Romu 8:32 - Ka Lamana'a Monoꞌi Lu Mu Tifiꞌehina Ka Yabe

³² Ai koyapa'i pana'a nu ki pili koto meminose lali kumu asaga'i ho lifito bona'magihi enayanugu epi'ehigo fili leto'ehina, ya'ma limi'ehina bo, Hu'mau, ai loe sana sana mina'a meni'inamofihi fa'mene limilina'mu yabe.

Romu 8:32 ပူးပေါင်းရင်းမြစ်များ

Matiu 3:17

Ya nohigo kokulumaluguti kaga mone ma luto lu'ehina: Ya'ma nani'ni pana'ni mana'a nohibe. Laga nebesina pana'ni nohigo ai kumuko hetofa pana'ni yabe luto negelo bi emilata nohuna yabe luto kokulumaluguti lu'ehina yabe.

Matiu 7:11

Ya hu'ehinagi lenali bati menehana bona'magita yagapanatinimagihi hetofana epilata nehinogomo yalo lali kehelilune, Hu'ma Afotinifu kokulumalugu nohinauba lenali nunumu hu emite ya hite hilana bona'i hetofana lepilina'mu yabe.

Yoni 3:16

Hu'mau ma melugu bona'i asaga kumu laga'a besina'mu luto sipi ginaga nofigo gi moneko pana'asi ho lifigo limi'ehina. Asaga bona'magi aitoga keheli ule'ale hite komopa'ani molo emite mefililana minoba minoba hilana'mu yabe.

Romu 11:21

Hu'mau enali ya'ma Yuta bona'i lusi yafa yaha'a suhi hite nehanamagihi ginaga mefise he'mi'ehinagi yamu'i lenali kumu ginaga fito henabe luto laga mehu lepalalibe?

Romu 4:25

To Yesu lali foipanati li he'mi letalibe luto Hu'mau ho lifigo oto fili'ehina. Ya hulago aku'i Hu'mau fili'ehinagati le'mo kosaba holoto lali kumu bebe sana bona'i lele'mo lolo hu'ehina yabe.

Romu 6:23

Foipanauba ai'a koko pana'magihi lili'nalo nona'a epilata nohinaya filise'na yabe. To Hu'mau fa'mene limilinamofihi ya mino kosaba huse'i ni'ibe. Ya'manamofihi Sipi Boti Yesu Kilisito hiti lele'mo hepito moneko'na liluta'mu yabe.

Romu 8:28

To lali mana akeheli'ohune, Hu'mau lu kehelise'namofihi bona'a enali kumu kehe igo bite aitoga komopa'ani emi'ahanamagihi ai asaga huto hilina kanagu hetofana hu epololata nohinagihe.

1 Koliti 2:12

To lali ma melugu bona'magihi sikalafu'i meli'ohutamo ni'ibe. Lali Hu'mau mono ka molo leto'ehina yamofihi keheli fe lilune luto Hu'mamofihi Sikalafu'a li'ohutamo ni'ibe.

2 Koliti 4:15

Lali asaga nasana ya'ma lenali kumu yabe luto lolo huto moloto hulata nohune. Hu'mau lehe'mose'namofihi nasana i tili huto binogo bona'i asaga'magi kehelilete Hu'mamofihi foke ka lite enegelo bi emite Hu'mamofihi fana meha'auba bu baga o baga ito minalibe.

2 Koliti 5:21

Kilisito ai foipana'a meni'ina bo ya'ma Hu'mau lali kumu luto lali foipanati ai gupisa'alo molo eto'ehina. Hena'mube? Ya'ma lali Kilisito hiti i hepiloto Hu'mamofihi bulo fotogo huto minalune luto yamofihi lolo hu'ehina.

2 Koliti 6:10

To keke'i luse'namofihi gupisalo nohuto legelo biba biba huto nominone. Salafa'amofita sibigopa bona'i asagatoga mono'mofihi fe'noha'a hiti enele'mo lolo hulata nohune. Lumuhi menina'a nohutogo komopatimofihi fe'noha'a bai toto ni'igo nominone.

1 Yoni 4:10

Komopati epilata'namofihi hapa'a ma huto ni'ibe. Lali kohe toto komopati meemi'ohutogo ai'a ya'ma komopa'a limito pana'a ho lifigo limi'ehina foipanati su halinamofihi kapo bili leto'ehina.

Huto Hilina Ka 21:7

Luga'amagi enali mono kagu amuya melete mine lite bite minalanamagi Satahi luba'a be ligilanamagi ya'ma ana nasana molo lilana'mu yabe. To nani ya'ma Hu'mau afo'afu lolo huto nehinogo enali ya'ma yagapana'ni lolo hite minalune'mu habe.