Romu 9:20 - Ka Lamana'a Monoꞌi Lu Mu Tifiꞌehina Ka Yabe

²⁰ O'e ya melubo. Kai Hu'mamofihi kagalo nona'a emilata bomo kiyi'afu kele'mo ho ti'ehibe? Bona'i moneuba me somomo lolo hu su holenogomo somomouba: Kai henabe luto ma huto lolo hu neto'ahane luto lilifiye? Ya kaga melilina'mu yabe.

Romu 9:20 ပူးပေါင်းရင်းမြစ်များ

Matiu 20:15

To hena hu'ehibe? Ya'mana nani'ni efaha'niloti ana'ina mone li huto hilube lilunaba bati mehilina ni'ifi? Nani hetofa suhi nohu ketonamo ya'mana hapa'nimu luto nani'i kipakafa nonahafihe? Ya luto foyamofihi afo'afu lu'ehina fono ka yabe.

Luku 12:14

Ya ligo Yesu ka'alo ma luto lu emi'ehina: Ma bose. Hena hibe nolane? Kuyu'afu nani'iyasiba nele'mo ho ti'ehigo kagatiti loko hoto yaga fe'nohatiti guna ise bo nohube?

Romu 14:4

Ana bona'i Hu'mamofihi lili'nalo bona'a nohibe. Lenalitini kele kele bona'i menohibe. Ai'a lili'na afo'afu Hu'ma, ai hapa'amu kehelito bati hinogofi bati mehinogofi ai'a kehelilina'mu yabe. Lenali foyatini meni'ibe. Hu'mau he'moto le'mo amuya mololenogo ana bomofihi hapa'a bati huto huto hilina'mu yabe.

Romu 2:1

Nalalu'niga, kai ana bona'magihi foipana'ani samahi tito ni'inaya laga'ni menebesibe luto ya nolapiye? To kai henabe luto ana bona'i enifisa ilata nohane? Kai ana huto foipana hulata menohapiye? Kai foipana hulata nohataya kaga meni'ibe. Kai ana suhi luto minalataya ya'mu kubuyaka hino.

Romu 2:3

Kai kekesa yigito Hu'mau ya hite foipana huse bona'magihi enifisa iloto halube'mu nohuto nani kumu bu gofa'na fa'na huto mekehelilibe luto nolapiye? Kai hiti foipanaka nolita ni'igo henabe luto Hu'mau bu megalina'mu yabe?

Romu 9:21

Ya'ma somo lolo hilata bouba ai'amo ekesa keheliloto me'mo i pata putu huto mone nose'na somo lolo hilina to mone heletuya somo lolo hilina ai foya'a yabe.

Romu 9:22

To Hu'mau yana suhi huto hu'ehibe. Ai foipa bona'i enipakafa enahalina hiti to amuya molo epalalina hiti enelepinogo kehelilabe. Yana'mu ka epeki'ehina bona'magihi ma'asi enahalinamofihi fulu huto minoto komopa'ani i gelehe hilana'mu enegeba huto mino lito bu'ehina.

1 Koliti 1:20

Ya'mu kehelise'nati ni'ibe lite neminana bona'i hiya'a hite minalabe? To mono kamofihi keheli akeheli nohune lilata nehana bona'i hiya'a hite minalabe? To yatai kanamofihi hapa'amu kaga foya lilana bona'i hiya'a hite minalabe? Hu'mau ai'a bona'magi kehelise'na'ani fa'mene kaga ni'ibe luto keheli'ehina yabe.

1 Koliti 7:16

Ya ni'ina'mu a'i kai bahaka hiti hepite minala'ina yamofihi Hu'mamofihi kapogu bahaka le'moto alapihe le'moto mealane? Ya'ma keheli'ahapi, ya? To bo kai lihaka hiti epite minala'ina ya'ma lihaka Hu'mamofihi kapogu le'moto alapihe le'moto mealane? Ya'ma keheli'ahapi, ya? Ya'mu lenali mele'isi mehe'miliyo luto nolube.

1 Timoti 6:5

Ya hilete ya'ma kehelite keheli sibi hite minelata nehana bona'i yamofihi enali komopa'ani enegekesa hekini lo'ehigo sibi nehite ka lamana'a he'mite mono kauba yogo fe'nohi li huto hilibe lite kehelilata nehabe.

2 Timoti 2:20

To mone kibina bomofihi nonugu lape'i fato fato'mofihi goli efatu to siliba efatu lolo hi'ahana lape'mo babu luto ni'ibe. To yafa lape'i hiti mesomo hiti ana huto ni'ibe. Nose nasana mone hetofa lapelugu melelata nehabe. To mone mina'a limi'ehinagu letuha'a melelata nehabe.

Taitasi 2:9

Kele kele pana'i enali minete foya lite minelata nehana yamofihi lu epitogo kaba bo'aniuba ka'ani kehelinogo kele kele'i bati hite hi epelenogo kaba bo'animagi bu genogo laga'ani epesilibe. Kaba bo'animofihi baga'a liyafa hite enali ka'ani keye melilabe.

Yemesi 2:20

Lenali ka keheli sibina hise naga'ise. Lenali kumu nolube. Bona'i luga'amagi keheliya ilana mono kamofihi legeya'a mone melilana ya'ma keheliya ise'na'ani pata si'ehibe luto nolube.