Romu 8:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Hu'mamofihi Sikalafu'uba lali lemehati hiti li hepito'a moneko legege nohuto'a Hu'mamofihi pana'amagita nehabe luto nolimibe.

Romu 8:16 ပူးပေါင်းရင်းမြစ်များ

Matiu 5:9

Bona'i enali luba hilune'mu nehinogomo ana luba folagaha'anigu bite kofa hu epelelata nehana bona'i enali enegelo bilo. Hu'mau ai panana'ni yabe lilina'mu yabe.

Luku 20:36

Enali aku'i mefililana'mu yabe. Enali agelo bona'magi suhi lite minalana'mu yabe. Hu'mau fili'ahanaguti enele'mo ho tilina'mu yago enali ai'a yagapana'a minalana'mu yabe.

Yoni 1:12

To bona'i luga'amagi be tigite le'mo bati hite agoya hu emi'ahana. To ya hi'ahanamagihi ya'ma Hu'mamofihi yagapana'a yabe luto ai enele'moto enebe tigi'ehina.

Aposolo 5:32

Asaga ya'mananamofihi kaga'a lu yege hose bo lali nohune, to Sikalafu'uba hiti ya'mana kaga lu yege nohabe. To ya'mana kaga keheli komopa'anigu malana boana'i Hu'mau Sikalafu'a enalitoga nomalabe.

Romu 8:14

Asaga bona'i Hu'mamofihi sikalafu'uba enele'moto bulata nohina enali Hu'mamofihi lusi panana'a nehabe.

Romu 8:19

To Hu'mau asaga melugu lolo hu'ehina'a yanagu neminanamagi ai pana'amagihi enele'mo ho tilina yupahi geba hite amuya melelata nehabe.

Romu 8:23

To asaga melugu neminana usegi asegi hite hilata neminago enali'anigo menehabe. Lali hiti Hu'mamofihi Sikalafu'i kohe toto limi'ehina bona'magita komopatigu yibi bena huto yibi huto usegi asegi ilata nohune. Ya nohuto Hu'mau lugufati kosaba'na lolo huto lele'mo bati hilina kana'amu geba nohunogo keta huse nagaluguti gulu ho letalibe.

Romu 8:26

Ya'ma geba hulata komopati amuya memolose nohunogo Hu'mamofihi Sikalafu'uba lalitoga oto lehe'malina'mu yabe. Lali aitoga henana loka haluta mekeheli'ohunogo ai keheli'ehina. Ya'ma Sikalafu'uba lali kumu Hu'mamofitoga baga'atu kaga meluse komopa'a amuya'auba buka tilata nohibe.

Romu 9:26

To mone melugu bona kumu, lenali bona'ni menehabe luto yata'a lu'ehinago aku analo enali kumu Hu'mau minoba minoba hu'ehina bo, ai'a yagapana'a nehabe luto ya lilibe.

Romu 9:8

Ya'ma kaga hapa'a ma ni'ina, asaga Abalahahi yagapana'a Hu'mamofihi lusi bona'a menehabe. Hena'mube? Hu'mau Abalahahi pana'a moneko kumu kaga bebe sose ka molo'ehina yabe. To ya'ma pana'asigo ketalina yagapana'magihi enali'anigo Abalahahi lusi naga'i nehana yabe.

2 Koliti 1:12

Laliti'mu kehelutogo nesi'a tilata nohina. Ya'ma ya hu'ohuto'mu komopati lusiga noluto to lama'nakagu ya'ma metoga nohutogo komopatiuba nasana mone kumu li fitu falina'a meni'ibe. Lali Hu'mamofihi ka mekeheli'ahana bona'i enali enubulo ya suhi huto minoto mono ka kehelilata nehana bona'i lenali lenubulo bati huto minolata nohune. To lali metoga bona'magi kehelilata nehanalo amuya moloto bati huto mino'ohuta meni'ibe. Hu'mau lele'mago ai amuya'alo bati huto minolata nohune.

2 Koliti 1:22

To ai'a bona'a minalune luto komopatigu keya'a molo leto'ehinamo ni'ibe. Ai aliha'a lele'mo laga hina huto mino baga ilinamofihi babeyafa'a lolo huto ya'ma ai Sikalafu'a komopatigu molo letago mino'ehinamo ni'ibe.

2 Koliti 5:5

Ananamofihi lamana'a ya'ma huto hu limilibe luto le'mo babahi hu leto'ehina ya'ma Hu'ma ai'asigo nohibe. Ai ya huto lele'mo hetofa hilina nasanamofihi babeyafa'a ya'ma ai Hu'mamofihi Sikalafu'iya molo leto'ehibe.

2 Koliti 6:18

Ya huloto'ni afotinifita minalube, to lenali ya'ma pa'ni pana'ni lolo hite minalabe. Ya'ma Hu'ma amuya bouba huse mehuse suhi huto ai'a kaga'a ya luto lu'ehinamo ni'ibe.

Galesia 3:26

To lenali ya'ma Yesu Kilisito kumu keheli ule'ale huto agoya hu emuta'mu yabe lite yata'isi asaga'i Hu'mamofihi yagapana'a lolo hite nehabe.

Galesia 4:6

To lenali Hu'mamofihi pana'i lolo hite nehana yabe luto Hu'mau pana'amofihi Sikalafu'uba komopatigu ho lifigo limi'ehina. Limito nohigo lali Hu'mamofi kumu: Oho, Apaobe lulata huto nominone.

Efeso 1:13

To lenali ana suhi hite ka lamana'a Kilisitou lenubuto bilata bo nohina ka kehelite Kilisitohi keheli ule'ale hite agoya eminogo Hu'mau nani bona'ni minalabe luto ai'a Hetofa Sikalafu'amo lepi'ehina yabe. Koyapa'i lu molo'ehina suhi huto lepi'ehina ni'inagihe.

Efeso 4:30

Hu'mamofihi Sikalafu'a le'mo ipagu sibina mehilo, yamofihi lenigiki ka lite le'mo felu kalu mehalo. Hena'mube? Hu'mau alihi kana napa'a huto hulenogomo lenalimoya gulu hoto fi hetofa hu letalibe luto Sikalafu'a yaga osahi tegi huto lepi'ehina ni'ibe.

1 Yoni 3:1

Bu galo. Afotifu ya'ma komopa'a sipi huto limiloto pa'nibe, pana'nibe luto lu leto'ehina. Komopa'a limilata'na hofa toto minago lali ai yagapana'a bati huto nominone. Yana'mu melugu bona'magi Hu'mamofitoga meneminana enali laliti hapati menekehelibe. Hena'mube? Hu'mamofihi hapa'a mekeheli'ahanamo ni'ibe.

1 Yoni 3:10

Hu'mamofihi pa'a pana'a to Satahi pa'a pana'a enali hapa hapa'ani ya suhi huto ya'ma huto nohigo bu galune'mu nohune. Luga'a mino fotogo hite meminalana'mu enali kumu Hu'mamofitogati menehabe luto nokehelune. To enali komopa'ani ya'ma enalalu'anigihi meepinogomo enali kumu Hu'mamofihi bona'a menehabe luto ya'ma ana huto lilune.

1 Yoni 3:2

Komopa'ni lepi'ohuna bona'ise. Lali ya'ma yata'isi Hu'mamofihi pa'i pana'i nohutagi, to minoto hena hena babeyafalo huto hiluta ni'ibe. Yamofihi hapa'a mele'isi huto hu lamana menohina'mu ma luto keheli'ohune. Kilisitou huto hu lamana hilina yupahi ai'a babeyafa'a bu go bati hulototi ai babeyafaloko minaluta'mu yabe.

1 Yoni 4:13

Hu'mau ai Sikalafu'a molo leto'ehinagihe. Ya limi'ehinamu'i ai'a lali'i lele'mo maha'aluga mololata nohigo yanagu minota, to ai komopatigu minoto ho tito nohina ya'ma keheli fe lu'ohune.

1 Yoni 5:10

Ya luto ligo enali Hu'mamofihi pana'amofi kumu enemehi emilana'a enali komopa'anigu keheli lamana hilata nehabe. Luga'amagi enali Hu'mamofihi pana'auba ka'a lu'ehina kamu'i keheligo futu'a lolo hu'ehinamo ni'ibe, ya'ma bona'i ya hana'amagihi Hu'mamofi kumu fagalo bo yabe lite li'ahanamo keheli'ehibe.

Huto Hilina Ka 21:7

Luga'amagi enali mono kagu amuya melete mine lite bite minalanamagi Satahi luba'a be ligilanamagi ya'ma ana nasana molo lilana'mu yabe. To nani ya'ma Hu'mau afo'afu lolo huto nehinogo enali ya'ma yagapana'ni lolo hite minalune'mu habe.