Romu 8:5 - Ka Lamana'a Monoꞌi Lu Mu Tifiꞌehina Ka Yabe

⁵ To enali enugufa'aniuba nohinalo mege'i nemalanamagi enali enugufa'aniuba kehelise'na'animofihi kaba hu epoloto naga'i epi'ehina. To enali Hu'mamofihi Sikalafu'uba lu noepinalo mege'i nemalanamagi Sikalafu besise'namofihi kehelite neminago ai enegekesa kehelise'na'animofihi kaba huto enele'molata nohina yabe.

Romu 8:5 ပူးပေါင်းရင်းမြစ်များ

Maki 8:33

To ya noligo, Yesu i behe huto pana'alobo asaga'i bu enogoto ma luto Pitahi ka emeki'ehina: Satao, nemegesalo minobo. Kai Hu'mamofitoga keheli emito menominane. Kai melugu bona'magihi kehelise'na'ani lito nominane.

Yoni 3:6

Ana'ina bona enugufaguti huto hulata nohina ya enugufa yabe. To Sikalafu'uba li huto hulata nohina ya Sikalafu'i yabe.

Romu 8:9

Lenali ya hite meneminabe. Hu'mamofihi Sikalafu'uba yuhufa komopatinigu nominago lenali ka'a kehelite agoya hu emilata nehabe. To bona'i moneuba Yesu Kilisitohi meha'auba komopa'agu menohinogomo ana bona'i Yesuhi bona'i menohibe.

1 Koliti 15:48

Melugu bo mino'ehina babeyafa huto metogati yagapana'a nohune. To kokulumaguti bo mino'ehina babeyafa huto kokulumaguti nasana lali minalune'mu hune.

1 Koliti 2:14

Bona'i luga'a Hu'mamofihi Sikalafu'a hiti menehilana bona'i enali ya'ma Hu'mamofihi Sikalafu'mofihi kaga'a mone mekehelilana'mu yabe. Enali hena hite kehelilabe? Meni'ibe. Sikalafu'i hiti nehilana bona'magi kehelilana'a huto ni'inaya, Sikalafu'i hiti menehilana bona'magi kehelinogo fa'mene kaga legi lolo hilube'mu hibe.

2 Koliti 10:3

Lali fa'mene bona'i ma metoga minoto humofa'na hu'ohutamo ni'inaya Hu'mamofihi kaga kumu yabe luto luba hulata nohuta yamofihi metoga bona'magihi tafa komopa'anitu kenasabo bilata nehana ya huto meni'ibe.

Galesia 5:17

Tafa komopatini ya'ma laga'auba Sikalafu'mofihi lu baga lu emilata nohibe. To Sikalafu'mofihi nasanauba tafa komopatimofihi ana huto lu baga lu emilata nohibe. Ya hilete etali luba sabo hite mina'igo lenali ana'ina lolo hite melete hilune lite babahi hite mele'isi ya mehabe.

Efeso 5:9

Fana mehenamofihi legeya lamana'a ya huto hulata nohibe. Komopatini lamana'a hiti minose'na to fotogo huto minolatana to ka lamana'a lulatana yabe.

2 Pita 2:10

Bona'i enali'ani komopa'aniguti moko foya sipi higo kolo tanana hite kaba bomofihi ka'a kehelite mege'i melelata nehana bona'i enali'i Hu'mau enele'mo motito amuya naga'i epilina'mu yabe. Ya'ma faga nelana babafi bona'i enaliya enelesa meligo amuya melete minete kokulumagu neminana kene'magi enali kumu koli mehise nehite enigi'ani le'mo sibina sabana hilata nehana yabe.