Yemesi 2:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Nalalu'nigitabe. Bo moneuba nani Yesu kumu keheli amuya molo'ohube luto lilina ai ya'ma mono ka lamana'a mone mege'i memelenogo sapuya'a lolo hilube'mu nohibe. Ya huloto keheli amuya moloto bilina ya'ma Hu'mau buto bilifihe? Bati mehu'ehina.

Yemesi 2:14 ပူးပေါင်းရင်းမြစ်များ

Matiu 5:20

Ya hu'ehina nani lenekesa nobube. Lenali Hu'mamofihi laga besina suhi hite hetofanaguti minalanauba Felosi bona'i hiti to keya kaga enelepise bona'magihi hapa'ani enebe liginogoko lenali kokuluma kapolo nehetilana'mu yabe luto Yesu lu epi'ehina yabe.

Luku 3:11

To Yoniu ai ka'anilo lu'ehina: Bo moneuba gukete loemo li'ohutomo mone kalalukafihi meni'ilinamofihi emibo. To bo mone maka nose'na ni'ilina maka nose'na'a meni'ilina bo hiti guna ite naliyo.

Luku 6:49

To aku'i bo moneuba ka'ni kehelito to ana ka'ni he'mito akili huto nominata bouba, ai ya'ma legita nohibe. Bo moneuba noha 'a gilube'mu nohuto'a, lukesa keli nesi'asi ito fa'mene efapolo lukesa mefise noha'a gilibe. Ya huto ginogomo, alihi ko'mo ito to nagami'i holoto tito nopo gi'ehinalo bilito tito ana nopo ana'asi, mele'isi tele bilina'mu yabe. Nohi asaga'i gofana huto tele bi su halina'mu yabe. Ai akili huto nominata bouba ai ya'ma legita nohibe. Ai ka'ni kehelito to ana ka'ni he'mito akili huto nominata boube, ya'ma legita nohibe. Yesu ya luto lu'ehina yabe.

Aposolo 15:9

Ai lali'i fato suhi nohu letoto enali'i mone fato suhi mehu epolo'ehibe. Enali komopa'ani aitoga emigo ya hanalo nona'a foipana'ani li he'mi epolo'ehibe.

Aposolo 8:13

Simoniu ai hiti komopa i gelehe huto nagami fololoto Filipi hiti moneka mine'aha'ina. Ai topa hose'na hiti to babeyafana fato fato'i Filipiu li huto hina Simoniu bu goloto ekesa yigi babu lu'ehina yabe.

Aposolo 8:21

Lili'nati mone'a ya'mana ma'naka luto kai nasanaka meni'ibe. Kai komopaka Hu'mamofihi bulo'i bebe soto meni'ibe.

Romu 2:25

Kai Yuta bona'i enugufa laga hi'ahananaloga keheli emito to keya ka mege'i mololetogo hetofana huto hilibe. To kai keya ka mege'i memololetogo ya'ma kugufa laga hu'ahata ni'inamo fenene hilina suhi hilibe.

1 Koliti 15:2

Lenali ana ka lamana'a lu lenelepi'ohunamofihi li pili kete li'ehinogomo ya'ma le'mo ye ko sibina mehu'ehinogomo ya'ma, lenubuto bilube'mu hibe.

1 Koliti 16:22

Moneuba Sipi Bomofihi mehi meemilina ya'ma Hu'mau gumi'i molo etelenogo yabalugu limilibe. Nani Giliki kaguti: Malana ta, noluto lali kaluguti Sipi Botio kai obo, luto nolube.

Galesia 5:13

Nalalu'nigita, anamofihi nagalugu mone meminalabe luto elesa molo lepi'ehinamo ni'ibe. To nagalugu meminana'mu yabe lite lenugufamofihi bita hulata nohina nasanamofihi kele kele'i mehi etalo. Komopatini epilete ai he'menogo ai he'menogo hite minalabe.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

1 Tesalonika 1:3

Lenali Hu'mamofitoga keheli amuya melete minelata nehana yamofihi lamana'a ya'ma li huto nehabe. To komopatini emilata nehite foya'a amuya melete minelata nehabe. To Sipi Bo Yesu Kilisito alina kumu yabe luto keheli ule'ale hite geba hite minelata nehabe. Ya'ma afotifu Hu'mamofihi ai gobisalo kehelito fokehi holata nohune.

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

1 Timoti 4:8

Lugufa le'mo babahi huse foya yamofihi lamana'a nesi'asi ni'inaya mono kaga'mu asaga'i komopati le'mo babahi hulatanamofihi yatai kana'alo alihi kana'alo Hu'mamofitogati amuya lemehi fi hetofa hu letalina ni'inaya yamofihi legeya'a lamana'a ni'ibe.

Taitasi 1:16

Enali Hu'mamofihi hapa'a keheli'ohune lite enabagaguti lilata nehanamo ni'inaya ya hite minete lite nehananauba ya'ma luto lu huto hulata nohina legeya'a meni'ibe. Enali tuguma bona'i nehana sipi foipanamofihi ka'ani mekehelise nehana enali foya lamana'a lilana'a meni'ibe.

Taitasi 3:8

Kaga ya'ma lamana'a lusiga luto ni'ibe. Ka'a ya'ma le'mo hofa toloto lu epilane luto nolube. Ya huletogo Hu'mamofi kumu keheli amuya nemalana bona'magi enali nasana lamana'a lilune lite nelinogo foya babu lite nelite lilabe. Nasana lamana'a ni'ibe lite ye hilenogo bona'i enele'mo bati hilinamo ni'ibe.

Hibulu 11:17

To Hu'mau Abalahahi fi taga hu etago keheli ule'ale hulata bo nohibe luto Isakahi lepa ito kuguhi koyo emilube luto keheligo amuya molo'ehina. Ai'a yagapana'amu Hu'mau lu molo eto'ehina kaga ya'ma li pili koto keheli'ehina bo nohinaya pana'a moneko'i ya'ma lepa ito kuguhi kayalube luto keheli moneko hu'ehina.

Hibulu 13:9

To fato fato'namofihi kosaba kaga nelite li lenelepinogomo kehelite kaba hu bati hilo. Ana kagauba lamana kapo i pebisa hete nebinogomo enemege'i memalalo. Hu'mau lenehe'mose'nauba komopatini le'mo hetofa hu lepelenogo ya'ma bebe salube'mu nohibe. Nose'na nolatanamofihi mo silatanamofihi lu laga hi'ahana ka yanauba mone lele'mo bati mehilina'mu yabe. Yamofihi kapo'alo bi'ahanamagihi legeya'a mone li huto mehi'ahanamo ni'ibe.

Yemesi 1:16

Komopa'ni nolepuna nalalu'nigita, haya mekalalo. Fi taga hu epololata nasana ya'ma Hu'mamofitogati meni'ibe.

Yemesi 2:16

lenalitogati moneuba ma luto lu epilina: Nalalu'nigitabe. Nehafihe? Bati hite minalo. To mukoho'a hiti lenumu hinogo minalo luto lu epilinaya enehe'moto enubuto mebilina yamofihi futu'a lilina'mu yabe.

Yemesi 2:18

Bo moneuba noluna ka o'e a'e nolinogomo ma luto lu emilunamo ni'ibe: Kai ya'ma keheli amuya molo'ahataya nani ya'ma mono ka legeya'a lilata nohube. Mono legeya'a menelepise keheli amuya mololata hu'ahata'asigo nelepilata yamofihi nani mono ka legeya'a lilata nohuna ya'ma kelepinogo'ni keheli amuya nomolonamofihi hapa'a fa'mene kehelilane luto lilube'mu nohube.

Yemesi 2:26

To bo mone'mofihi gufa'a komopa'agu meha'a meni'igo fili'ehibe luto lilune. Ana huto bo moneuba keheli amuya malalinaya mono ka legeya'a melilina yamofihi keheli amuya molose'na'a asu ho'ehibe luto lilune.

2 Pita 1:5

Ya hu'ehina'mu lenali keheli amuya melete nehinogo minete bebe sose'namofihi hapa'alo amuya melete minolatana yalo'i molo emilabe. To bebe selata nehanalo ya'ma Hu'mamofihi hapa'a kehelilata nohuta yalo molo emilabe.