilata nohuna ya'ma kelepinogo'ni keheli amuya nomolonamofihi hapa'a fa'mene kehelilane luto lilube'mu nohube.

Yemesi 2:18 ပူးပေါင်းရင်းမြစ်များ

Romu 14:23

Aku ana nose'na nolago ekesa loe lae higo to komopa'agu keta hinogomo Hu'mau fisa ito ka emekilibe. Hena'mube? Ai keheli'ehinaloti ule'ale mehuse komopa'a keta higo nalina'mu yabe. To lenali ana hite asaga keheli'ahanaloti ule'ale mehuse komopatinigu keta hilina'mu foipanatini huto hilibe.

Romu 3:28

Ya'ma ka hapa'amu lali keheli su ho'ohune. Bo moneuba Yesutoga keheli ule'ale nohinalo Hu'mau ai'ago ana bo le'mo bati nohinagi to keya kauba yana bo le'mo bati mehilina'mu yabe.

Romu 4:6

To koyapa bo, Tebitiu ai ana ka hapa'aguti kaga lu'ehina. Hu'mau lamana bo yabe luto fa'mene le'malina bouba gelo bilibe luto, Tebitiu ma fayahi koyo'ehina:

Romu 8:1

Yatai bona'magi Yesu Kilisitotoga hiti hepite minago moneko'na nehana yanamofihi Hu'mau enifisa meilina to osahi meepilibe.

Romu 9:19

To lenali bo moneuba ma luto lu nimilibe: Hu'mau ai'a mone bona'mofihi ekesa fi hekini lo etago aku henabe luto ana bomo fisa ilina'mu yabe? Ai ya hu etoloto henabe luto ka emekilibe? To kiyi'afu Hu'ma ekesa keheli'ehina'amofihi be ligilibe?

1 Koliti 13:2

To nani Hu'mamofihi ka lu huto huto hulata bo lolo huto huto'ni Hu'mamofihi suguna ka'a yamofihi keheli su ho'ohuto'ni to Hu'mamofihi kamofihi nekisa mokisa'a hiti keheli su hoto nohuto'ni to nani linogo kosa mone li sibi hu he'milibe luto keheli ule'ale hu'ohuto'ni niginaga mefise fa'mene minotita fa'menena lolo hutine.

2 Koliti 5:17

Ya hu'ehina'mu bona'i moneuba Kilisitotoga hepiloto molo emi'ehilina ai yuhufana lolo nohilibe. Tafa hapa'a su ho etolago kosaba hapa'a ahuto hu'ehilina yabe.

2 Koliti 7:1

Nemehi lepi'ohuna nalalu'nigitabe. Hu'mau ya'ma ka lali kumu lu molo'ehina yabe. Ya'mu lali komopati to lugufati le'mo sibina hulata nasana asaga'i li he'milototi komopati gulu gulu linogo Hu'mamofitoga koli'a hiti minalune.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

Taitasi 2:7

To kaika ya'ma ana'ina lamana'amofihi le'mo eto huto hetofa foya babeyafa'a hulotoka komopaka fana tenogo to yokolo ka meluse minoto lusiga lu epito nobitogo kohe netenogo bu nekegete kemege'i melete bilabe.

Hibulu 11:31

Kapogu mokolo a'i Lehapu ai keheli ule'ale hina'mu yabe lite bo loemale'i yata'a fateha'animofihi me'i be galu'ibe'mu fala kite bi'aha'ina. Lehapu ya'ma ana bole noha'agu etele'mo malago alihi Yeliko bona'i Hu'mamofihi ka'a pelesa ilata hi'ahanamagihi ya'ma Hu'mau enohoto Lehapuhi buto bi'ehina.

Hibulu 11:33

Enali keheli ule'ale nehana bona'i asaga'i nehabe lite luga'amagi melugu bona'i asaga'naloga enele'mete limite enebe ligi'ahana ya'ma enegekesa lise foya lite enele'mo fotoga hite Hu'mau mina'a epilube luto lu epolo'ehina yanamofihi legeya'a li'ahana. To luga'amagi lopi kalamagi heni letalabe lite ana kalamagihi enabagalo fi hekini le'ahana ya nehago,

Hibulu 11:6

Keheli ule'ale huse'nati meeminenogo nehinogoti Hu'mau bu goto fokehi melilibe. Hu'ma ai'a nohibe luto yamofihi keheli ule'ale huto to ai hapa'amu amuya melete sa sa hilana bona'magi ya'ma mina'a limilibe luto komopatitu keheliya ito ai maha'aluga buse'na ni'ibe.

Yemesi 2:14

Nalalu'nigitabe. Bo moneuba nani Yesu kumu keheli amuya molo'ohube luto lilina ai ya'ma mono ka lamana'a mone mege'i memelenogo sapuya'a lolo hilube'mu nohibe. Ya huloto keheli amuya moloto bilina ya'ma Hu'mau buto bilifihe? Bati mehu'ehina.

Yemesi 3:13

Folagahatiniguti bo moneuba keheliya ise bo to asaga hapa'a keheli su ho'ehina bo nohilina ai agoya bo minoto hapa'a lamana'a li huto hilinamofihi keheli'ehilina yamofihi hapa'a li huto hilina'mu yabe.