Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Taitasi 3:10 - Ka Lamana'a Monoꞌi Lu Mu Tifiꞌehina Ka Yabe

10 Bona'i luga'amagi ka laga mehina'a nelinogo loko hilune lite nehinogo kana'a monekofi kana'a loefi enegekesa lito lipoti epiloto to mekehelinogomo enoho lifi he'minogo enali'anisigo minalabe.

အခန်းကိုကြည့်ပါ။ ကော်ပီ




Taitasi 3:10
12 ပူးပေါင်းရင်းမြစ်များ  

Nalalu'nigitabe, lenegekesa lito'ni lu nolepube. Bona'i mone'amagi Yesuhi naga'a loko hilune'mu to keheli ule'ale hise'namu li sibina nehanamofihi kaba hu bati hilo. Nani kaga lepi'ohunanamofihi le'mo sibi saba hilata to hetofa mono kaga keheli he'milata nehana yabe. Lenemegesa hi epilo.


To loko hi'ahanauba hiya bona'magi Hu'mamofihi bulo mono ka'mu amuya melelata nehana le'mo huto hulata nohibe?


Afeha'aga ema foipanatini hiti mine'ahana'a to luga'a lenali hiti lalitoga alihi kana buna yupahi lipoti lepito lu'ohunamo ananamofihi nugufa'a foto'i nohuto aku'i ya'ma nolube. Alihi aku'i buto lenubuto mebiluna'mu yabe.


To lenele'mo sibina hilata nehana enali'ani enugufa'ani asaga'i hobe laga hibe hite minalana ni'inaya nani negelo bilube.


To faga lugefa nasanamofihi fokehi holatana, nalisanauba komopa'ani li sibi hulatana, fatehe bona tegi hilata nehana to gulu gulu bilata nehanana luba sabo hulatana, siko hulatana, enali'ani keheligo tigo amuya melelata, to loko hite mine luga luga nehite minelata nasana.


Ya'ma fayahanagu ka'a koyoto noleputa ya'ma moneuba pelesa ito he'minogo ai hapa'amu kehelite yamofihi he'mi etenogo ai'ago minoto buya'amu filino.


Lalalutigita, Sipi Boti Yesu Kilisitou kaga'agu ya'ma lili'na ka'a lu nolepune. Kilisitohi bona'i luga'a lali ka lu lepi'ohutana he'mite neminete to lili'na melise fuli neminete nehanogo, enali hiti humofa'na hite meminalo.


Ya hilete ya'ma mono'mofihi bu ganamofihi gufa'a lolo hilinaya aku'i lusi mono'mofihi amuya'a hiti ya'ma hapa'amofihi mekehelise analo enemegesa hi emilabe. Ya hilete minenogo enalitogati he'milotoka kemegesa hu epibo.


Koyapa'i Isilaeli bona'i enalitoga kaga leli'ali fagalo bona'i mono ka lu sibina huse bona'i kosaba'i babu lite huto hite mine'ahana. To ana huto lenalitoga Yesuhi kaga lu sibina hilana ya'ma leli'ali bo huto hilune'mu nehabe. Enali faga mono ka li huto hite minenogo lenalitoga loko huse nasana'a lenele'mo sibina huse nasana'ya huto hu lepilube'mu nohibe. To ya'asigo meni'ibe. Sipi Bouba foipana'ani he'mi epoloto enubuto bi'ehina bona'i enali Sipi Bomofihi enemegesa hi emilata hilana'a to Sipi Bomofihi gi'a li sibina hulata yamofihi lilabe. Enali'ani ya hite melete, hana'mu yabe luto foipanamofihi nona'a huto hulatanamofihi ya'ma mele'isi kali nali huto hu epiluna'mu yabe.


Bo moneubafi bo moneuba ya'ma Kilisitou lu limi'ehina ka'a mekehelilinauba yamofihi kaitoga kaga lu lepilube luto nolinogomo kai be metigise nohuto to nohakanugu le'mo memolobo. To ana bomofihi soso mehu etobo. Henabe lutobe?


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ