Yemesi 1:27 - Ka Lamana'a Monoꞌi Lu Mu Tifiꞌehina Ka Yabe

²⁷ Megusa yagapana'i to keto ana'i ete keta noepesinogo enele'mo bati hiluta to metoga bona'magihi enipakafa hose'nauba lele'mo sibina hu laligi luto kaba huto minaluta ya'ma Hu'mamofihi amuya'amu kehelito lusi mono kagalugu minaluta nasana hiti Hu'mamofihi bulo mino fe luto lama'naka, minalube'mu nohibe.

Yemesi 1:27 ပူးပေါင်းရင်းမြစ်များ

Matiu 12:32

To mone bouba Hu'mamofihi pana'amofihi kaga foipa lu etalinaya Hu'mau ana foipana'a li he'mi etalina'mu yabe. Ya hilinaya bo moneuba Sikalafu'mofihi kaga foipa'a lu etalinaya ana foipana'a Hu'mau li mehe'mi etalina'mu yabe. Yatai hiti aliha'a yupa hiti ana sunogo hilina'mu yabe, luto Yesu lu epi'ehina yabe.

Matiu 5:8

Bona'i enali komopa'ani gulu gulu ligo neminana bona'i enali enegelo bilo. Enali Hu'mamofihi bu galana'mu yabe.

Luku 1:6

Etali Hu'mamofihi bulo bati hite mine'aha'ina. Etali asaga keya kafi to Sipi Bomofihi kagafi liyafa hite pelesa meise hite fulu li'aha'ina.

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

Romu 2:13

Hena'mube? Keya ka enegekesatu anasi keheli'ahanamagi yanauba enele'mo bati hilinamo meni'ibe. Keya ka kehelite hapa'a mege'i nemalanamagihi ya'ma Hu'mau enele'mo bati hilinamo ni'ibe.

Galesia 1:4

Yesu ai afotifu Hu'ma ai kaga'alo ya'ma ho tilina kana'alo foipanauba lele'mo sibina nohinogo gulu ho letalina'mu yabe luto lali foipanati'mu yabe luto ya'ma ai'a gufa'a h'emi'ehina yabe.

Galesia 3:11

Bona'i mone'amagi Moseu keya ka lu'ehina kagagu bite i hepilete nehago ya'ma Hu'mau enele'mo bati hilina'a ya huto meni'ibe. Yamofihi hapa'a ahuto hu'ehibe. Yamofihi mono bukugu kaga mone ma luto ni'ibe: Hu'mamofihi keheli ule'ale huto agoya hu emilago le'mo bati hu'ehina bouba ai minoba minoba huse'na'a lilina'mu yabe.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

Galesia 6:14

Nani ya'ma ana'ina'nimufi yana'mu melube. Sipi Boti Yesu Kilisitohi malipu yafalo fili'ehinamofihi ya'ma ka'a moneko kumu liyafa huto lu emilata nohube. Yana'mu yabe luto melugu nasana fulupa ito kisililatana'mu kehelinogo metilibe. To ana huto melugu nasana'mu kehelito mege'i molo'ohunamofihi bu nogogo nele'mo kefefe mehilina'mu yabe.

Efeso 2:2

Ya'ma kanagu'ya lenali melugu bona'magihi foipa kapogu foipanamofihi komopagu bila ela hite foipa kene'magihi kaba bo'ani Sataha amuyalo minete aitoga i ke'mete minelata hi'ahanamo ni'ibe.

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

1 Timoti 5:4

Keto a'i mone'mofihi yagapana'i tata'agi hiti enali kohe tete mono kamofihi foya'alo mege'i melete le'mo lamana hilabe. Ya nehinogo yamofihi ema afeha'alo ito'anigi afo'anigi kaba hi epele'ahanamofihi nona'a ana suhi hite epite to agoya hi epalabe. Ya nehinogo Hu'mau bu noenogoto gelo bilina'mu yabe.

Taitasi 2:12

Ya higo ai lehe'molata nohinauba lemehati haya kolo'ehina lele'mo bebe solago ya'ma melugu fegutoga nasanalo libita hu'ehinana ya'ma he'mito ma melugu komopati lugufa kaba hu bati huto mino fotogo huto minoto mono bona'i lolo huto minalune'mu hune.

Yemesi 3:17

Kokulumaluguti keheliya ise'na limilina yauba hapi fito komopati gulu gulu linogo minoto agoya bonako minototi fulunamofihi hapa'a lilata nohune. To fato bona'i bu enogoloto ginaga fise'na epiloto enele'mo lamana huto yamofihi legeya'a babu luto li huto hu leto'ehina ya huloto ligitagahi huto kenetufati loe lae hinogo faga faga luto meliluta'mu yabe.

Yemesi 3:9

Kenetufatiuba ya'ma Sipi Bo afotifihi fokehi holata nohune. To Hu'mau ai'asi suhi huto enele'mo huto hu'ehina bona'i ya'ma kenetufatitu huli ka epekilata gumi'i molo enoholata nohune.

Yemesi 4:4

Ka mekeheli'ahana bona'ise. Melugu bona'magi kumu kehelilata nehana ya suhi hite laga lepesilina nasana'mu kehelilana ya'ma Hu'mamofihi fateha'a lolo hilabe lite lenali menekehelifiye? Mono'ani meni'ina bona'magi kehelilata nehana nasana'muko lepesilina ya'ma Hu'mamofihi bona'a meminalana'mu yabe.

2 Pita 1:4

Ya huloto ai kaga lu molo leto'ehina'a hetofa hetofana'a to mina'a ti'ehina'a ya'ma limi'ehina yabe. Ya huto limigo legeya'a lalitoga huto hilenogo melugu bona'magihi enegekesa'ani enugufa'ani laga epesise kapolo mege'i nemalana anamofihi fililata kapolo lenali lenemegesa hu emite to Hu'mamofihi hetofa hapa'a, ya'ma babeyafa hite minalabe.

2 Pita 2:20

Keheli'ahafiye? Bona'i luga'amagi enali Sipi Botiuba lubuto bilata bo, Yesu Kilisitohi hapa'a ya'ma bati hite kehelilata bo yabe lite mone'ani meni'ina'amagihi enemegesa hu neeminogo ai'a aku'i enogobisalo oto enikibina bo enele'mo mololenogo aitoga i hepite bati hilana'a ya koyapa'i hapi fite minete lite hi'ahana yanauba sibina nesi'asi hu'ehina. Aliha'a minete lite hilananauba foipana napa hilina'mu yabe.

2 Pita 3:14

Komopa'ni lepi'ohuna bona'ise. Lenali ana'ina ya suhi hana'mu geba hite Hu'mamofihi bulo komopatini ketipa ito fi fana toto gulu gulu linogo foipanatini meminenogo minalune lite aitoga bati hite amuya malalo.

1 Yoni 5:18

Lali ma luto kehelilata nohune. Hu'mamofitogati huto hi'ahanamagi ya'ma foipana lite meminalana'mu yabe. Hu'mamofihi pana'auba yagapana'amagihi li pili koto kaba hu epelelenogo foipa nasanamofihi afo'afu enugufalo mone'a li mekehelilina'mu yabe.