Romu 8:9 - Ka Lamana'a Monoꞌi Lu Mu Tifiꞌehina Ka Yabe

⁹ Lenali ya hite meneminabe. Hu'mamofihi Sikalafu'uba yuhufa komopatinigu nominago lenali ka'a kehelite agoya hu emilata nehabe. To bona'i moneuba Yesu Kilisitohi meha'auba komopa'agu menohinogomo ana bona'i Yesuhi bona'i menohibe.

Romu 8:9 ပူးပေါင်းရင်းမြစ်များ

Luku 11:13

Yalo ana huto lenali bo foipa'amagita yagapanatini enele'mo hofa telete ana'ina bati hu'ehina enegelo bite epilata nehabe. Ya suhi lito ana huto kokulumalugu nohina bo, Afotinifu, ai'a hapa'a sipi hetofana ni'igo aitoga loka halune'mu nehana Hetofa Sikalafu'a epilina'mu yabe, luto Yesu koko panana'a lu epi'ehina.

Yoni 14:17

Noto noto bona'magi ai'i bu megelata to mekehelilata nehite ana Sikalafu enalitoga melimilina'mu yabe. To lenali ai'i kehelilata nehabe. Hena'mube? Ai lenali hiti moneka minoto komopatinigu huto nohibe.

Yoni 14:23

Ya ligo Yesu lu emi'ehina: Bo moneuba komopa'a nimito nohutomo kaga'nilo mege'i malalibe. Afo'nifu ana bomofihi komopa'a emilibe. Ya huto Afo'nifi hiti nani hiti ana bomofitoga buto ai hiti moneka minalune.

Yoni 3:34

Hu'mau ho lifigo o'ehina bouba Hu'mamofihi kaga'ago lu yege holata nohinaya hena'mugope Hu'mamofihi Sikalafu'auba aitoga bai to'ehigo yabe.

Yoni 3:6

Ana'ina bona enugufaguti huto hulata nohina ya enugufa yabe. To Sikalafu'uba li huto hulata nohina ya Sikalafu'i yabe.

Aposolo 16:7

Enali Misia kegi'a hiti bu baga ilete Bitinia hepalugu tilune lite babeyafa hana Yesuhi Sikalafu'auba metilo luto kapo hekini lo epolo'ehina.

Romu 7:5

To lali yata'a komopatimofihi hapa'a mege'i moloto mino'ohutaya keya kauba komopatigu foipa faipana li huto higo lugufatiuba ana suhi mege'i moloto filisemofihi nagalugu mino'ohuta yabe.

Romu 8:1

Yatai bona'magi Yesu Kilisitotoga hiti hepite minago moneko'na nehana yanamofihi Hu'mau enifisa meilina to osahi meepilibe.

Romu 8:11

To Hu'mamofihi Sikalafu'i Yesu fili'ehinaguti le'mo ho ti'ehinauba lenali komopatinigu nominenogomo ya'ma Kilisito le'mo ho ti'ehinauba komopatinigu minoto lenugufatini fililinalo kosaba'i le'mo huto hilina'mu yabe.

Romu 8:2

Henabe lutobe? Sikalafu'mofihi kagauba lali'i Yesu Kilisitotoga lele'mo hepiloto foipana nagaluguti hiti to filise'na kapoluguti ahe'mi leto'ehigo mino kosaba husemofihi lilata nohune.

1 Koliti 15:23

Fi lehe tete ho tilabe luto lu leto'ehinalo ho tilune'mu hune. Kilisitohi le'mo kohe to letoto ho ti'ehinamo ni'ibe. Alina kana'alo ya'ma ai naga'a lali ho tiluta'mu yabe.

1 Koliti 3:16

Lenali ya'ma Hu'mamofihi sipi mono noha'a nehabe to Hu'mamofihi Sikalafu'uba komopatinigu minoto nohina yamofihi mekeheli'ahafihe? Ya'ma lenali akeheli'ahana.

1 Koliti 6:17

Ya huto ni'inaya luga'amagi enali Sipi Bomofitoga i hepilenogo ai hiti komopa'ani moneko lolo hilube'mu hibe.

1 Koliti 6:19

Lenali ya'ma lite mekeheli'ahafihe? Lenugufatini ya'ma Sikalafu'mofihi sipi mono nohi ni'ibe. Hu'mau lenali lenugafamofihi komopa'agu minoto lito hilibe luto molo lepolo'ehina yabe. Lenali ana lenugufamofihi afo'agita menehabe.

2 Koliti 10:7

Nani hapa'ni lenogobisalo huto nohinamofihi legeya'a bu galo. Lenalitogati bo moneubafi moneuba ai'amu kehelito Kilisitohi yagapana'a lolo hilinauba ai'amu ma luto kehelibe. Ai moneko'i Kilisitohi bona'a menohibe. Lali hiti ana huto asaga Kilisitohi yagapana'ago nohune.

2 Koliti 6:16

To Hu'mau hiti lugefa nasana hiti moneko nonugu minala'ifiye? Ya huto meni'ibe. Nekehelifihe? Hu'ma amuya moloto minoba minoba bomofihi noha'a lali ya'ma nohune. Ya hu'ehina'mu Hu'mau ma luto lu'ehinamo ni'ibe: Nani bona'nimagihi komopa'anigu minoto lito minoloto'ni enali folagaha'anigu humofa'na hilube. To nani enali sipi bo'ani lolo huto minalube. To enali nani yagapana'ni lolo hite minalabe.

Galesia 4:6

To lenali Hu'mamofihi pana'i lolo hite nehana yabe luto Hu'mau pana'amofihi Sikalafu'uba komopatigu ho lifigo limi'ehina. Limito nohigo lali Hu'mamofi kumu: Oho, Apaobe lulata huto nominone.

Galesia 5:24

To Yesu Kilisitohi naga'i lali tafa komopatimofihi bita hulata nasana to foipana'mu enuluhaya ilatamofihi aho filigo fa'menena lolo hu'ehinamo ni'ibe.

Efeso 1:13

To lenali ana suhi hite ka lamana'a Kilisitou lenubuto bilata bo nohina ka kehelite Kilisitohi keheli ule'ale hite agoya eminogo Hu'mau nani bona'ni minalabe luto ai'a Hetofa Sikalafu'amo lepi'ehina yabe. Koyapa'i lu molo'ehina suhi huto lepi'ehina ni'inagihe.

Efeso 2:22

To lenali hiti bona'i luga'a hiti Kilisitotoga hepilete Hu'mamofihi noha'a lolo hite nehago ai'a Sikalafu'auba ana nonugu minolata nohibe.

Efeso 3:17

To Kilisito kumu keheli amuya melenogo ai'a komopatinigu minoto mino amuya malalibe luto loka nohobe. To Kilisitohi komopa'a lepilinanauba lufusatini limito lenele'mo amuya lolo hinogo,

Filipai 1:19

To lenali nani kumu yabe lite kehelite Hu'mamofitoga lilata hi'ahana foya lilenogo to Yesu Kilisitohi Sikalafu'auba nele'mo bati hulenogo bati huto minaluna nasana li huto molo netalube'mu hibe. Komopa'nigu ya'ma luto kehelito keheli bati huto minalube'mu hube.

2 Timoti 1:14

To hetofa nasana Hu'mau kimi'ehina asaga'i kaba huto lito to ai'a hetofa Sikalafu'i komopatigu nominanauba kele'mo amuya hinogo ya'mana kaba hu bati huto minobo.

1 Pita 1:11

Enali ya'ma huto hilina kana'a sa sa hi'ahana, Hu'mau ya'ma Kilisitohi ho lifilina kana henaki yupahi huto huse kanagu huto hilibe lite sa sa hi'ahana. To Kilisitohi meha'a yauba komopa'anigu molo epalago enali ya'ma lenali kanagu yabe lite keheli'ahabe. Lenali kanagu Kilisitou huto huloto yalo keke'i luse'namofihi gupisalo tito fililina yalo ho tito sekele mamu'a lilina'mu yabe lite keheli'ahabe.

1 Yoni 3:24

Enali lu molo'ehina ka'a keheliya ite mege'i malalana'a enali Hu'mau hiti hepi lamana hite neminenogo Hu'mau ai'a komopa'anigu mino ho tito minalina'mu yabe. To ai Sikalafu'i molo leto'ehinamo ai'a lu limilago Hu'mau ai'a komopatigu minoto ho tito hulata nohibe luto kehelilata nohune.

1 Yoni 4:13

Hu'mau ai Sikalafu'a molo leto'ehinagihe. Ya limi'ehinamu'i ai'a lali'i lele'mo maha'aluga mololata nohigo yanagu minota, to ai komopatigu minoto ho tito nohina ya'ma keheli fe lu'ohune.

1 Yoni 4:4

Palala'ni pana'nise, lenali Hu'mamofitogati huto hilete faga mono ka leli'ali bona'magihi amuya melete luba hite, ya suhi hite enebe ligi'ahanamo ni'ibe. Hiya hutobe? Lenali komopatinigu minolata nohina ai amuya'auba metoga nohina bo foipana'a ai'i amuya'a ya'ma be ligi'ehinagihe.

Huto Hilina Ka 13:8

To melugu bona'i asaga'i enali enalapusa fi emi'ahana keke bake li etalabe. To luga'a enigi'ani ya'ma sipisipi nala'a he fili'ahana ai ya'ma enemeha'a minoba minoba nehana bona'magihi enigi'ani koyo'ehina bukugu koyapa'i me'i huto mehu'ehina kanalo fayahi koyoto molo'ehina enali'anigo ya'ma akafu yagakafa ya'ma ya suhi mehi etalana'mu yabe.

Huto Hilina Ka 20:15

To ana bona'i ya'ma enigi'ani amuya minoba minoba nehana bona'magihi enigi koyo molo'ehina bukugu meni'ina'a enali ya'ma logomofihi hefuha'agu kala efahi logogu loto ni'inagu fitu fo he'migo limite mine'ahana.