Romu 9:11 - Ka Lamana'a Monoꞌi Lu Mu Tifiꞌehina Ka Yabe

^11-12 Yata'a etali huto mehi'aha'igo to hapa'atiti hetofanafi sibinafi huto mehuse Hu'mau Lepekahi ma luto lu emi'ehina: Yege pana'uba gona'amofihi kele kele'i hu etalibe luto lu'ehina. Ya huto Hu'mau mone pana'amofihi hapa'a bu goto bati huto yabe luto le'mo ho ti'ehifihe? O'e. Ai foya'a ni'igo mone pana'a fuku luto nani bona'ni yabe luto li gehe li'ehina yabe. Hena'mube? Hu'mau ya huloto asaga bona'magihi li gehe li'ehinamu enelepilube'mu nohibe.

Romu 9:11 ပူးပေါင်းရင်းမြစ်များ

Romu 4:17

Koyapa'i Abalaha kumu mono bukugu fayahi ge'ahana: Nani babu noto noto bona'magihi afo'aniga kele'mo lolo nohube, luto Hu'mau ya luto lu molo'ehina. To Abalahau Hu'mamofihi bulo minoto ana kagamofihi keheli ule'ale hu'ehigo ana kaga molo'ehinauba huto hulatamo ni'ibe. Hu'mau fili'ahana bona'i enele'mo ho tilata nohina bouba to ana'ina asaga'na huto mehu'ehina alihi le'mo huto hilina bouba ya'ma kaga lu molo'ehina yabe.

Efeso 2:3

Lali asaga'i koyapa'i enali tegi huto minoto komopatimofihi ka laga'a mege'i moloto mega lugufamofihi to kehelise'natimofihi kaga'a keheliya iloto mino'ohuta. Ya huto komopatigu foipa hiti nohutoti enali tegi huto Hu'mau foipana'mu ipakafa osahi limilina suhi huto mino'ohuta ni'ibe.

Efeso 2:9

To ya higo hena hena foya lito minenogo ya'ma suhi lolo hu leto'ehina ni'ibe? Yamofihi meni'ibe. Yamofi kumu lugufa lelito tise'namofihi meni'ibe.

Efeso 3:11

Hu'mau ai koyapa'i ana'ina li huto mehu'ohuto komopa'atu lu moloto buto mino'ehinamofihi legeya'a ya'ma Sipi Boti Yesu Kilisitohi ho lifigo limi'ehinamo ni'ibe.

1 Tesalonika 1:4

Lalalutigita, Hu'mau komopa'a lepito ai bona'a lenele'mo lolo hu'ehinamo ya'ma keheli'ohune.

1 Tesalonika 2:12

Ya huloto lenegekesa lito lenele'mo amuya moloto huto lu lepolo'ohutamo ni'ibe. To Hu'mau ai kapogu lenele'malina bouba to fana meha'a lepilina bouba bu goto lenofokehi lilibe lite laga hina hite minalo, luto lu lepiba lepiba hu'ohuta ni'ibe.

2 Timoti 1:9

Hu'mau ai'a bona'a lolo huto mino eto huto minalune luto lubuto biloto elesa molo limi'ehina. Ya higo minoto lito hu'ohuta ya'ma lamana foyafi lamana hapatifi ni'igo yana'mu lubuto bi'ehinamo ni'ifihe? O'e, ya huto meni'ibe. Ai'a komopa'atu kehelito lehe'mose'na'atu fi hetofa hu leto'ehina. Ai koyapa'i me'i le'mo huto mehu'ohuto'a Yesu Kilisitohi naga'i lolo hilabe luto lu limi'ehinamo ni'ibe.

1 Pita 5:10

To asaga lehe'malina afo'afihi, Hu'ma ai'i sekele mamu'a hiti Sikalafu'uba amuya moloto minolata nohinamofihi aitoga Kilisito kumu yabe luto aitoga bu henetilabe luto elesa molo lepi'ehina bo ai leniginaga fise kana'a hupamone'isi nokehelito lenele'mo bebe soto tito amuya'auba limito lenele'mo hetofa huto amuya lapusa fi lepalalina'mu yabe.

2 Pita 1:10

Nigibo nalalu'nigita, lenali kumu ya'ma Hu'mau lenele'mo ho tito elesa molo lepi'ehina yamofihi legeya'a huto hilibe luto amuya malalo. Lenali ya hite, kosele kasele'i hete fa'mene'mu limite mekalana'mu yabe.

Huto Hilina Ka 17:14

Ya nehite Hu'mamofihi sipisipi nala'amofihi luba hi etete minalune'mu habe. Ya nehinogo sipisipi nala'auba to ai'a naga'a hiti enali ya'ma amuya molo lito buto enifitu falube'mu hibe. Ya nohinogo ai ya'ma enigihiti bomagihi enogo'anifu to kibina bomagihi enogo'anifu nohinagihe. Ai kehe i'ehina bo hiti to elesa molo epi'ehina bo hiti to aitoga i ke'mete mine'ahana bo hiti enali ya'ma akafu yagakafamofihi naga'amofihi hiti luba hi etete enebe ligilune'mu habe.