Taitasi 2:12 - Ka Lamana'a Monoꞌi Lu Mu Tifiꞌehina Ka Yabe

¹² Ya higo ai lehe'molata nohinauba lemehati haya kolo'ehina lele'mo bebe solago ya'ma melugu fegutoga nasanalo libita hu'ehinana ya'ma he'mito ma melugu komopati lugufa kaba hu bati huto mino fotogo huto minoto mono bona'i lolo huto minalune'mu hune.

Taitasi 2:12 ပူးပေါင်းရင်းမြစ်များ

Matiu 12:32

To mone bouba Hu'mamofihi pana'amofihi kaga foipa lu etalinaya Hu'mau ana foipana'a li he'mi etalina'mu yabe. Ya hilinaya bo moneuba Sikalafu'mofihi kaga foipa'a lu etalinaya ana foipana'a Hu'mau li mehe'mi etalina'mu yabe. Yatai hiti aliha'a yupa hiti ana sunogo hilina'mu yabe, luto Yesu lu epi'ehina yabe.

Matiu 16:24

Yalo Yesu koko pana'a ma luto lu epi'ehina: Bo moneuba nani'i hiti bilube lutomo ai'a gufa'amu ekesa meyigise malipu yafa'a lito kofiloto nemege'i meleno.

Matiu 28:20

To asaga nani lu lepi'ohuna ka lenali bite lu enelepinogo kehelite liyafa hite mege'i malalabe. To lenali kehelilo. Nani lenali hiti asaga yupahi moneka nohinogoti ma me'i su halina kanagu hiti lenali aku'i minaluta'mu yabe.

Luku 1:6

Etali Hu'mamofihi bulo bati hite mine'aha'ina. Etali asaga keya kafi to Sipi Bomofihi kagafi liyafa hite pelesa meise hite fulu li'aha'ina.

Luku 1:75

Ai bu'alo foipana melise minalutaya hetofana huto minoba minoba hiluta'mu yabe. To Sekalaiyau pana'a kumu ka mone hiti ma luto lu'ehina:

Yoni 14:30

Yatai kana'a hupamone ni'igo mone kaga melepilunagi asaga noto noto bona'magihi kaba bo sibi hu'ehinauba oto huto hilibe. Ai nele'mo sibina huto babeyafa hilinamofihi amuya'auba nebe meligilina'mu yabe.

Yoni 6:25

Nagami hefuhi muya beletoga ana bona'magi Yesuhi etafa hilete ma lite loka he'ahana: Tisao, maga hiya yupahi o'ahatabe?

Aposolo 24:16

Ya'mu luto asaga yupahi Hu'mamofihi bulofi to boana'magi enubulofi foipana mone li huto hu lalugi luto komopa'ni bati suhi huto minalube'mu keheli amuya moloto minolata nohuna.

Aposolo 24:25

Ya hu'ehina Poluhi kagauba bati huto minosemofihi hapa'afi to bona'i enali'ani enugufa'ani kaba hu bati husemofi to alihi Hu'mau ka foya li letalinamofihi kana'amu lu emi'ehina. Ya ligo Felikihi lesa'a ligo Poluhi lu emi'ehina: Kai bufa hubo. Nani aku'i mone yupahi kehe ilunagi buto nohubo.

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

Romu 6:12

Ya hinogo foipana liseuba lenali lenugufatinimofihi kaba hu meepalalina ya'mana lenugufagu laga lepesilata nohinamofihi mege'i memalalo.

Romu 6:19

Lenali komopatini lapa mebi'ehigo keheli bati mehi'ahanamo ni'inagi nani lu hokolo huto huto kaga lu lepi'ohuna. Koyapa'i lenali kolo tana hapatinimofihi lenugufatiniuba koko pana'a lolo hulago keya ka pelesa ite foipana babu lite li'ahana. Ana suhi lite lenali yatai lenugufa luga'atu hetofa lili'na lisemofihi eminogo koko pana'a lolo hite minenogo aliha'a lamana bona'i huto hilabe. p

Romu 8:13

Lenali analoga komopatini mololenogo lenele'mo sibina hinogo fililana'mu yabe. To lenali Hu'mamofihi Sikalafu'uba lenele'mo amuya melenogo ana foipa hapatini keye linogo minoba minoba hilabe.

2 Koliti 1:12

Laliti'mu kehelutogo nesi'a tilata nohina. Ya'ma ya hu'ohuto'mu komopati lusiga noluto to lama'nakagu ya'ma metoga nohutogo komopatiuba nasana mone kumu li fitu falina'a meni'ibe. Lali Hu'mamofihi ka mekeheli'ahana bona'i enali enubulo ya suhi huto minoto mono ka kehelilata nehana bona'i lenali lenubulo bati huto minolata nohune. To lali metoga bona'magi kehelilata nehanalo amuya moloto bati huto mino'ohuta meni'ibe. Hu'mau lele'mago ai amuya'alo bati huto minolata nohune.

2 Koliti 7:1

Nemehi lepi'ohuna nalalu'nigitabe. Hu'mau ya'ma ka lali kumu lu molo'ehina yabe. Ya'mu lali komopati to lugufati le'mo sibina hulata nasana asaga'i li he'milototi komopati gulu gulu linogo Hu'mamofitoga koli'a hiti minalune.

Galesia 1:4

Yesu ai afotifu Hu'ma ai kaga'alo ya'ma ho tilina kana'alo foipanauba lele'mo sibina nohinogo gulu ho letalina'mu yabe luto lali foipanati'mu yabe luto ya'ma ai'a gufa'a h'emi'ehina yabe.

Galesia 5:24

To Yesu Kilisitohi naga'i lali tafa komopatimofihi bita hulata nasana to foipana'mu enuluhaya ilatamofihi aho filigo fa'menena lolo hu'ehinamo ni'ibe.

Efeso 1:4

Ai ya'ma koyapa kana me'mofihi ana'ina huto mehu'ehigo nani naga'i lolo hilabe luto lele'mo'ehibe. To lali kumu yabe luto Kilisitou ho lifinogo lele'mo eto hinogo foipanati meminenogo to sibina mone laliti meni'igo gobisalo minalabe luto lele'mo'ehina yabe.

Efeso 2:2

Ya'ma kanagu'ya lenali melugu bona'magihi foipa kapogu foipanamofihi komopagu bila ela hite foipa kene'magihi kaba bo'ani Sataha amuyalo minete aitoga i ke'mete minelata hi'ahanamo ni'ibe.

1 Tesalonika 4:7

Ya foipanaloti komopatini kolo tenogo minalabe luto meni'ibe. Komopatinigu babahi minalabe luto Hu'mau elesa molo epi'ehina.

1 Tesalonika 4:9

To lenali Yesuhi bona'a luga'amagi komopatini epilabe luto hena'mu fayahana lepiba lepiba hilune? Hu'mau komopatinigu ai lenemehi eminogo ai lenemehi eminogo hite minalabe luto'a hapa'a lu epi'ehinamo ni'ibe.

1 Timoti 4:12

Enali ya'ma pana'i kosaba bo nohane li lilagi. Yamofihi bona'magi enali ka'mu keheli sibina hi lalabe. Kai amuya moloto minetogo hapaka fu linogo Hu'mamofihi keheli ule'ale hilata to komopaka fana toto minenogo Kilisitohi kemehi emilata to mono ka lilatamofihi keheliya ilana bona'magi ya'ma kapogu bilune'mu hana enelepibo.

1 Timoti 6:17

Kai bona'i mone'amagi ma metoga nasana yogo fe'nohi babu luto silaga'i li nupa nupa nehana ya luto lu moloto lu epibo. Enugufa'ani lelite tite enemeha'ani sipalo memalalabe. Guna melelata nasana'mu kehelinogo lamana'a lolo mehino. Ya nasanaga bite i mekeleno. Hu'mau ai'a ya'ma lenumu hinogo nete melete laga'amu kehelilabe luto fitu fo limilata nohina bo aitoga ya'ma buto i ke'malune, luto lu epibo.

1 Timoti 6:9

Yogo fe'nohi babu lutobe enumu fililata bona'i enali Satau enimi'i melenogo bite Satahi kelefugu halana'mu. Ya nehite fa'menena enele'mo lolo hinogo negi nelana nasana fato fato nasana'mu enumu filinogo yanalo nuki faki nehite logo hepalugu limite naga'i lolo hilune'mu habe.

2 Timoti 3:12

To bona'i Yesu Kilisito aitoga bite i hepite mono kapolo bilana ya'ma enali asagatoga kalana'i melelata nasana enali enugupisalo tilube'mu hibe.

2 Timoti 4:10

Temasiu ai ya'ma melugu nasana'mu laga besigo keheligo tigo he'mi netoto Tesalonika metoga bu'ehinagi kai oletogo bati hu netalibe. Keleseniu ai Galesia metoga bu'ehina. To Taitasiu ai Talamesia metoga bu'ehina yabe.

Taitasi 3:3

To laliti koyapa'i ana suhi huto mino'ohuta lali negi nagi noto minolata, ka keheli he'milata to keheli sibina hulata huto mino'ohuta yabe. To ya nohutogo lele'mo hapotili hilata hi'ahanamo ya hulototi libita hulata nohina nasanamofihi laga'a kehelilata foipa nasanamofihi agoya hu emito minoto bona'i enele'mo sibina hu epoloto bona'magi lolo hite melete hanana'mu ya suhi huto minose ni'inaya ya luto lulototi siko hulata hu'ohutamo ni'ibe. Ya nohutogo lali kumu keheli sibina nehago enali lipakafa lahago lali enipakafa enohonogo hulata hu'ohutamo ni'ibe.

Hibulu 8:11

To limite neminana'a lagaso'a to tite neminana'a sipi bona'magi enali nani kumu keheli su hete kehelilanamo ni'inaya, yamofihi bo moneuba bo lalu'afihi to bo moneuba falu'afihi: Kai mele'isi Sipi Bomofihi hapa'a keheli fe lubo, luto ya lu emito iyo iyo huto lu emilina'mu yabe.

Yemesi 1:27

Megusa yagapana'i to keto ana'i ete keta noepesinogo enele'mo bati hiluta to metoga bona'magihi enipakafa hose'nauba lele'mo sibina hu laligi luto kaba huto minaluta ya'ma Hu'mamofihi amuya'amu kehelito lusi mono kagalugu minaluta nasana hiti Hu'mamofihi bulo mino fe luto lama'naka, minalube'mu nohibe.

2 Pita 2:9

Ya hu'ehina'mu Sipi Bomofihi hapa'a ahuto hibe. Ai ya'ma Hu'mamofihi ka lite neminana bona'i enimi'i mololata nasana'agu minenogo enubuto bilata bo amuya'a hiti nohibe. To Hu'mamofihi ka'a meni'ina'a enali'i kana'a sipi yupahi guna molo epilube luto naga'i epilata bo amuya'a hiti nohibe.

2 Pita 3:11

Ana'ina asaga'na ana suhi huto lo su halinamo ni'igo ya'mu lenali eto hite minete Hu'mamofihi kaga'mu amuya melete minete kehelite lamana'alo mege'i melete minalo.

1 Yoni 2:27

To lenalitoga Kilisitou Sikalafu'a molo epololata nohina ya'ma lenalitoga nominago mege'i melelata nehago yana'mu bo moneuba faga hiti lamana ka hiti henabe luto lu moloto lu lepilibe? Yamofihi ya'ma meni'ibe. Sikalafu'a molo lepolo'ehina ai ka'a asaga'i giyaka giyaka lito lu lepilata nohina nohibe. To ai ka'a ya'ma faga hiti meni'ibe. Lamana'ago ni'inago yana'mu Sikalafu'uba lu lepi'ehinamo ya'ma keheliya ilete Kilisitohi komopa'agu minalo

1 Yoni 2:6

Lali Hu'mamofitoga i hepito nohuta bona'i nohune luto liluta'amagita Yesu Kilisito minoto lito hu'ehina yamofihi babeyafalo minaluta yabe.

1 Yoni 5:19

Lali Hu'mamofitogati huto hu'ohuta ya'ma noto noto melugu bona'i mone'amagi asaga'naloga enali foipanamofihi afo'afu ai nosipenuga kete nehabe luto keheli'ohune.

Yute 1:18

Enali ma lite lu lepilata hi'ahanamo ni'ibe: Kana'a sipi tupa higo komopa'anigu foipanamofihi nasanalo ya'ma laga epesise'namo amuya melelata nehana bona'i huto hilete kalana'i mele lepelete mono katini lite mumusopa ilana'mu yabe.

Huto Hilina Ka 14:12

Ya'ma kana'alo Hu'ma keya ka lu'ehina kehelilete to Yesuhi hapa'a kumu ule'ale kehelite lite nehana bona'i Hu'mamofihi pa sose bona'a enali ya'ma amuya melete minalafa.