Yemesi 1:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Lali Hu'mamofihi yagapana'amagita yata'a hapi fito lolo hilune luto Hu'mau ekesa keheli'ehinalo ai kaga'alo keheli amuya melenogo lemehati kosaba'i limi'ehibe.

Yemesi 1:18 ပူးပေါင်းရင်းမြစ်များ

Yoni 1:13

Enali Hu'mamofihi yagapana'a lolo hi'ahana ito'anigihi afo'anigihi enugufa enemeto meni'ibe. Hu'mau ai'a yagapana'ni yabe luloto afo'anifu nohibe.

Romu 4:17

Koyapa'i Abalaha kumu mono bukugu fayahi ge'ahana: Nani babu noto noto bona'magihi afo'aniga kele'mo lolo nohube, luto Hu'mau ya luto lu molo'ehina. To Abalahau Hu'mamofihi bulo minoto ana kagamofihi keheli ule'ale hu'ehigo ana kaga molo'ehinauba huto hulatamo ni'ibe. Hu'mau fili'ahana bona'i enele'mo ho tilata nohina bouba to ana'ina asaga'na huto mehu'ehina alihi le'mo huto hilina bouba ya'ma kaga lu molo'ehina yabe.

1 Koliti 4:15

Kilisitohi kamu'i babafi lilana bona'i ya'ma babu lite nehanaya afotinigi asaga'i menehabe. Yesu Kilisitohi hetofa ka kohe toto lu lepito aitoga lenele'mo bu'ohunagi afotinifita nani'nisigo lolo huto nohube. Ya'mu lenali pa'ni pana'ni yabe luto lu'ohuna.

2 Koliti 6:7

Lusiga luto ka legeya'a noluto Hu'mamofihi amuya lito minolata nohune. Lamana'a ni'igo nominoto'a nohutogo yanamofihi gimi mage'a helegu'a lolo huto lito nominone.

Efeso 1:12

To ya'mu lali Yuta bona'i kohe toto Kilisito kumu agoya hu emito geba huto minota bona'magita lali Hu'mamofihi hetofa gi'a liyafa huto minalune.

Efeso 1:13

To lenali ana suhi hite ka lamana'a Kilisitou lenubuto bilata bo nohina ka kehelite Kilisitohi keheli ule'ale hite agoya eminogo Hu'mau nani bona'ni minalabe luto ai'a Hetofa Sikalafu'amo lepi'ehina yabe. Koyapa'i lu molo'ehina suhi huto lepi'ehina ni'inagihe.

2 Timoti 2:15

Hu'mau enali kumu kehelinogo bati hilibe luto amuya moloto minoto foya lilane. Ya nohuto Hu'mamofihi ka lamana'a fotogo huto lu noenelepito kubuya mehulata nasana ya'ma foyalo bo minalane.

Hibulu 12:23

to ai yagapana'a lamana'a enigi'ani kokulumalugu koyo molo'ehina'a enali enegelo bite li nupa hite minanalo bu neheti'ahabe. Ya nehite asaga bona'i hapa'animu foipana'animu guna molo epalalina bo, Hu'mau nohinalo ime ime neheti'ahana. To lamana hite mine'ahana bona'i buto i segito minolata'nagu enele'mo molo'ehina'a enali suhi hite molo emi'ahanamo ni'ibe.

Yemesi 1:15

Foipa laga'nauba panamu'i ito ketalina gi'a foipana yabe. Foipanauba panamu'i ito ketenogo pulu tilina gi'a filise'na yabe lilune.

Yemesi 1:21

Komopati filise'na to foipa nasana lilata'na yamofihi asaga'i he'mite Hu'mamofihi kaga'a komopatinigu molo'ehinamofihi li pili kete lilo. Hu'mamofihi kaga'auba lenubuto bilina nasana ni'ibe. Aimo agoya hi emilo.

Yemesi 3:14

Komopatinigu lenipakafa ai hago ai hago hite siko hite minalana to fe'nohatini guna ite meepilana, ya'ma faga hiti li lalagi lenugufa lelite tite lali keheliya i'ohune lite melilo.

1 Pita 1:23

Hu'mamofihi ka'a minoba minoba hu su mehalina kagauba lenali lenele'mo kosaba'i huto nohibe. Tatatigi filise'namofihi biha'a ya suhi huto ni'igopa Hu'mamofihi minoba minoba nohina bomofihi naga'a lolo hite neminabe.

1 Pita 1:3

Lali Sipi Boti Yesu Kilisitohi afo'afihi Hu'ma ai kumu foke ka lilune. To sipi ka'ya Yesu Kilisitohi fili'ehinaguti le'mo ho ti'ehibe. L'emo ho ti'ehibe luto komopa'a sipi huto li hokolo lu limigo kosaba komopati hiti huto hulata nohune. Huto huto minomo buto minolatanamofihi legeya'a kehelito geba huto minolata nohune.

1 Yoni 3:9

Luga'amagi enali Hu'mamofitogati huto hi'ahana bona'magi Hu'mamofihi meha'a lite mine'ahanamo ni'inaya, enali foipana lilete meminalana'mu yabe. Hena'mube? Enali Hu'mamofitogati lusi bona'a ahuto hi'ahanagihe.

Huto Hilina Ka 14:4

Enali ya'ma anatoga mebi'ahana komopa'animofihi hapa'a bati huto neheya kola bona'i ya suhi mine'ahana. Enali ya'ma sipisipi nala'a nohinaga mege'i melete bilata nehana enali noto noto bona'i luga'a enalitogati enubuto bi'ehinamagi Hu'mamofihi maha'aga to sipisipi nala'amofihi maha'aga neminana'asigo hapi fito enele'mo mele mele nehabe.