Romu 9:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya'mu Hu'mau hu'ehinanamu'i mono bukugu fayahi ge'ahana: Nani Yakopu nibita hu'ehina pana'i yabe, luto to Isau hapa'a laga'ni menebesigo nemegesa'ni emi'ohube luto Hu'mau lu'ehina yabe.

Romu 9:13 ပူးပေါင်းရင်းမြစ်များ

Matiu 10:37

Bo moneuba ito'afinogo afo'afinogo etele'mo bati nohuto nani'i nele'mo bati mehilina bo ai nani'i nalalu'nifu legi huto meminalina'mu yabe. To bo moneuba liha'a yagapana'a enele'mo bati huloto nani'i nele'mo bati mehilina bo ai nani'i nalalu'nifu legi huto meminalina'mu yabe.

Maki 12:10

To ai ma luto ka mone hiti lu epi'ehina: Lenali mono bukugu ya'ma leka meso'ahafiye? Ma luto koyo'ehina ni'ibe: Lili'nalo bomagi ya'ma efapo bati mehina efahi yabe, lite he'mi'ahana.

Luku 14:26

Bo moneuba nanitoga o'ehilinaya ai ito'agi afo'agi etali'agi to gonamu tamu'a to ai'a meha'amofi gufa'amofi ya'ma enalito megesa hu meepi'ehilina ai ana bouba nani koko pana'ni lolo mehilina'mu. To ana huto ai'a gufa'a laga besilina bona'i nani koko pana'ni lolo mehilina'mu.

Yoni 12:25

To ana huto bo moneuba mino lito buse'na'a amuya'a hiti li pili nokenogo ai'a fenene hilina'mu. To bo moneuba ma melugu mino lito buse'na'a li pili mekalina, megesa hu emilina, ya'ma bomofihi fenene mehuse ai kokulumalugu minoba minoba hilina'mu yabe.