Yemesi 1:6 - Ka Lamana'a Monoꞌi Lu Mu Tifiꞌehina Ka Yabe

⁶ Ana'ina lilufi melilufi luto ekesa loe lae mekehelise keheli monekoto moloto Hu'mamofitoga lino. Ekesa loe kehelilina bona'i yamofihi yasi lito hege nagami i bili fu ilata nohina ya suhi huto minalina'mu yabe.

Yemesi 1:6 ပူးပေါင်းရင်းမြစ်များ

Matiu 14:28

To Pitau lu emi'ehina: Sipi Bo'ni. Ma'naka luto kaikamo nohutomo nani'i kehe itogo nani nagami'i mupa'alo kapo moloto kaitoga bilube luto lu'ehina yabe.

Aposolo 10:20

Ya nehanagi kai ho tito limito enebe tigito moneka bilo. Kai kekesa loe lae meyigibo. Ya'mana bona'i nani'ni enoho lifi'ohube.

Efeso 4:14

Lali ya huto lagaso yagapana'i tegina meminose amuya moloto nohinogoti limi'i melelata bo enali faga faga li liminogo faga faga kamofihi yasi'auba lele'mo miyalo malo hinogo miyalo i ke'malupi malo i ke'malupi lu liluta hu laligi. Enali'i bona'i luga'amagihi enimi'i melete enele'mo keheli sibina nehana yabe. To laliya lele'mo keheli sibina hi lalabe.

1 Timoti 2:8

Ya higo noto noto bona'i enali enita bigo luba sabo mehise minete bona'i komopa'ani gulu gulu linogo minete enayahi li saga hite Hu'mamofitoga lite fokehi lilabe luto nolube.

Hibulu 10:23

Ya nohinogo Hu'mau ka'a lu molo'ehigo ana mololata bo aitoga buto lifita ito to fifa ito lulata nohuta ya'ma le'mo hetofa huto kaba huto mino'ehina yabe.

Hibulu 11:6

Keheli ule'ale huse'nati meeminenogo nehinogoti Hu'mau bu goto fokehi melilibe. Hu'ma ai'a nohibe luto yamofihi keheli ule'ale huto to ai hapa'amu amuya melete sa sa hilana bona'magi ya'ma mina'a limilibe luto komopatitu keheliya ito ai maha'aluga buse'na ni'ibe.

Hibulu 13:9

To fato fato'namofihi kosaba kaga nelite li lenelepinogomo kehelite kaba hu bati hilo. Ana kagauba lamana kapo i pebisa hete nebinogomo enemege'i memalalo. Hu'mau lenehe'mose'nauba komopatini le'mo hetofa hu lepelenogo ya'ma bebe salube'mu nohibe. Nose'na nolatanamofihi mo silatanamofihi lu laga hi'ahana ka yanauba mone lele'mo bati mehilina'mu yabe. Yamofihi kapo'alo bi'ahanamagihi legeya'a mone li huto mehi'ahanamo ni'ibe.

Yemesi 1:7

Bona'i ya hana'amagi bego bego hite humofa'na bilata nehanaya ana'ina Sipi Bomofitogati mone melilana'mu yabe.

Yemesi 5:15

Hu'mamofitoga enemehi emite keheli ule'ale hilete gi'a halana yamofihi Sipi Bouba le'mo hetofa hinogo besi'ehina bo ye koto ho tilina'mu yabe. Foipana'a ni'ilina yamofihi Hu'mau li he'mi etalina'mu yabe.

2 Pita 2:17

Bona'i enali ya hana'amagi ipi opohi nagami'i se'no'ehina ya suhi hite nehite minete to yasiuba sopohi li bigene notito ito bula ola nohina ya suhi hite nehite neminabe. Bona'i ya suhi nehana'a enali metepu sipi gi'ehilinagu nehetilabe luto Hu'mau lu molo epolo'ehina.