Taitasi 1:12 - Ka Lamana'a Monoꞌi Lu Mu Tifiꞌehina Ka Yabe

¹² Ya'ma Kiliti melugu nehana bona'i enalitogati ka hapa'a keheli fotogo lu'ehina bo moneuba ma luto lu'ehina: Kiliti bona'i enali ya'ma fagalo bo lubalo kala legi nose'namu yagauba nohina suhi lolo hilata nehanamofihi fa'mene fuli minete nose'na neba neba nehana lili'na'mu kosele'i enoholata nohina bona'i nehabe.

Taitasi 1:12 ပူးပေါင်းရင်းမြစ်များ

Aposolo 17:28

Ya nohigo kaga mone ma ni'ibe: To ai yanuguko mino kosaba huto bula ola huto nominone. To luga'a bonatinimagi kilihe ka ma lite li'ahana'a huto ni'ibe: Lali hiti ana huto ai'a yagapana'a nohune.

Aposolo 2:11

Lali Yuta bo hiti to fato bona'i Yuta bona'magi hapa'ani li'ohuta bona'i yagi, Kiliti to Alebia bona'i yagi lali asaga'i fato fato nogoti nina nohuta enali ana mone'isi nogotiguti Hu'ma amuya lili'na li huto hu'ehinamofihi lu yege hago nogotiguti keheli baga une.

Aposolo 27:12

Boti melelata nehana hisalo yasi yupahi bati huto meminose hepa'i ni'inago hege nagamilugu boti li moloto babeyafa huto Finikisi hepato nehetiluta bati hilifi lite babu bona'magi li baga i'ahana. Boti melelata nehana hise Kiliti ni'ina ai layahi yoga'aga bu hu nomoloto si'a layahi lamaga'aga hu molo'ehinago yalo bati huto yasi kana'alo minalupi lite li'ahana yabe.

Aposolo 27:13

To yofo kegi'ati fulu fulu yasi ligo enali li'ahana suhi hilune'mu hilete botiguti ketana he'migo hege nagamilugu limito ni'ina li bilite botigu li melelete Kiliti beletoga boti li mele li mele hite bilune'mu hi'ahana.

Aposolo 27:7

Hege nagami'i nobiligo habahuba hiti lito luna higo botiuba fulu fulu huto bigo ya humo nobunogo loe lugufa kana'a li he'munogo kosele kasele gofa loholago alihi Naitasi hepa'mofihi mula kegi'a neheti'ohuta. To habahuba felele mehuse'na higo ana kegi'a bu yatama mehuse Kiliti nagamilugu me'mo ti'ehinalo ni'ina kegi'a habahi melinaloga boti li moloto Salomone Nekisa be ligito bu'ohuta yabe.

Romu 16:18

Enali ya hise bona'magi Sipi Boti Kilisitohi lili'na menelibe. Enali enugufa'ani laga enebesise'namofihi mege'i nemalabe. To enali legeso hite laga hina ka mi'mi hi'ahana ka lilenogo lenalitoga mone keheli bati mehilana bona'magi laga hina ka nelabe lite mege'i melelata nehabe. Lenali kaba hu bati hilo.

Filipai 3:19

Bona'i yanamagi enugufa'ani enibita hulata nohinamofihi hofa to'ehinana yanauba enogo'anifu lolo hulata nohibe. To fato fato'nauba enubuya hilina'mu golemehi kelata nehabe. To ma melugu nasana'muko keheli keheli hulata nehabe. Ya nehana'mu lite logo hepalugu bilune'mu nehabe.

1 Timoti 4:2

To faga fagalo bona'i enali laga mehina hapa'ani to kaga'animofihi legeya'a meni'ina komopa'ani logouba lo fili su ho'ehina legi huto neminana bona'magi enali ya'ma ka lu epilata nehana, faga yabe.

Taitasi 1:5

Foya nekisa'a ni'inamofihi li bebe soto li baga ilane luto Kiliti metoga nohe'mi ketoto foyaga'ya ya luto lu keto'ohunamo ni'ibe. Kai asaga nohi hepalugu mono kaba bo olopa bona'i luga'a enele'mo bo tilane. To yata'a ka lu kimi'ohunamofihi beto hubo.

2 Pita 2:12

Bo ya hana'amagi ya'ma komopa'ani enegekesa meni'ina kafa'nama enohoto nolata nohuta ya suhi hite mine lite nebana enali tegi hite neminanamagi enali ana'ina lite mine'ahanamofihi hapa'a keheli bati bati hite mekehelise ana nasana'mu sibi sibi ka lilata nehabe. Ya nehago kafa'nama enoholata nohuna suhi huto Hu'mau enahalina'mu yabe.

2 Pita 2:15

Enali kapo fotogo hina'alo ya'ma enemegesa hi emite leke he melete ya'ma Bosolohi pana'a Balamu ai koyapa bu'ehina kapogu mege'i melete nehabe. Ai foipanamofihi mina'a lilube'mu topa ho'ehinamo Hu'mau ana foipana'mu ka emeki'ehina. Yamofihi toki yaga'auba kaga menolinauba bona'magihi nogo huto luloto ya'ma Balamu kaga leli'ali bo faga faganamofihi negi nasana hilube'mu nohina kapo'a hekini lo eto'ehina yabe.