Romu 8:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Yalo'i lali pana'amagita nohunogo ai'a bona'amofihi lusa gi epalalina'a lali hiti limilinagihe. To Hu'mau Kilisitohi hetofa nasana li molo emilina'a ya'ma ana huto limilenogo lilune. To lali Kilisito gabu gise'na'a hiti ya'ma ana huto kofiloto nohunogo ai'a fana meha'a hiti limilenogo liloto aitoga hepito minalune.

Romu 8:17 ပူးပေါင်းရင်းမြစ်များ

Matiu 16:24

Yalo Yesu koko pana'a ma luto lu epi'ehina: Bo moneuba nani'i hiti bilube lutomo ai'a gufa'amu ekesa meyigise malipu yafa'a lito kofiloto nemege'i meleno.

Matiu 25:21

Sipi bouba ma luto lu emi'ehina: Kai hetofa lili'nalo bo amuya bo nohane. Kai hetofa suhi li huto hu'ahane. Kai lili'nalo kaba hu bati hulata nohane. Kai lagaso'nasimofihi kumunalo hetofana huto kaba hu bati hu'ahatalo yatai nani babu fe'noto kaba kimi gi ketalube. Kai sipi boka hiti kegelonaguti ete minaliyo.

Luku 12:32

Lenali lagaso naga'nise, koli mehilo. Afotinifu ai'a kapo'a lepilunagihe luto kaga lu hetofa hu'ehina yabe.

Luku 24:26

Henabe lutobe? Mesiahi yata'a gabu foya kofiloto su henogo Hu'mau le'mo ho tigo alihi Hu'mamofihi fana mehena'agu ti'ehibe, luto,

Yoni 17:24

Ke, Afo'niga. Nanitoga enele'mo molo'ahata bona'i ya'ma enali nani minalunaga mine malalabe luto lu nokumube. Yalo nehite ya'ma me'i huto mehu'ehigo komopaka nanitoga molo'ahata kokulumagu fana meha'a molo neto'ahatamofihi bu go fe lilabe.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Aposolo 20:32

To yatai nani Hu'mau kaba huse'na'a to lehe'mose'namofihi ka'a yanagu lenele'malube luto aitoga molo lepolo'ohube. Ai ka'atu lenele'mo bati bati huto amuya molo lepalalibe. Ya huto ya'ma bebe sose'na'a pana'alobo'amagihi guna mololatana ya'ma lepilina'mu yabe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Romu 5:17

To moneko bo Atau foipana li huto hu'ehigo filise'nauba asaga bona'magihi kaba bo'ani lolo huto naga'i epi'ehina. To bo moneuba Yesu Kilisitou hu leto'ehinanauba filise'namofihi be ligi'ehinagihe. Asaga bona'magi Hu'mamofihi enehe'mose'na hiti to ai'a fa'mene enele'mo bati huse'na hiti komopa'anigu lilana bona'magi mineba mineba hilana Kilisitohi kapogu kaba bona'i lolo hilabe.

Romu 8:3

Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.

1 Koliti 2:9

Ya hu'ehina'mu kaga mone ma lite mono bukugu fayahi keye'ahanamo ni'ibe: Bona'magi bu mege'ahana to enegekesatu mekeheli'ahana nasana, to bona'magihi komopa'anigu mekeheli'ahana nasana, ya'ma Hu'mamofihi komopa'ani emi'ehilana bonatoga le'mo huto hilina'mu yabe.

2 Koliti 1:5

To Kilisitohi gupisa'alo keke'i luse'na samahi tito anamofihi nekisa'a mone lalitoga hulata nohibe. Ana suhi huto Kilisitohi lehe'mose'na'a ya'ma lalitoga napa huto li huto hulata nohibe.

2 Koliti 1:7

To lali lenali kumu lifita ilata nohuta ya'ma ule'ale nohigo ma luto kehelilata nohune. Lali keke'i luse'na lilata nohuta ya'ma lenali hiti keke'i luse'na kehelite nehite fulunamofihi ketipa'a lali lilata nohutana lenali ana hite lilabe.

Galesia 3:29

Lenali Kilisitohi naga'i lolo hi'ahana ni'inogomo yana'mu Abalahahi panana'a lolo hite nehite Abalahahi yogo fe'nohi Hu'mau molo etalube luto lu eto'ehina ya'ma asaga'magita lenali'na lolo hilube'mu hibe.

Galesia 4:7

Ya hu'ehina'mu lenali kele kele'i yagapana'i lolo hite nehanagopa Hu'mamofihi pana'a nehabe. To ai panana'a nehabe luto Hu'mamofihi mehi emise'namofihi ai felisa nasanamofihi afo'afu bo lolo huto neminabe.

Efeso 3:6

Suguna kamofihi hapa'a ma luto ni'ibe. Ka lamana'a molo'ehinamofihi legeya'a ya'ma fegutoga bona'i lenalitoga to Yuta bona'i enalitoga moneko babeyafalo koguna moneko'i lolo huto nehinogo Yesu Kilisito kumu yabe luto Hu'mau Yuta bonatoga lu molo epolo'ehina lenali li hetofa hite lilabe luto lu'ehinamo ni'ibe.

Filipai 1:29

Lenali ai kumu foya'a lilata nehanaya, Yesu Kilisitou lenele'mo'ehina hapa'a henana ni'ibe? Lenali Kilisitohi agoya hi etalabe luto to lenemehi emilabe lutofiye? O'yo. To moneko'i ai kumu yabe lite keke boke nasanamofihi gupisalo minalabe luto yabe.

Filipai 3:10

To nani yatai Kilisitohi hapa'a keheliya ilube luto to ai fili'ehinaguti ho tise'namofihi amuy'a nanitoga huto hilibe luto to ai keta hinana gupisalo mele ete'ahanamo molo emito kehelilube luto to ai'a fili'ehina hapa'a mege'i moloto fililube luto nipagu nohibe.

Kolose 1:24

To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

Taitasi 3:7

Ya higo Yesuhi lehe'mose nasana'auba Hu'mamofihi bulo lele'mo bebe sose'namu to lali minoba minoba huse'namu fifa ilata nohutamofihi lilabe luto ya hu leto'ehinamo ni'ibe.

Hibulu 1:14

Ya luto agelomagihi lu meepi'ehinamo ni'ibe. Agelo silaga'i enali meha'a hiti Hu'mamofihi kele kele'a nehanaya bona'i enubuto bilatanamagihi enehe'mete enele'mo bati hilabe luto Hu'mau enoho nolifibe.

Hibulu 1:2

To kana'a su halube'mu nohinogo ya'ma kana yatai pana'amofihi baga'a le'mo babahi higo ai ka legeya'a lu huto huto lu limi'ehina. Pana'a ai asaga melugu nasanamofihi afo'afu lolo huto minalibe luto lu eto'ehina bomofihi ai yanuguko mololago yamofihi silaga nasana huto hu'ehina.

Hibulu 6:17

Yanamofihi Hu'mau ai'a bona'i lu molo epolo'ehina yamofihi Hu'mau kenetufa'a le'mo gelehe huto fato ka lilifihe? lite enegekesa loemo keheli lalabe luto komopa'atu keheli hetofa higo lu'ehina. Anamofihi hapa'a li huto hilube luto lu molo epolo'ehina nasanamofihi ka'amofihi gupisalo le'mo hetofa huto lu laga huse kaga ya'ma molo emi'ehina.

Yemesi 2:5

Nemehi nolepuna nalalu'nigita, ya'ma kaga kehelilo. Salafa'a bona'i nehabe lite nelite lilata nehana bona'i mone ya'ma Hu'mau enele'mo eto higo Hu'mamofihi gobisalo ya'ma fe'noha'ani hiti bona'i lolo hite nehabe. Ya nehago Hu'mamofitoga komopa'ani melete neminana bona'i ya'ma lu epolo'ehina suhi huto ai kapo'alo enele'mo hetofa hilina'mu yabe. To enali kehelise'na'ani aitoga ule'ale hiti le'mo sipi hilina'mu yabe.

1 Pita 1:4

To fili'ehinaguti le'mo ho ti'ehina'mu luto kokulumagu amuya fe'nohi fulupa meilina'a to sibi mehilina'a to fenene mehilina'a molo lepolo'ehina yabe. To fililata'namofihi ya'ma geba hulata nohuta yamofihi minete kokulumagu tilabe luto lenele'mo babahi nohu lepalabe.

1 Pita 4:13

Koyapa'i Kilisito sipi keke'i luse'namofihi gupisalo ti'ehina ya'ma lenali ana hite Kilisito kumu leniginaga fi'ehina yamofihi komopa'agu mine melete minete komopatini bati hinogo minalo. Ya hite nehinogo lenegelo bise'na'a hiti fana tose'na'a li huto hu lepinogo ana suhi huto komopatinigu ana'ina kosaba nohinogo lenegelo bite minalabe.

Huto Hilina Ka 21:7

Luga'amagi enali mono kagu amuya melete mine lite bite minalanamagi Satahi luba'a be ligilanamagi ya'ma ana nasana molo lilana'mu yabe. To nani ya'ma Hu'mau afo'afu lolo huto nehinogo enali ya'ma yagapana'ni lolo hite minalune'mu habe.

Huto Hilina Ka 3:21

Nani amuya moloto Satahi be ligilogo afo'nifu ya'ma ai'a sekele mamu'a hiti kefa hisa minolatana nohinalo minolata nohube. Luga'amagi enali monolugu amuya melete mine lite bite Satahi luba'a be ligilana'a ya'ma ana suhi hite nani'ni ya'ma elesa melenogo nani sekele mamu'a hiti kefa hisalo nohuna namaha'aga moneka minaluta'mu yabe.