Taitasi 3:13 - Ka Lamana'a Monoꞌi Lu Mu Tifiꞌehina Ka Yabe

¹³ Bo loemo Apolosi hiti to ka foya lilata nohinamofihi hapa'a nokehelina bo, Yenasigi etali mono foyalo bila'ibe lite nose'na'atiti fe'noha'atiti li bati hila'ibe luto amuya molobo. Ya etehe'metogo etali ana'ina'mu sa sa mehise nehite kapogu mele'isi bila'ibe.

Taitasi 3:13 ပူးပေါင်းရင်းမြစ်များ

Matiu 22:35

Ya hago keya ka tisa bo moneuba Yesuhi loka mika hoto mi'i malalube'mu huloto ma luto loka ho'ehina:

Luku 10:25

Keya ka keheli bati huse bo moneuba Yesuhi mi'i malalube luto Yesu nohinalo tiloto ma lu'ehina: Tisao, nani hena huloto'ni mino kosaba hepa'i lilube? luto loka ho'ehina.

Luku 11:45

Keya ka tisa bo moneuba ma luto Yesuhi lu emi'ehina: Babafio, kai ya luto kaga nolutomo lalitoga hiti kaga lu sibina nohu letane luto lu'ehina yabe.

Luku 11:52

Ehe, lenali keya kaga kehelise bona'ise. Lenali bona'magi kaga kehelise'na'ani li sibina hilete lenali kaga keheli kapo li hokolo mehise nehago bona'i kaga bati'a kehelilune'mu nehana lenali lu laga hi epelenogo mekehelilata nehago to lenali hiti ana kaga bati'alo mege'i memalalata nehabe, luto Yesu lu'ehina yabe.

Luku 14:3

Keya ka lu epise bo to Felosi bomagihi Yesu ma luto enoloka ho'ehina: Mono fuli kanagu bati huto bona'i enele'mo bati hilina ni'ifi ya hilina meni'ibe?

Luku 7:30

To ya hu'ehina enali Felosi bona'i to keya kaga babafi bona'i enali Yonihi yanuga nagami'i mefele'ahana. Yamomu'i lite enali Hu'mamofihi kapo hetofa'a noenelepinamo enali enemegesa hu emite mine'ahana yabe.

Aposolo 15:3

Yesuhi kaga kehelise bona'magi ana hepatogati enoho lifigo enali Fonisia kegi'a bite to Samalia kegi'a bilete li'ahana: Fegutoga bona'magi Hu'mamofitoga komopa'ani emi'ahanamofihi kaga lu epi'ahana. Enalalu'anigi ya'ma kaga kehelilete enegelo sipi bi'ahana yabe.

Aposolo 18:24

To Alekasatilia hepatoti Yuta bo mone oto Efeso hepato mino'ehina bomofihi gi'a Apolosi yabe. Ai kaga le'mo bati huto lu epilata nohina to ana huto Hu'mamofihi mono ka fayanugu ge'ahanamofihi keheli bati hu'ehina bo yabe.

Aposolo 19:1

Apolosiu Koliti hepatoga minana kana'aluga Polu kosa ubago hina kapo luga kapo moloto oto Efeso hepato neheti'ehina. Ya huloto Efeso hepalugu Yesutoga agoya hu emi'ahana bona'i luga'a bu enogoloto enoloka ho'ehina:

Aposolo 21:5

To ya'ma li nupa hu'ohunamofihi kana'a su hago anagati he'mito buna yupahi enali asaga'i liha'ani hiti yagapana'ani hiti lele'mete bite to hepa'i he'mite lele'mete nebago lali asaga'i moneko'na nagami beletoga kehetoga lahupa nohi fito nunumu hu'ohune.

Aposolo 28:10

Ya'mu lite enali hetofana hite lele'mo bati hi'ahana. Alihi ana nagamilugu ti'ehina me'mofihi hepa'i he'mito bilune'mu nohunogo nose'nati su ho'ehina nona'a babu lite botigu li bai te lete'ahana yabe.

1 Koliti 16:11

Ai neheya kola nohina'mu lenali ai kumu kehelinogo melimino. Nani hiti nigibo nagabo luga'a hiti geba huto nohutagihe. Lenali legeso hite kaba hi etete ho lifinogo fulu fulu huto kapoga oba oba huto nanitoga o henetilibe luto geba nohube.

1 Koliti 16:12

To lalalutifihi Apolosihi ka'a lilugi, lalalutigihi Kilisitohi bo luga'a enali hiti lenalitoga bilibe ekesa lito ho lifi'ohunamo ai yatai bilina'a babahi mehibe. Yata'isigo ni'igopa kana'a monelugu bilina kapo'a hokolo hilenogo lenalitoga bilube'mu hibe.