Yemesi 1:4 - Ka Lamana'a Monoꞌi Lu Mu Tifiꞌehina Ka Yabe

⁴ Kalana'i nemele lepelenogomo fulu hite ule'ale hite minalana yamofihi komopatinigu mone sibina mehise bati hinogo mino lite bite minalana'mu yabe.

Yemesi 1:4 ပူးပေါင်းရင်းမြစ်များ

Matiu 10:22

To anaga bona'magi lenipakafa halana'mu yabe. Hena'mugope lenali nani yagapana'ni minana'mu lite yabe. Ya hu'ehina to bo moneuba amuya moloto minomo buto bona'i guna ise kana'alo minalina Hu'mau aku'i le'menogo ana bo ai Hu'mamofihi pana'a minalina'mu yabe.

Matiu 19:20

Ya ligo neheya kola bouba lu'ehina: Ya'ma asaga keya ka nani liyafa huto mege'i amolo'ohube. Ana'ina mone'a henana hiti hilube?

Matiu 5:48

Ya hu'ehinagi lenali asaga yupahi hetofanaguti minete hetofa foya lite bebe sete kokulumalugu Afotinifu hina'a hite minalo, luto Yesu lu epi'ehina yabe.

Maki 10:21

Ya ligo, Yesu ai'i bu goto minoto ginaga nofigo ma luto lu emi'ehina: Kaika hapaka moneko'isi mehu'ahatana ni'ibe. Kai buto fe'nohakaloti'i mina'a lilotoka ito buto enumuhi menina bona'magihi epiletogomo Hu'mau kokulumaga kemetahanaka yege yege'na molo ketalina'mu yabe. To ya'ma hulotoka oto nemege'i molobo.

Luku 18:22

Yesu kaga'a keheliloto ma luto ana bo lu emi'ehina: Kai mone'nasi hilata ni'ibe. Kai asaga yogo fe'nohaka bona'i epi su nohoto to efahaka fe'noha'ani menilina bona'i noepito huletogo kokulumaluguti bati'naka lilata'mu yabe. Ya huloto nani'i nemege'i molobo, Yesu lu emi'ehina.

Luku 21:19

Lenali amuya melete kehelise ule'ale hite mino bati hite nehite aku'i lenali mino bati huse hepatini lilabe.

Luku 8:15

To nose'na biha'a me'i bati huto nogoya'a ninalo limo ito bati huto tinamofihi hapa'a ma huto ni'ibe, bona'i enali ka keheli ule'ale hite lilete amuya melete minago enaliluguti nose'na biha'a huto huba huba hulata nohibe, Yesu ya lu'ehina yabe.

Yoni 17:23

Nani nemehi epugo to enali enemehi nimilago enali komopa'anitu mu tifite moneko lolo hite minalabe. Ya hilete nehinogo melugu bona'magi enali noho lifitogo limi'ohunamofihi keheliya ilabe. To komopaka nanitoga mololata nohata nasanauba pana'alobo'ni enalitoga ana huto komopaka mololata yanamofihi melugu bona'magi be gelete keheliya ilabe.

1 Koliti 2:6

To ya huto ni'inaya nani ka keheli bati mehuse liluta ni'ifihe? O'e. Nani lama'naka Hu'mamofihi kagu hofa tete mine'ahana bona'amagi ya'ma keheliya ito kagaguti lu lepilata nohube. To ya nohutaya ya'ma metoga enigihiti bona'i fililete fa'menena lolo hilanamagi keheli fe lite kaga lilata nehana ya suhi huto liluna'a meni'ibe.

Galesia 6:9

Ya huto ni'igo ana'ina lamana'amu ya'ma kosele'i mehose amuya moloto lito ho tito hilune. Buto kosele'i melahalutamofihi Hu'mau molo'ehina kana'alo minoba minoba huse nasana li huto hilutana yamofihi legeya'a lilune.

Kolose 4:12

To lenali bonatini mone gi'a Epafalasi ai Yesu Kilisitohi lili'na bo'a lolo hu'ehina bouba ana huto lenali kumu nehafiye luto nolibe. Ai asaga kanagu lenali Hu'mamofitoga loe lae mehise ule'ale hite minete agoya hi emite minalabe luto nunumu huto amuya moloto Hu'mamofihi loka hoto nominabe.

1 Tesalonika 5:23

To Hu'mau fulunamofihi afo'afu ai'a lusi bona'a lenele'mo lolo hu su holoto, to lenele'mo bati bati hulenogo komopatini lenemehatini lenugufatini bati hinogo minenogo Sipi Boti Yesu Kilisitou nehetilina kana'alo kolo tanana meminenogo minalabe.

2 Timoti 3:17

Hu'mamofihi foya'alo lilata bona'i lali lamana'a lolo huto minoto mono kagu labaga hiti minoto mono foya lamana'a fato fato'mofihi lito minalune'mu hune.

Hibulu 13:21

ai'a ya'ma nasana lamana'a fato fato'mofihi li huto hu lepito lenele'mo babahi hulenogo ai lilina'a malalina'a keheliya ilabe luto nolube. Ya nehinogo ai'a kehelinogo bu go laga huse nasana Yesu Kilisitohi amuya'auba komopatinigu mineno. To ai fana mehena'a huto hilenogo foke ka lelite binogo mino lito buto minalinamo ni'ibe. Lama'naka.

Yemesi 1:5

Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.

Yemesi 3:2

Lali asaga'i sibina hulata nohune. Luga'amagi enali kagagu sibina mehilana ana bona'i lusiga bati hite mineme bite minalana'mu yabe. Enabaga'ani kaba hilana yamagi enugufalo ana'ina asaga'i fa'mene kaba hilanamo ni'ibe.

1 Pita 5:10

To asaga lehe'malina afo'afihi, Hu'ma ai'i sekele mamu'a hiti Sikalafu'uba amuya moloto minolata nohinamofihi aitoga Kilisito kumu yabe luto aitoga bu henetilabe luto elesa molo lepi'ehina bo ai leniginaga fise kana'a hupamone'isi nokehelito lenele'mo bebe soto tito amuya'auba limito lenele'mo hetofa huto amuya lapusa fi lepalalina'mu yabe.

2 Pita 1:9

Luga'a enali nolunanaya, ya lite meminenogo enali kumu ma luto nolepube. Enali hapa'ani'mu enubu'ani fili ko'ehinamo suhi huto ni'ibe. Foipana'a kohe toto Hu'mau okala hu etoto le'mo lamana hu'ehina ya'ma ekesu ho'ehibe luto lilune.