Yemesi 1:21 - Ka Lamana'a Monoꞌi Lu Mu Tifiꞌehina Ka Yabe

²¹ Komopati filise'na to foipa nasana lilata'na yamofihi asaga'i he'mite Hu'mamofihi kaga'a komopatinigu molo'ehinamofihi li pili kete lilo. Hu'mamofihi kaga'auba lenubuto bilina nasana ni'ibe. Aimo agoya hi emilo.

Yemesi 1:21 ပူးပေါင်းရင်းမြစ်များ

Matiu 5:5

Agoya bona'i enali enegelo bilo. Enali kaga molo epolo'ehinalo asaga me'i lilana'mu yabe.

Yoni 6:63

Sikalafu'uba ai'a aku'i bona'i enele'mo kosaba hulata nohibe. Fa'mene lugufauba nesi'asi lehe'molata nohibe. Ya'ma nani noluna kagaya mino kosaba huse'na hiti Sikalafu'i hiti nina ninamofihi lu nolepube.

Yoni 6:68

Ya luto enoloka hago Simoni Pitau ka'alo nona'a lu'ehina: Sipi Bo, lali kiyi'afitoga biluta'mu nolane? Minoba minoba huse'na episemofihi kaga'a kaitogago ni'ibe.

Aposolo 10:33

Ya'mu luto kaitoga mele'isi enoho lufugo bi'ahanamo kai bati huto a'noane. To Sipi Bouba lu kabagalo melenogo lilata kaga lali kehelilune luto Hu'mamofihi bulo li gehesa huto nohune luto Koniliasiu Pitahi lu emi'ehina yabe.

Aposolo 13:26

Abalahahi tata'agita to ma fegutoga bona'i hiti Hu'mamofihi agoya hu emilata nehanamagita nalalu'nigitase. Hu'mamofihi kaga'auba lali'i lele'mo lubuto bilibe lu'ehinana alimi'ehibe.

Romu 1:16

Hetofa ka lamana'a keheli fe lu'ohunogo nelesa'ni melu'ehibe. Hu'mamofihi kaga'a amuya ka hiti ninauba bona'magi Yesutoga komopa'ani nemalanamagihi asaga'i ya'ma enubuto bilina'mu yabe. Ana kagauba Yuta bonatoga kohe toto buloto yalo fegutoga bonatoga buto enele'mo bati hilina'mu yabe.

Romu 11:17

To Yuta bona'magi foyagu kofo'ehina oliba yafa supo hite neminabe. To fegutoga bona'magi lopi oliba yafa supo hite nehabe. To Hu'mau hetofa yafamofihi yaha'a mone'a laga hu he'miloto to lopi yafaloti yaha'a mone lito oto hetofa yafa laga hu'ehinalo li molo hepito nagatu sa gilago nogoya'a logoto ana lopi yafamofihi yaha'a le'mo bati nohilibe. Lenali fegutoga bona'magita ya'ma lopi yafamofihi yaha'a molo hepi'ehinana legi hite neminabe. Yana'mu Hu'mau yata'a Yuta bona'magihi mino hetofa huse'na epi'ehina yamofihi lenali fegutoga bona'magita yatai lite bati hite neminabe.

Romu 6:17

Koyapa'i lenali foipanamofihi koko pana'a mine'ahanaya to yatai Hu'mamofihi hetofa kapa lu lenelepi'ehinanamu'i kehelite ana kaga ma'naka luto mege'i melelata nehabe. Yana'mu Hu'mamofitoga lofokehi nolune.

1 Koliti 15:2

Lenali ana ka lamana'a lu lenelepi'ohunamofihi li pili kete li'ehinogomo ya'ma le'mo ye ko sibina mehu'ehinogomo ya'ma, lenubuto bilube'mu hibe.

2 Koliti 7:1

Nemehi lepi'ohuna nalalu'nigitabe. Hu'mau ya'ma ka lali kumu lu molo'ehina yabe. Ya'mu lali komopati to lugufati le'mo sibina hulata nasana asaga'i li he'milototi komopati gulu gulu linogo Hu'mamofitoga koli'a hiti minalune.

Efeso 1:13

To lenali ana suhi hite ka lamana'a Kilisitou lenubuto bilata bo nohina ka kehelite Kilisitohi keheli ule'ale hite agoya eminogo Hu'mau nani bona'ni minalabe luto ai'a Hetofa Sikalafu'amo lepi'ehina yabe. Koyapa'i lu molo'ehina suhi huto lepi'ehina ni'inagihe.

Efeso 4:22

Tafa lenemehi hite minete lite hago to lenugufa yauba faga hite luto lenimi'i mololata hu'ehinamo ni'igo lenali koyapa komopatinimofihi sibina hi'ahana. Ya hu'ehinagi tafa komopatini he'milo.

Efeso 4:25

To ya higo lenali faga faga lilata hapatini he'milo. To lali asaga'i hepito Kilisitohi gufa'a lolo hu'ohutamo ni'inaya ya'mu kaga lamana kago ai lu eminogo ai lu eminogo hite minalo.

Efeso 5:4

To kolo tana ka yagi, negi nagi ka yagi, to kiya yokolo ka laga mehinana'a yagi lilana'ya laga mehilube'mu hibe. Hu'mamofitoga fokehi lite minalo.

1 Tesalonika 1:5

Ka lamana'a ito buto lu lepi'ohuta yabe. Lali labagagutiko ka lepi'ohuta meni'ibe. O'e, Hu'mamofihi amuya'a hiti ni'igo ai Sikalafu'uba ya'ma lamana'a ni'ibe luto lu lepi'ehinamo yabe. Lali lenalitoga mino'ohuta hapati abu ge'ahanamo ni'ibe. Lenali kumu yabe luto lenele'mo bati hilune luto lamana huto mino'ohuta bu ge'ahabe.

1 Tesalonika 2:13

To lali Hu'mamofihi kaga lu lepi'ohutogo lenali ya'ma bona'magihi kaga ni'ibe lite melise ya'ma Hu'mamofihi ka lamana'a yabe lite kehelite li gu i'ahanamo ni'ibe. To lamana'a ya'ma huto ni'ibe. Hu'mau ya'ma aitoga keheli emilata bona folagaha'anigu minoto foya'a lilata nohibe. Ya'mu lenalitoga ya huto nominana'mu lali ya'ma Hu'mamofihi fokehi mone hiti holoto nominone.

Taitasi 2:11

Yana'mu luto Hu'mau silaga bona'i enubuto bilube luto ya suhi huto lehe'malata nohinamofihi ali huto hu'ehibe.

Hibulu 12:1

Keheli ule'ale huse'namofihi hapa'a li huto hi'ahana bona'i samahi tite sopopo suhi hite minete lele'mo bego bego hi'ahanamo ni'inagihe, yamofihi fifa ilata nehana bona'magi hololu lilata nehanamagihi hapa'ani'mu kehelito minoto keta'a hiti nasana ya'ma gololo tito li he'milune. To foipanamofihi hapa'auba lugufalo naga'i gi'ehina hiti li toba hoto li he'milune. Ya hulototi kapo lelepi'ehina analo kosele'i melehenogo hololu luto fotogo huto bilunagihe.

Hibulu 2:3

Ya hu'ehina'mu laliti hena huto lubuto bilatana tito mino'ehinamofihi he'minogoti buto fa'menena lolo hilina ni'ibe? To yata'a ai'a Sipi Bouba kana'amu kana'amu moloto lubuto bilatanamofihi kaga'a lu yege hoto molo'ehinamo yamofihi enegekesatu yigi hokolo hite keheli'ahana'a enali lu limi limi hago amuya molo'ehinamo ni'ibe.

Hibulu 4:2

To ka lamana'a enali'i lu epi'ehina'ago huto lali'i lu limi'ehibe. To enali ya'ma ka'a kehelilete komopa'anigu li memalago limito keheli ule'ale hite memino'ehina to enalitoga futu'ago mino'ehina yabe.

Yemesi 4:8

To Hu'mamofihi gobisalo lenifita i'ehite bilana yamofihi ai'a ana huto lenogobisalo alina'mu yabe. Foipa nasanatini ya'ma li kele li he'milo. Kenetufatiniuba li gelehe hite loe lae nehana bona'ise, li hetele he'mite komopatini nokala hilo.

Yemesi 5:20

ai'a ya'ma kaga ma luto kehelilibe. Moneuba foipana'a hiti bona'magihi kapo sibina'aguti le'moto oto hetofa kapolo le'mo malalina bouba ya'ma ana foipana'a hiti bomofihi meha'a hiti fili lalibe luto buto bito foipana'a hiti silaga'i li he'mi eto su halibe.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

1 Pita 1:9

Hena'mube? Lenali amuya mololatanamofihi lamana yauba komopatini lenubuto bilata'na yauba lenogobisalo ni'inagihe. Ya'mu lenegelo nebibe.

1 Pita 2:1

To ya huto ni'igo lenali foipanatini asaga'i li he'milo. To faga lilatana, kenetufatini loemo minolatana, to komopatinigu siko hilatana, huli ka ai lu emigo ai lu emigo hilatana yamofihi he'mi su halo.

1 Pita 2:11

Nigibo nalalu'nigita, nani lenegekesa lito lu lepilugi kehelilo. Lenali Hu'mau kokulumagu nohina bomofihi naga'i nehanagi ya'mu ma metoga bonoho bo suhi hite to ka'i logo lili bo suhi hite minetetini lenugufatini laga lepesilatana nohina yauba komopatini luba li emilata nasanaya he'milo.