Taitasi 3:14 - Ka Lamana'a Monoꞌi Lu Mu Tifiꞌehina Ka Yabe

¹⁴ To bonatimagi enali hetofa foya suhi hite lelite nebinogo komopa'ani lolo hilibe. Enali'ani yana foya'mu enogo'na bibo. To enugufamofihi ana'ina li emilata nehana yamofihi hi emite nebinogo mono kumu lolo hite melete nasanauba legeya'a li huto hilube'mu hibe. Enali fa'mene fuli minelata mehilo luto lu epibo.

Taitasi 3:14 ပူးပေါင်းရင်းမြစ်များ

Matiu 21:19

Ya higo ai nemuya yafa kapo beleha'alo nina bu goloto buto legeya'a ni'ifi luto bu gana haya'ago ni'igo ana yafamofihi ma luto lu eto'ehina: Kai alihi yupahi legeyaka huto mehilibe. Ya ligo ana'asilo mele'isi ana nemuya yafa haya'a hiti to lufusa'a hiti logo bi su ho'ehina yabe.

Matiu 7:19

To yafa luga'amagi enali nose'na legeya'a meholata nehanaya laga huto logogu gelata nehabe.

Yoni 15:16

Lenali nani'i ya'ma nele'mo eto menehabe. Nani ya'ma lenele'mo eto hugo lenali bite legeya'i li huto hilenogo amuya moloto minoba minoba huto minalibe luto lu lepolo'ohuna. Ya hilete nani nigi'ni kehelite ana'ina henana'mufi Afo'nifitoga buka tilana'alo lepilube'mu hibe.

Yoni 15:8

Lenalitoga legeya'a babu luto helenogo lenali lama'naka nani bona'ni lolo hite minelenogo Afo'nifihi fana meha'a ya'ma sekele mamu'a hiti huto hilina'mu yege yege bona'magi be gelete kehelilabe.

Aposolo 18:3

Polu koyapa'i kata nohi gilata'na naga'atu hetito efaha'a lilata hu'ehina suhi ana alobolemale'i ana suhi neha'igo ai buto etehe'moto mino'ehina.

Aposolo 20:35

Nani ya huto asaga yupahi sipi lili'na lito lenelepi'ohuna ya'ma lali asaga lili'na amuya menehana bona'i he'moto lilata suhi huto minolata ya'ma lenelepi'ohube. Sipi Boti, Yesu ai'a ma lu'ehina: Ana'ina lilata bati mehibe. To ana'ina fato bona'i epilata ya bati huto komopakagu gelo bilana yabe luto lu'ehina. Lali ya'ma ka'a beto huto bati huto nominone.

Romu 12:13

Lenali Hu'mamofihi bona'a enumuhi meni'ina'amagihi fe'nohatini fuku lite li epilo. To bonoho bona'i elenogomo nohatinigu enele'mo melenogo tilenogo nose'na epite malo kalo lite, ya lu epilo.

Romu 15:28

To nani ana efaha'ani lito buto epito ya'ma lili'na su holenogo nani Sepeni melugu buloto lenali Lomu hepatoga nehanalo buto nehetilube.

Efeso 4:28

To gumina lilata hi'ahana bona'i lenali he'milete lenigigusa lenayatu amuya melete foya lite nose'natini f'enohatini li huto hite enumuhi menina bona'i enehe'mete leniginaga fi epite amuyatini hiti minalo.

Filipai 1:11

To ana kanagu Yesu Kilisitou lenehe'menogo komopatini bati bati hite minelenogo bona'magi bu lenegete yege nofune lite Hu'mamofihi fokeha'a lilana'mu yabe.

Filipai 4:16

To Tesalonika hepatoga nohugo lenali asaga yupahi ana hite efahi malago li'ohuna yabe.

Filipai 4:17

Nani ya'ma fe'nohi nimilabe luto noluna ka meni'ibe. O'e, nimi'ahanamofihi legeya'a lenalitoga huto huloto mino lito buto tilibe luto nolube.

Kolose 1:10

To yalo lenali asaga yupahi aitoga minete hetofana hite neminenogomo Sipi Boti ai lenofokehi lilina'mu yabe. Ya'ma le'ali loka noho'ibe. To lenali asaga yupahi Hu'mamofihi lagamo keheliba keheliba hite minete, to bona'i enehe'malata ya'ma hetofa lili'natini fato fato'i yamofihi legeya'a babu luto hilina ya hinogomo Hu'mamofihi hapa'a keheli bati hilete hetofana suhi hite minete ya hilabe luto loka noho'ibe.

1 Tesalonika 2:9

Lalalutigita, naga ito li hetofa huto nohutogo lenali kosele'i lenoho laligi luto utehi foya'a amuya moloto to babu luto lito nohuto Hu'mamofihi ka lamana'a lu lepi'ohuta'a akeheli'ahabe.

2 Tesalonika 3:8

Lenalitogati nose'na mina'a meni'ina fa'mene noto noto mebu'ohutamo ni'ibe. Naga ito li sipi tuloto mino'ohugo kosele lenoho lalibe luto kana'amu kana'amu utehi etehi liginaga fise foya nolito keke'i lu'ohuta.

Taitasi 2:8

To mono ka ya'ma le'mo bebe soto lu epitogo yamofihi keheli mehe'mise mono kumu luba ka li limilata nehana enali lali kumu ka sibina'a li limilune'mu sa hilete enubuya'ani hinogo he'milabe.

Taitasi 3:8

Kaga ya'ma lamana'a lusiga luto ni'ibe. Ka'a ya'ma le'mo hofa toloto lu epilane luto nolube. Ya huletogo Hu'mamofi kumu keheli amuya nemalana bona'magi enali nasana lamana'a lilune lite nelinogo foya babu lite nelite lilabe. Nasana lamana'a ni'ibe lite ye hilenogo bona'i enele'mo bati hilinamo ni'ibe.

2 Pita 1:8

Yanauba asaga bonatoga minoto fi tili tele nohinogomo Sipi Boti Yesu Kilisitohi hapa'a kehelilata nohune keheliya ite foya'a linogo futu'a lolo mehinogo minete legeya'a heno.