Yemesi 2:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Bo moneubafi a'i mone'ifi silaga gukete'mufi nose'namu sa sa nehinogo,

Yemesi 2:15 ပူးပေါင်းရင်းမြစ်များ

Maki 14:7

Enali musufalo bona'i lenalitoga asaga yupahi mineba mineba nehanagi to lenali bati hite fato fato yupahi efahi epilana'mu yabe. To nani lenalitoga asaga yupahi minoba minoba mehilube.

Luku 3:11

To Yoniu ai ka'anilo lu'ehina: Bo moneuba gukete loemo li'ohutomo mone kalalukafihi meni'ilinamofihi emibo. To bo mone maka nose'na ni'ilina maka nose'na'a meni'ilina bo hiti guna ite naliyo.

Aposolo 9:29

Yuta bona'i Giliki nogo nehana bona'i hiti Soliu kaga lu noepito enali hiti kenasabo bi'ahana. Ya nohigo enali ho fililune lilete hi'ahana.

Hibulu 11:37

Luga'amagi enali efa kosatu enehe fili'ahana, to luga'amagi ya'ma enugufa hobe laga hibe hi'ahana. To luga'amagi ya'ma sopolotu enehete enoho fili'ahana. Luga'a enali keheli ule'ale hite minana'mu yabe lite enoho lifi he'migo enali ka metoga bite fa'mene fakasalo minete to kosagu yupa'i hite minete, mehi kapoluga to muli kapoluga kete humofa'na hite mine'ahana. Ya hite minete, i kolo bise gu'ani meni'igo sipisipimagihi mememagihi kalupa'a lite i kolo bite minete kau'namu filite minete, musufalo bona'i ya suhi hite minete to fateha'animagi enegene mane igo keke'i luse'namofihi gupisalo tite mine'ahana. Ya hi'ahana bona'i luga'a enali henana'aniloti melugu i hepite minenogo bati hilibe?

Yemesi 2:5

Nemehi nolepuna nalalu'nigita, ya'ma kaga kehelilo. Salafa'a bona'i nehabe lite nelite lilata nehana bona'i mone ya'ma Hu'mau enele'mo eto higo Hu'mamofihi gobisalo ya'ma fe'noha'ani hiti bona'i lolo hite nehabe. Ya nehago Hu'mamofitoga komopa'ani melete neminana bona'i ya'ma lu epolo'ehina suhi huto ai kapo'alo enele'mo hetofa hilina'mu yabe. To enali kehelise'na'ani aitoga ule'ale hiti le'mo sipi hilina'mu yabe.

1 Yoni 3:17

Bona'i luga'a enali yaga nose'na to fe'noho nasanauba babu luto ni'igo to enalalu'anigihi enumuhi meni'igo nehinogo bu gelete to komopa'ani hekini lete meenehe'malata nehanaya enali kumu ma luto kehelilune. Komopa'ani Hu'mamofitoga mone memalalata nehabe luto keheliloto ya lilune.