Romu 9:3 - Ka Lamana'a Monoꞌi Lu Mu Tifiꞌehina Ka Yabe

³ To Hu'mau enele'mo bati huloto to nani enali kumu yabe luto gumi'i nohoto Kilisitotogati nele'mo loko hulenogo, bati huto yabe nolube. Hena'mugope? Hu'mau ya hu netolenogo Yuta bona'ni enubuto bilibe luto bati huto yabe nolube.

Romu 9:3 ပူးပေါင်းရင်းမြစ်များ

Aposolo 13:26

Abalahahi tata'agita to ma fegutoga bona'i hiti Hu'mamofihi agoya hu emilata nehanamagita nalalu'nigitase. Hu'mamofihi kaga'auba lali'i lele'mo lubuto bilibe lu'ehinana alimi'ehibe.

Aposolo 22:5

Ya'ma mamufa gilata bo, sipi bo to mono kanisole bona'i hiti enali asaga'i ya'ma hapa'ni koyapa ya huto ni'igo ma'naka nolibe keheli'ahabe. Enali fayahi keye'ahanana nimiloto noho lifilago buto Tamasiko hepato buto Yuta lalu'anifihi epiloto ana hepato Yesuhi kaga kehelise bona'i naga'i epito seni naga'i sa gi epoloto Yelusale hepatoga enele'moto oto osahi epilabe luto bu'ohuna yabe.

Aposolo 28:21

Ya luto ligo enali ma lite lu emi'ahana: Kai kumu lite Yutia kegi'ati fayahi mone gete lu melimi'ahabe. To Yutia kegi'ati bonati mone'amagi ete kai kumu ya huto hu'ehibe lite to sibina hu'ehibe lite yana kaga mone lu melimi'ahabe.

Romu 1:3

Hu'mamofihi pana'a lali Sipi Boti Yesu Kilisito yabe luto ai kumu ya'ma hetofa ka lamana'a ni'inagihe. Ai Tebitihi nagatogati o'ehina'a lusi bo nohibe.

Romu 11:1

Ya'mu nani koloka nohobe: Hu'mau ai'a Yuta naga'i he'mi epolo'ehifiye? O'e, ya'ma mehu'ehibe. Nani Yuta bo nohunagi. Abalaha yagapana'a nohube. Nani biha'nimofihi gi'a Beyamini yabe.

Romu 11:14

Ya'ma mono ka lili'na nolugo Yuta bona'nimagi kehelite siko hilete ana kagamu'i lagati lebesibe lite nelago Hu'mau mone'amagihi enele'menogo mino kosaba huse'i lilabe.

Romu 16:11

To Helotioni nohapihe luto lu emilo. Ai nani suhi luto Yuta nagalugu nohibe. To Nasisuhi noha'agu Kilisitohi naga'magihi nehafihe luto lu epilo.

Romu 16:21

To nani hiti moneka lili'na nolu'ina bouba, Timotiu, lenali nehafiye luto noligo nani nokoyobe. To nalalu'nigi Yuta bona'magi enigi'ani Lusiugi Yesonigi Sosipatagi ana hite nehafiye lite nelago nokoyobe.

Romu 16:7

To nalalu'nile'i Yuta bo Atolonikusigi to Yuniasigi, etali nani hiti kalabusigu mino'ohuta bole neha'ifiye li etimilo. Yata'a nanimo fa'mene nohugo etali kohe tete Kilisitohi naga'i lolo hite mine'aha'ina yagi asaga aposolo bona'magi etali kumu keheligo noenebesibe.

Romu 9:2

Ya'ma Yuta bona'magi nani'ni bona'i nehago enali kumu sipi laga'ni nebesigo nani keke'i lu epolobe.

1 Koliti 12:3

Yanamofihi megesa'aga linogo'ni kehelilagi keheli'ehilo. Bo mone'mofihi Hu'mamofihi Sikalafu'uba le'mo babahi higo Yesuhi le'mo gumi'i molo emito melilube'mu hibe. To Sikalafu'uba babahi mehinogo Yesu ya'ma Sipi Bo'ni nohibe luto melilina'mu yabe.

1 Koliti 16:22

Moneuba Sipi Bomofihi mehi meemilina ya'ma Hu'mau gumi'i molo etelenogo yabalugu limilibe. Nani Giliki kaguti: Malana ta, noluto lali kaluguti Sipi Botio kai obo, luto nolube.

2 Koliti 12:15

Ya suhi huto nani lenali kumu yabe luto yogo fe'noha'ni minoto lito hulata nasana'ni li he'milube luto keta mehuse huto nohube. To nani ya huto komopa'ni lenelepilata nohunogo lenali komopatinitu nani kumu lenemehi melelata nehanamofihi inomo limito minalifihe?

Galesia 1:8

Nanifi to kokulumaguti agelo moneubafi ka lamana'a afeha'alo lu lepiluta logo hepalugu naga'i lolo hiluta'aloko ni'ibe.

Galesia 1:9

Ya'ma kaga koyapa'i lu'ohuta ana'ago aku'i nolube. Mone'amagi ya'ma ka lamana'a afeha'alo lu melepi'ahanamo lu sibi hite fato'mofihi lolo hite lu lepilana ya'ma logo hepalugu naga'i lolo hilana'mu yabe luto aku'i ya'ma nolube.

Galesia 3:10

To Moseu keya ka lu'ehina kagagu bi felelete ai mege mege nehana bona'i enali gumi'ani tinago salafa'a minalana'mu yabe. Hena'mube? Yamofihi mono bukugu ya'ma lite fayahi keye'ahanamo ni'ibe: Moseu keya ka lu'ehina kaga yege yege'na ni'inagi yamofihi mone nesi kegi'a mege'i memelese he'milana'a enali gumi'uba ho epalalibe.

Galesia 3:13

Ya huto ni'inaya keya kamomu'i lalitoga gumi'i ho'ehina'a kilisitou ai gupisa'alo li'ehina yabe. Ya huto keya kamofihi gumi'mofihi nagaluguti gulu ho leto'ehina yabe. Ananamomu'i mono bukugu ma luto ni'ina: Yafalo halana bomofitoga gumi'i tilibe. To Kilisitou ai lali kumu luto malipu yafalo fililoto ya'ma gumi'iloti lubuto bi'ehinagihe.

Efeso 6:5

Kele kele bona'i lenali metoga enikibina bomagihi koli hite agoya hu epelenogo ka'ani kehelinogo komopatini lamana hinogo Kilisitohi suhi hite agoya hi ete'ahanamofihi ya hite kehelilabe. To lenali kumu kehelinogo keta mehinogomo fulu hite minete kaga'ani kehelilo.