Taitasi 2:5 - Ka Lamana'a Monoꞌi Lu Mu Tifiꞌehina Ka Yabe

⁵ To ya hilete olopa ana'magi ya'ma yuhufa ana'magihi enelepilata enali komopa'ani enugufa kaba hite mokolo mehise minete nohi hepa'anilo minete lalameha'anifi ana'ina'ani hiti kaba hite minete, baha'animagihi agoya bati hite hu epinogo bona'i luga'amagi bu gelete Hu'mamofihi kaga'a lite le'mo laba mehilabe.

Taitasi 2:5 ပူးပေါင်းရင်းမြစ်များ

Aposolo 9:36

Yopa hepato Hu'mamofitoga komopa'a moloto nominana a'i mone mino'ehina. Ai gi'a Tabita ana gi'amofihi hapa'a Giliki kaguti Tokasi. Ai asaga yupahi enumuhi meni'ina bona'i enehe'moto enele'mo bati hulata nohina a'i yabe.

Aposolo 9:39

Ya lite lana kaga keheliloto Pitau ho tiloto enemege'i moneka bi'ahana. Ai ana hepatoga henetilago nohi ifo hasagu le'mete ti'ahana. Ya hago asaga keto ana'magi yibi hilete Pitahi ete le'mo bego hilete Tokasiu nohuto lolo huto epi'ehina gukete li lepi'ahana.

Romu 14:16

Ana huto lenali mone nasana'mu bati huto ni'ibe lite keheli'ahanamoya aku bona'i moneuba ekesa kehelito bati mehina nasana yabe luto kehelinogo lenali anana lolo hise'namu li he'milo. Ana bouba lolo hise'na komopa'auba sibina hinogomo ya'ma bati mehilina'mu yabe. Li he'milo.

Romu 2:24

Yananamofi kumu lite mono bukugu fayahi keye'ahana: Lenali Yuta bona'magita hapatini sibina ni'igo, fegutoga bona'magi bu gelete Hu'mamofihi gi'a le'mo sibina hilata nehabe.

1 Koliti 11:3

To kaga mone linogo'ni kehelilabe, kehelilo. Bo ya'ma ana'magihi afo'anigita nehabe, to Kilisito ya'ma bomagita afotinifu nohinagi to Hu'ma ya'ma Kilisitohi afo'afu nohibe.

1 Koliti 14:34

ana'magi enali kaga melise fa'mene mineno. Ana'magi ana li gehesagu kaga lilana meni'ibe. Ana'i ana suhi hite kaba bo meminalabe luto Moseu keya ka lu'ehina kagu ya'ma limite minalabe lutomo ni'ibe.

Efeso 5:33

Ya hu'ehinaya ya'mu bona'i lenali silagatoga yamofihi lenugufatini'mu kehelilata nehana ya suhi hite lihatinimagi kumu kehelite leniginaga fi epilo. To ana'i lenali silaga'i ya'ma bahatinimagihi enigi'ani le'mo saga hite minalo.

Kolose 3:18

Lenali ana'magita bahatinimagihi keheli epilo. Ya'ma Yesu Kilisitohi naga'i neminana ana'magi ana suhi lite nehana yabe.

1 Timoti 5:10

Ai ya suhi huto lito moloto hu'ehina nasana bona'magi enali keheli'ahanamo ni'ifihe? Yagapana'a ketoto bati huto kaba hu epoloto komopa'a epi'ehinamo ni'ifihe? To aitoga bonoho bona'i e'ahago kaba hu bati hu epolo'ehinafihe? To ai'a limito minoto Hu'mamofihi yagapana'a luga'a enele'mo bati hu'ehinamo ni'ifihe? Ai bona'i ketanauba sibina hu epolo'ehina'amagihi enele'mo bati hu'ehinamo ni'ifihe? To bona'i mehi epito ya suhi ma suhi hu epolo'ehinamo hapa'a loka mika hu etetogo ana suko huto ni'inogomo gi'a fayahi pepagu kayalane.

1 Timoti 6:1

Kele kele pana'i lolo hite foya lite minelata nehana enali ya'ma kaba bona'animu agoya hu emite kehelite minalabe. Yamofihi kaba hite ya nehinogo bona'i luga'amagi Hu'mamofihi gi'a li sibina hite to mono kaga enelepise'nati le'mo laba hi lalabe.