Romu 8:8 - Ka Lamana'a Monoꞌi Lu Mu Tifiꞌehina Ka Yabe

⁸ To enali ya hite enugufa'anilo mege'i nemalanaya Hu'mau bu enogoto fokehi melilina'mu yabe.

Romu 8:8 ပူးပေါင်းရင်းမြစ်များ

Matiu 3:17

Ya nohigo kokulumaluguti kaga mone ma luto lu'ehina: Ya'ma nani'ni pana'ni mana'a nohibe. Laga nebesina pana'ni nohigo ai kumuko hetofa pana'ni yabe luto negelo bi emilata nohuna yabe luto kokulumaluguti lu'ehina yabe.

Yoni 3:3

Ya ligo Yesu lu'ehina: Nani ma'naka luto lu nokumube. Kene'i moneuba Hu'mamofihi Kapo'a bu megalina ai ito'afu aku'i keto kosaba hu tegi hilinaubago yabe.

Yoni 8:29

To ai noho lifi'ehina bomofihi bita hina suko hulata nohuna'mu luto ai he'mi netoto mebu'ehina, nani hiti moneka nohibe.

Romu 1:21

Enali ai kumu keheli bati hite aku gi'a liyafa menehabe. Aitoga enofokehi menelibe. Enekesa keheli sibina nehite negi nagi nete neminago komopa'anigu metepu sipi'a gi'ehibe.

Romu 7:5

To lali yata'a komopatimofihi hapa'a mege'i moloto mino'ohutaya keya kauba komopatigu foipa faipana li huto higo lugufatiuba ana suhi mege'i moloto filisemofihi nagalugu mino'ohuta yabe.

Romu 8:9

Lenali ya hite meneminabe. Hu'mamofihi Sikalafu'uba yuhufa komopatinigu nominago lenali ka'a kehelite agoya hu emilata nehabe. To bona'i moneuba Yesu Kilisitohi meha'auba komopa'agu menohinogomo ana bona'i Yesuhi bona'i menohibe.

1 Koliti 7:32

Lenali ya'ma fa'menena'mu yamofihi lenegekesa yigiba yigiba hite keta huse'namu minalabe luto keheli'ohuto nolube. Bo kofuta nehana'amagi Sipi Bomofihi foya'muko kehelite minalune'mu habe. Minete Sipi Bouba kehelinogo bati hilibe lite lilenogo lilune'mu habe.

Filipai 4:18

Yatai ya'ma ana'ina li huto hite mele nete su he'ahana bai toto ni'igo yamofi kumu kehelilabe luto lenofokehi luto fayahi ya'ma koyoto nolepube. Epapolotikou ai'ya lenalitogati ana'ina lito oto nimilago ya'ma fe'noha'ni hiti bo lolo nohube. Lenali ana'ina lolo hi nete'ahanamofihi kehelugo Hu'mamofihi kuguhi keye neemigo tu'a lamana'a nobigo kehelito yauba ai laga besina nasana lolo hibe.

Kolose 1:10

To yalo lenali asaga yupahi aitoga minete hetofana hite neminenogomo Sipi Boti ai lenofokehi lilina'mu yabe. Ya'ma le'ali loka noho'ibe. To lenali asaga yupahi Hu'mamofihi lagamo keheliba keheliba hite minete, to bona'i enehe'malata ya'ma hetofa lili'natini fato fato'i yamofihi legeya'a babu luto hilina ya hinogomo Hu'mamofihi hapa'a keheli bati hilete hetofana suhi hite minete ya hilabe luto loka noho'ibe.

Kolose 3:20

To lenali yagapana'magita itotinigihi afotinigihi agoya hu epilo. Ya nehinogo Hu'mau lenofokehi lilibe.

1 Tesalonika 4:1

Lalalutigita, Sipi Boti Yesuhi ai gi'alo lenegekesa lito ka mone lu lepilugi kehelilo. Lali Hu'ma kehelito lenofokehi lilina hapa'a alenelepi'ohuta yagi ana suko neminana keheli'ohutaya to lepiba lepiba ka mone hiti amuya melete mege'i malalo luto nolune.

Hibulu 13:16

Hetofa foya lilatana agoyana hiti to fe'nohi guna ite epilune lite lenegekesa kehelite minalo. Hu'mau ai'a yanamofihi kehelito bu go laga nohigo mamufa gi emilata nasana suhi huto legeya'a lolo hulata nohibe.

Hibulu 13:21

ai'a ya'ma nasana lamana'a fato fato'mofihi li huto hu lepito lenele'mo babahi hulenogo ai lilina'a malalina'a keheliya ilabe luto nolube. Ya nehinogo ai'a kehelinogo bu go laga huse nasana Yesu Kilisitohi amuya'auba komopatinigu mineno. To ai fana mehena'a huto hilenogo foke ka lelite binogo mino lito buto minalinamo ni'ibe. Lama'naka.

1 Yoni 3:22

To ka'a kehelilototi ai bulo minoto moloto nohunogo bati hulata nohibe. Ya'mu ya'ma aitoga lutogo limilata nohibe.