Taitasi 1:5 - Ka Lamana'a Monoꞌi Lu Mu Tifiꞌehina Ka Yabe

⁵ Foya nekisa'a ni'inamofihi li bebe soto li baga ilane luto Kiliti metoga nohe'mi ketoto foyaga'ya ya luto lu keto'ohunamo ni'ibe. Kai asaga nohi hepalugu mono kaba bo olopa bona'i luga'a enele'mo bo tilane. To yata'a ka lu kimi'ohunamofihi beto hubo.

Taitasi 1:5 ပူးပေါင်းရင်းမြစ်များ

Aposolo 11:30

Ya hilete Banabasinogo Solinogo ana efa etimigo Atioki lite bite mono olopa bona'i epi'aha'ina yabe.

Aposolo 14:23

To asaga Yesuhi kaga'a kehelise bona'magi folagaha'aniguti kaba bo'ani mone enele'mo ho tila ho tila hi'aha'ina. Etali nose'na mo site minete nunumu hu epelete Sipi Bomofitoga komopa'ani molo emite minanamofihi yanugu enele'mo molo'ehina yabe.

Aposolo 2:11

Lali Yuta bo hiti to fato bona'i Yuta bona'magi hapa'ani li'ohuta bona'i yagi, Kiliti to Alebia bona'i yagi lali asaga'i fato fato nogoti nina nohuta enali ana mone'isi nogotiguti Hu'ma amuya lili'na li huto hu'ehinamofihi lu yege hago nogotiguti keheli baga une.

Aposolo 27:12

Boti melelata nehana hisalo yasi yupahi bati huto meminose hepa'i ni'inago hege nagamilugu boti li moloto babeyafa huto Finikisi hepato nehetiluta bati hilifi lite babu bona'magi li baga i'ahana. Boti melelata nehana hise Kiliti ni'ina ai layahi yoga'aga bu hu nomoloto si'a layahi lamaga'aga hu molo'ehinago yalo bati huto yasi kana'alo minalupi lite li'ahana yabe.

Aposolo 27:13

To yofo kegi'ati fulu fulu yasi ligo enali li'ahana suhi hilune'mu hilete botiguti ketana he'migo hege nagamilugu limito ni'ina li bilite botigu li melelete Kiliti beletoga boti li mele li mele hite bilune'mu hi'ahana.

Aposolo 27:21

Babu kana'agu nose'na mo site minago Polu folagaha'anigu ho tiloto ma luto lu epi'ehina: Ma bomagita, lenali koyapa'i nani lu lepuna kaga liyafa hite Kiliti hepa'i he'mite meatita ya'ma huto ketana li lugufalo memolola to babu fe'noha'ani meminigila hitita'mu yabe.

Aposolo 27:7

Hege nagami'i nobiligo habahuba hiti lito luna higo botiuba fulu fulu huto bigo ya humo nobunogo loe lugufa kana'a li he'munogo kosele kasele gofa loholago alihi Naitasi hepa'mofihi mula kegi'a neheti'ohuta. To habahuba felele mehuse'na higo ana kegi'a bu yatama mehuse Kiliti nagamilugu me'mo ti'ehinalo ni'ina kegi'a habahi melinaloga boti li moloto Salomone Nekisa be ligito bu'ohuta yabe.

1 Koliti 11:34

Moneuba ai nose'namu kau'na sipi henogomo noha'aluga minoto kohe toto neno. Li gehesa hite li sibi sibi hi'ehinogo lenalitoga foipana huto hu laligi. To kaga luga'a nani'ni nobuto le'mo fe lilube.

1 Koliti 14:40

Mono kumu li nupa hite minete ana'ina silaga'i hite melete hilana yamofihi lamana huto legeso huto bu baga ino.

1 Koliti 4:17

Nani ya hilabe luto Timotihi ho lufugo lenalitoga foiya nobibe. Ai'i komopa'ni emi'ohuna bo Sipi Bomofihi mono kagu pana'ni lolo huto minoto ana'ina le'mo fu luto lolo hulata nohina bo ai buto nani Yesu Kilisitohi mono ka'amofihi kapo'a Kilisitohi naga'a noto noto nehana enelepito minolata nohunamofihi buto aku'i lu lepinogo kehelilabe.

Kolose 2:5

Nani lenali hiti moneka nohuto Kilisitohi keheli ule'ale hite komopatini molo emite amuya melete nehana nokehelube. Nani fotoga nohunaya aku komopa'ni lenalitoga nomoloto nokehelube.

1 Timoti 1:3

Nani ya'ma Masetonia metoga bilube'mu nohuto kegekesa lito lu kimi'ohuna ana suhi hubo. Ya nohuto ya'ma Efeso hepatoga ya'ma aku'i molo emito minobo. Nohuto bona'i hapi fite faga faga mono kaga lu nepina yamofihi he'milo luto lu epibo.

2 Timoti 2:2

Silaga bona'magihi enubulo minoto kaga silaga'i fi lehe toto lu lepi'ohunamo yamofihi bona'i luga'amagi kumu kehelite amuya mele'ahana bona'i nehinogo ana kagaya lu hetofa hu epeletogo ana suhi hite bona'i lug'a kaga enelepilabe.

Taitasi 1:12

Ya'ma Kiliti melugu nehana bona'i enalitogati ka hapa'a keheli fotogo lu'ehina bo moneuba ma luto lu'ehina: Kiliti bona'i enali ya'ma fagalo bo lubalo kala legi nose'namu yagauba nohina suhi lolo hilata nehanamofihi fa'mene fuli minete nose'na neba neba nehana lili'na'mu kosele'i enoholata nohina bona'i nehabe.